قبول الطلاب والطالبات الغير سعوديين

[Jalal Mhmd]

المشاركة الأصلية كتبت بواسطة waseem7 انا رفعت صورة الاقامة القديمة قبل التجديد ، الان عندي الاقامة بعد التجديد لكن ماقدر ارفعها لاني عملت تأكيد ، هل وضعي سليم ؟ ولا اراجع الجامعة واعطيهم نسخة من الجديدة ؟

أفضل إنك تتصل وتسألهم بنفسك هذا السؤال عشان تتطمن أكثر

[Jalal Mhmd]

المشاركة الأصلية كتبت بواسطة حيــــــاة انا جيت

أخت حياة تجربتك مع القدرات والتحصيلي لازم تكون في موضوع لوحدها لإنه كتير طلبة وطالبات رح يستفيدوا منها ما شاء الله عليكي

أنا القدرات ذاكرته من كتاب اشتريته من جرير ودرستني هوا أختي الرائعة جدا
والتحصيلي شاركت بدورة مركزة 5 أيام بعد إمتحانات الثانوي كانت مفيدة الحمد لله

لكل الناويين يدخلوا اختبارات القدرات والتحصيلي تاني الله يوفقكم ويناولكم اللي في بالكم وأكتر

[رنآ العبدالله]

المشاركة الأصلية كتبت بواسطة دلال حمد تروحين وترجعين بالسلامه يارنوش وإن شاءلله قريب ربي بيفرج علينا أجمع

الله يسلمكك ي عســــل♥♥
آميــــــــــين ي رب

[أدرينالين]

السلام عليكم ورحمة الله ..

عندي استفسار أتمنى أن أجد من يجيب عليه أو مرت عليه مثل حالتي من قبل..

أرسلت لي رسالة طلب إكمال البيانات من جامعة الملك عبد العزيز.. وقمت برفع المستندات وتأكيد الطلب

الشاهد في الموضوع ، أن جامعة طيبة طلبت مني المستندات قبل أكثر من شهرين ..
وتم رفع اسمي للوزارة من قبلهم ،
وبحسب معلومات مؤكدة من وزارة التعليم العالي
بأن من يتقدم إلى أكثر من جامعة فإن الجامعة
التي ترفع للوزارة أولا هي من يتم قبول الطالب فيها

وأنا أرغب في القبول في جامعة عبد العزيز كوني من سكان جدة ونسبتي الموزونة فوق 93 بفضل الله

هل يوجد من أعضاء المنتدى من لديه مثل هذه الإشكالية وما هي مقترحاتكم ؟

وشكرا

[الرّوان]

وعليكم السلام ورحمة الله وبركاته يبارك بعمرك لسى ما انقبلنا ، وانما هي بداية للقبول بإذن الله والبقية يلحقونا السفارة اتصلت بيناوي الاسبوع الماضي وقلها احنا منتظرينها تجي من الوزارة واول ماتجي بنخبركم ،، عساها قريب سعود ما ادري ،، بس انتِ كيف تسألي ؟ اقصد انه حتى عبدالعزيز لم نسأل يقولوا سنوي .. انتِ اسألي عمادة سعود نفسها اتصلي وقولي لهم قبول الغير سعوديين لم يجي الحين عن طريق السفاره هل بندرس ترم ثاني او بيتأجل للسنه الجديدة ! ويجي غيري ويفيدك موفقه : )

ربي يسعدك ياحياة !
ماقصرتي

هلا اختي انا مرا كلمتهم قالوا لي انتظروا ان شاء الله تطلع لكم المعاملات قريبا هالكلام مر عليه اسبوعين المهم اني قررت اسافر وبرجع بعد شهرين وحبيت اكلمهم قبل عشان اتاكد انو خلاص مافي امل كلمته وقال لي سبب التاخير هاذا كله ليش طلع من رفع المعامله من وزارة التعليم كان في خطا وقال اني رحت لهم وقالوا بيعدلوونه وبرسلون لنا ارقام المعامله هاذا الاسبوع بخصوص قبول جامعه سعود فهو سنوووي مثل نورة :( سالته متئ بندرس ..!! قال اذا خلصت المعاملات روحوا للجامعه وبنشوف وكلمني ع طاري جامعه الملك سعود انهم دخلوا عبدالله بقشان يتوسط ويدخلونكم هالترم وقال استبشروا خير في هاذا الاسبوع ح

يااااااااااااااه , كمية أمل وسعاده في ردك ! ههههههههه بعد التحطيم اللي أسمعه كل فتره من وزارتنا ومن الناس اللي يدقون عليهم , ردك هذا جابلي السعاده !
الله يسعدك يارب ويوفقك
بالنسبه لجامعة نوره تطمني ترا فيها ترم ثاني وهالكلام من وحده انقبلت العام عن طريق المنح !
نظامهم ماشاء الله استرتش هههههههه حتى لو درستي في نص الترم يختبرونك تحديد مستوى والحياه حلوه !
الله يوفقنا جميعًا يارب ونشوف كل اللي في هالموضوع مقبولين يارب !

شكرًا لكم ()

[L I G H T]

المشاركة الأصلية كتبت بواسطة أدرينالين السلام عليكم ورحمة الله .. عندي استفسار أتمنى أن أجد من يجيب عليه أو مرت عليه مثل حالتي من قبل.. أرسلت لي رسالة طلب إكمال البيانات من جامعة الملك عبد العزيز.. وقمت برفع المستندات وتأكيد الطلب الشاهد في الموضوع ، أن جامعة طيبة طلبت مني المستندات قبل أكثر من شهرين .. وتم رفع اسمي للوزارة من قبلهم ، وبحسب معلومات مؤكدة من وزارة التعليم العالي بأن من يتقدم إلى أكثر من جامعة فإن الجامعة التي ترفع للوزارة أولا هي من يتم قبول الطالب فيها وأنا أرغب في القبول في جامعة عبد العزيز كوني من سكان جدة ونسبتي الموزونة فوق 93 بفضل الله هل يوجد من أعضاء المنتدى من لديه مثل هذه الإشكالية وما هي مقترحاتكم ؟ وشكرا

-


وعليكم السلام ورحمة الله وبركاته ،

أنا ماقد مريت ف تجربة زي كدا لكن المفروض ماشاءالله موزونك 93
فما يحتاج المرمطة والتقديم ف كذا مكان، عزوز بإذن الله تقبلك بالراحة

برأيي اتصلي على عمادة عزوز وإسألي خاصة إنك تبي عزوز مش طيبة
يمكن يفيدوكِ بإجراءات معينة ،

موفقة يارب ()*

[خيرية تيجاني]

كيف يعني ارفع اوراقي ترى انا مرره ماني فاهمه شي
فهميني حبه حبه
دحين انا انتساب وغير سعوديه
يمديني اقدم انتظام من طريق العماده حقت الرجال من غير م اسحب اوراقي الانتساب
عشان اذا م قبلوني انتظام اكمممل انتساب
واذا في تقديم جد وين اروح بالزبط واش من اوراق اوديها
بليز سااعدنيني لاني ب مررره كارهه التخصصات حقت المسار الادبي

[خيرية تيجاني]

المشاركة الأصلية كتبت بواسطة حيــــــاة ماشاء الله تبارك الرحمن موزونك حلوووو ويقبلك انتظام طوالي عالترم الثاني ، انتِ ماقدمتي معنا في رجب للإنتظام عن طريق الموقع ؟؟؟ لو حولتي من انتساب لانتظام ماتقدري تدرسي مسار علمي .، لو كنتي قدمتي معانا عالانتظام في شعبان ،، افتحي ملفك الحين وارفعي اوراقك وراح يجي القبول بإذن الله بعد الحج ، ولو ماقدمتي ،، خلي احد يروح بكرة عمادة الرجال وياخذ اوراقك ممكن يرضوا ويستلموها ، من اسبوع اعتقد في وحدة قدمت ،، واذا كنتي يمنيه لاتخلي موعد التقديم لمنحة السفاره يفوتك في 1 ياناير .، واي سؤال احنا حاضرين .. موفقه : )

طيب يعني اقدر اقدم من جديد انتظام وانا لسه م سحبت اوراقي انتساب عشان اخاف م انقبل علما اني طالبة غير سعوديه
وبعدين وين اقدم بالزبط ووين ومتى \واش من اوراق بالزبط مطلوبه مني
معليش تعبتك معايا ابي افهم زين لاني مرره ماني فاهمه

[عشقَ البرشاَ]

أبغا اسلم عليكم ي أميرات / وحشتوني

[أدرينالين]

الأخت لايت:
شكراً لاهتمامك،وقد راجعت قبول عبد العزيز وأفادوني بالاتصال بوزارة التعليم العالي في الرياض وأخبرني الموظف بأن سحب الطلب يكون من جامعة طيبة علماً بأن الأسماء رفعت ألى التعليم العالي من طيبة، وقال لي تأكد من قبول عبدالعزيز قبل سحب طلب طيبة. ولكن من يستطيع التأكد من قبوله ومتى؟
فأخشى أن أسحب طلبي من طيبة ثم لا أقبل في عبدالعزيز.
أسأل الله أن يلهمنا الصواب وختار لنا الخير جميعاً