( .. وظائف للسعوديين بالكويت .. )

[salemf15]

السلام عليكم جميعا

مشكور ولد الجهراء عالموضوع وتكلفك فيه والله يعطيك قد نيتك .

بالنسبه للعمل بدول الخليج أشوف انه مجدي خصوصا العاطل لويروح يجيب له خبره عمل من دول الخليج اتوقع بتنفعه بالسيرة الذاتيه خصوصا ان اغلب الوظائف الجيده يتطلب لها خبرة والكويت بلد متقدم وشقيق واهله طيبين ولدي زملاء من اهل الكويت موظفين معنا بهيئه حكوميه وجنسيته ( كويتي ) وطلب مني احدهم الذهاب معه للكويت وذهبت وقعدت معه حدود 7 ايام وكانت من اجمل الايام وبخصوص المميزات الي ذاكرها ولد الجهراء فعلا موجوده وبالتوفيق للجميع .

وبخصوص بريطانيا بلد جميل وخصوصا لندن اكبر شارع فيها اصغر من الشارع الي قدام بيتنا بشوي ومن كثر الزحمه يتنقلون بالباصات فوق و تحت الارض وحسب علمي ان اهل لندن الاصليين يسكنون خارج لندن والسبب يعود للزحمه الي مسببينها العرب و الاجانب داخل لندن وخصوصا شارع الاكسفورد والبكيديلي وادجوارد رود وغيرها .

لن اطيل عليكم الغربه صعبه بس بلندن اكيد بتكون احلا من الكويت و الواحد يسعى اذا مالقى نصيب بمكان يبحث عن مكان اخر واي مواطن يعمل خارج بلده مصيره يرجع وينفع بلده عن طريق نقل الخبرات والاستفاده من التجارب الي موجوده بالدول الاخرى والامثله على ذلك كثير خصوصا بالمجال الاعلامي و الطبي والهندسي .

[ولد الجهراء .....]

المشاركة الأصلية كتبت بواسطة salemf15 السلام عليكم جميعا مشكور ولد الجهراء عالموضوع وتكلفك فيه والله يعطيك قد نيتك . بالنسبه للعمل بدول الخليج أشوف انه مجدي خصوصا العاطل لويروح يجيب له خبره عمل من دول الخليج اتوقع بتنفعه بالسيرة الذاتيه خصوصا ان اغلب الوظائف الجيده يتطلب لها خبرة والكويت بلد متقدم وشقيق واهله طيبين ولدي زملاء من اهل الكويت موظفين معنا بهيئه حكوميه وجنسيته ( كويتي ) وطلب مني احدهم الذهاب معه للكويت وذهبت وقعدت معه حدود 7 ايام وكانت من اجمل الايام وبخصوص المميزات الي ذاكرها ولد الجهراء فعلا موجوده وبالتوفيق للجميع . وبخصوص بريطانيا بلد جميل وخصوصا لندن اكبر شارع فيها اصغر من الشارع الي قدام بيتنا بشوي ومن كثر الزحمه يتنقلون بالباصات فوق و تحت الارض وحسب علمي ان اهل لندن الاصليين يسكنون خارج لندن والسبب يعود للزحمه الي مسببينها العرب و الاجانب داخل لندن وخصوصا شارع الاكسفورد والبكيديلي وادجوارد رود وغيرها . لن اطيل عليكم الغربه صعبه بس بلندن اكيد بتكون احلا من الكويت و الواحد يسعى اذا مالقى نصيب بمكان يبحث عن مكان اخر واي مواطن يعمل خارج بلده مصيره يرجع وينفع بلده عن طريق نقل الخبرات والاستفاده من التجارب الي موجوده بالدول الاخرى والامثله على ذلك كثير خصوصا بالمجال الاعلامي و الطبي والهندسي .

وعليكم السلام ورحمة الله وبركاته ...

العفوو أخوي واجبي أتجاه أخواني


الله يجزاك خير

وكلامك جميل ومنطقي

أشكرك على هالكلام الطيب

لأن والله من خلال هالموضوع تعجبت من اللي يكلموني

الماجيستير اللي كلموني من الجنسين بالهبل منهم المهندس ومنهم الانجليزي

وتخصصات بالكويت يستقبلونهم بسهوله اللي يقول متخرج من 5 سنوات

واللي سته واللي ثمانيه , موحرام أضيع عمري أنتظر أشياء تتغير ويمكن اموت ولاتغيرت

يجب على الانسان في البحث عن رزقه , وصدقت لو على الأقل الواحد يأخذ خبره

مع أني أدري اللي يجي ويتوظف ويستقر بالكويت مايخليهااا


ولا بقيت تجي الكويت علمنااا عين فراش وعين غطا



مشكور مره أخرى يالغالي

[اغلى حبيبة]

ياسلااام معقول صدق هالكلام ؟؟

بهاااجر من هنا ل اي مكااان

طيب الكويت صغيره يلا تكفي اهلها كيف كمان السعوديين تكفيهم؟

[ولد الجهراء .....]

المشاركة الأصلية كتبت بواسطة اغلى حبيبة ياسلااام معقول صدق هالكلام ؟؟ بهاااجر من هنا ل اي مكااان طيب الكويت صغيره يلا تكفي اهلها كيف كمان السعوديين تكفيهم؟

ليش مومعقول


واللي له ربع وناس بالكويت يعرف هالشيء

أناااا فريت دول الخليج ولي أصدقاء كثر في كل دوله خليجيه

يعني تقريباااا يمكن دول الخليج كل دوله جيتهااا اكثر من عشرين مره


الإمارات وقطر والكويت كلهااااا فيها مميزات موطبيعيه


وللعلم فقط أعرف سعوديين يعملون في مهنة التدريس بالإمارات عادي مافيها شي



وبالنسبه للكويت صغيره أناااا زرت الرياض كثييير يطق مخي وانا لحد الحين

ماوصلت للمكان اللي ابيه من الزحمه , وجده كذلك وترى الكويت أعتقد مايقارب مساحة الرياض


وللعلم فقط مافيه بنت دوامهاااا أكثر من ربع ساعه مسافه عن بيتهاااا إلا إذا هي كانت تبي


أنا خواتي ولله الحمد كلهم جامعيات وموظفااااات ودوامتهن عند البيت


وللعلم بالكويت حتى اللي ماعنده شهادة أبتدائي يتوظف وراتبه مايقارب 12 او 13 الف ريال



طبعاااا فيه نقطه : الكويتيات اللي مايبون يتوظفون يمشون لهم الحكومه وهن في بيوتهن

470 دينار يعني تقريبا 6 الأف ريال وهي نايمه


وهناك أمور كثيره بالنسبه للسعوديه اللي تتزوج كويتي يعطونه جنسيه او سعودي يتزوج كويتيه

تخيلواااا سعودي يجي من السعوديه يتزوج كويتيه يعطونه الحكومه بيت !!!! << ياحلوهم




لو أتكلم ماأخلص

[سمارت غيرل]

المشاركة الأصلية كتبت بواسطة ولد الجهراء ..... تخيلواااا سعودي يجي من السعوديه يتزوج كويتيه يعطونه الحكومه بيت !!!! << ياحلوهم

لجل الله اخوي لا تلمع الكويتيات من هالناحية، خل تنحل مشكلة العنوسة في بلدنا

[ولد الجهراء .....]

المشاركة الأصلية كتبت بواسطة سمارت غيرل لجل الله اخوي لا تلمع الكويتيات من هالناحية، خل تنحل مشكلة العنوسة في بلدنا

لا ماألمع أنا ساكن بالكويت وغير بنت السعوديه ماأخذ

وبكل شي كلن له رأي وتوجه اللي يبي يأخذ إن شاءالله من مصر والا أفريقيا يحق له



مشكلة العوانس حلهاااا بيد الحكومه توظيف العاطلين وتعطيهم المهر

والشي الثاني من أهل العروس لازم يخففون الطلبات

الكويت يعطون المواطن 6 الاف دينار مهر يعني 80 ألف ريال

الاف له هديه والفين يقصد على كيفه

ليت الحكومه تشوف الخليج حولناااا وترتقي بشعبهااا


مشكوره عالمرور

[عبدالعزيز حسين]

اخوي ولد الجهراء
اول شي الله يعطيك العافية و جزاك الله خير و ما قصرت لانني و الله العظيم كنت شايل هم كبير خصوصاً انه اهلي خلاص انتقلو من الكويت للشرقيه قبل 4 شهور وانا صراحه دورت كل مكان ما حصلت على وظيفة فقلت شكلي ابي ارد للكويت عند خوالي و ادور و انت ما قصرت نورتني و علمتني جزاك الله الف خير
و بالنسبة للردود الي مالها داعي ترا حرام عليكم الرجال و الله ما قصر و انت يا خوي لا تشيل همهم ترا و الله العظيم ما عندها ما عند جدتي على الكلام الي كتبته قبل شوي و بعدين الكويتين و السعودين اخوان و عيال عم ما يفرقهم شي تافه من شخص
اانا انولدت بالكويت و طول عمري عايش فيها والله العظيم اني ما واجهت من اهل الكويت الا كل خير ويشهد علي ربي
و بعدين شنو فيها اذا السعودي راح للكويت واشتغل ؟ ترا قاعد بين اهله و ناسه حتى لو اول مره يطب الكويت ما راح يحس بغربه
شنو ذنبهم اذا مو لاقين وظايف بديرتهم ؟ هل اقعد بطالي و انطر لين احد يدورلي حلول ؟
و الله قمت استحي اطلب فلوس من ابوي انا رجال متعلم ماني محصل على وظيفه في ديرتي شسوي اقعد رجل على رجل و انطر حلول ؟
وبعدين اهل الكويت ما عمرهم تكرمو علينا بشي و الله انا ابوي من انولدت و هو يشتغل بالبحرية الكويتيه و تقاعد ولله الحمد و رجع للسعوديه ما عمره انكر هذا الشي وترا مو عيب اذا الواحد اشتغل بالخليج ترا الخليج كله واحد و ما يفرقنا شي و حرام عليج اتفرقين بيننا
و زبده الموضوع يبا اذا ما تبين على قولتج الكويتين يتكرمون عليج خلاص اقعدي بمكانج و لا تتهجمين عليهم ترا و الله عيب و ما يصير تجرحين بالمصرين ترا كلنا مسلمين
و مره ثانيه اخوي ولد الجهراء مشكور والله يجزاك خير و اعذروني اذا كنت غلطت على احد

[ولد الجهراء .....]

المشاركة الأصلية كتبت بواسطة عبدالعزيز حسين اخوي ولد الجهراء اول شي الله يعطيك العافية و جزاك الله خير و ما قصرت لانني و الله العظيم كنت شايل هم كبير خصوصاً انه اهلي خلاص انتقلو من الكويت للشرقيه قبل 4 شهور وانا صراحه دورت كل مكان ما حصلت على وظيفة فقلت شكلي ابي ارد للكويت عند خوالي و ادور و انت ما قصرت نورتني و علمتني جزاك الله الف خير و بالنسبة للردود الي مالها داعي ترا حرام عليكم الرجال و الله ما قصر و انت يا خوي لا تشيل همهم ترا و الله العظيم ما عندها ما عند جدتي على الكلام الي كتبته قبل شوي و بعدين الكويتين و السعودين اخوان و عيال عم ما يفرقهم شي تافه من شخص اانا انولدت بالكويت و طول عمري عايش فيها والله العظيم اني ما واجهت من اهل الكويت الا كل خير ويشهد علي ربي و بعدين شنو فيها اذا السعودي راح للكويت واشتغل ؟ ترا قاعد بين اهله و ناسه حتى لو اول مره يطب الكويت ما راح يحس بغربه شنو ذنبهم اذا مو لاقين وظايف بديرتهم ؟ هل اقعد بطالي و انطر لين احد يدورلي حلول ؟ و الله قمت استحي اطلب فلوس من ابوي انا رجال متعلم ماني محصل على وظيفه في ديرتي شسوي اقعد رجل على رجل و انطر حلول ؟ وبعدين اهل الكويت ما عمرهم تكرمو علينا بشي و الله انا ابوي من انولدت و هو يشتغل بالبحرية الكويتيه و تقاعد ولله الحمد و رجع للسعوديه ما عمره انكر هذا الشي وترا مو عيب اذا الواحد اشتغل بالخليج ترا الخليج كله واحد و ما يفرقنا شي و حرام عليج اتفرقين بيننا و زبده الموضوع يبا اذا ما تبين على قولتج الكويتين يتكرمون عليج خلاص اقعدي بمكانج و لا تتهجمين عليهم ترا و الله عيب و ما يصير تجرحين بالمصرين ترا كلنا مسلمين و مره ثانيه اخوي ولد الجهراء مشكور والله يجزاك خير و اعذروني اذا كنت غلطت على احد

الله يجزاك خير

الله يعافيك ياأخوي

مشكور عالكلام الطيب أخوي عبدالعزيز

وصدقت الرجل يسعى للرزق بين المسلمين سواء بالكويت اوبالسعوديه او غيره


وماعليه يالغالي حتى اللي يتكلمون يبقون أخوان لكن لهم أراء أخرى رغم أنه المفروض

مايحطونها بالموضوع لأن الموضوع للفايده والمساعده باللي نقدر عليه انا ولا غيري

وأنا صج مرات فيه ردود تضيق خلقي من فئات من الناس لكني أستمريت في الموضوع

لأني أدري أنه بإذن الله فيه ناس بيستفيدون من هالموضوع فلا بد نتغاضى عن أمور ونتحملهاا

لأجل ناس يحتاجون أحد ربما يفيد بمعلومهم تتغير فيها حياته أو احد يلقى رزق يفتح فيه بيت

وأنا ماأبي أحد يمدح فيني من الناس ولا أحد حتى يعرفني


سبب الموضوع لأني عايش بالكويت وشايف السعوديين شلون أمورهم زينه وأهل الشهايد

موظفين وظايف زينه , لأني ودي أساعد شباب بلدي العاطلين .


وخل اللي يتكلم يتكلم

ماعند الله خيرا وأبقى


وعسى ربي يوفقك ويفتحها بوجهك


( إذا أنت بالشرقيه تحديدا الدمام أوالجبيل ) وحاب تتوظف فيهاااا بالشركات الكبيره علمني وراح أقول لك وين تروح ولمنو تروح ؟




مشكور على الكلام الطيب يالطيب

[احمد 101]

اخي ولد الجهراء هل انت تدرس عندنا بالجامعة انتساب

[ولد الجهراء .....]

المشاركة الأصلية كتبت بواسطة احمد 101 اخي ولد الجهراء هل انت تدرس عندنا بالجامعة انتساب

أيه نعم يالغالي

ماعندناااا جامعه أنتساب بالكويت

والجامعه المفتوحه يقولون صعبه

الموظفين كثير يدرسون أنتساب