][ إجتمآع طلآب وطآلبآت الحوسبة ^^ ][ ، نقآش ، شرح ، معلومآت ..~

اهلاوية · 30-10-2010, 12:54 AM

^^^

الله يسعدك يا سمايل و يوفقك يارب ^_^

*سوسوو* · 30-10-2010, 04:08 AM

السلام عليكم...
ممكن تساعدوني وتشرحولي في الحوسبه الجزء الاخير من الشابترالثالث من عندstoring textوالى الاخيرلانو مرررررره حايسه فيه وماني فاهمه حاجه
وجزاكم الله خير.....

محتاج لها · 02-11-2010, 12:04 AM

كوثر متى ان شاء الله تنزلين شبتر 3

واختبار البنات متى ؟؟؟

كوكو شانيل · 02-11-2010, 12:15 AM

المشاركة الأصلية كتبت بواسطة محتاج لها

كوثر متى ان شاء الله تنزلين شبتر 3

واختبار البنات متى ؟؟؟

شآبتر 3 كملت نصو بس ، وإن شآء الله أبدأ في تكملتو بكرـآ وأنزلو أول مآ أخلص ..!

يعني في الويك إند بإذن الله حيكنمل 3 و 4 .

وبالنسبة لاختبآرنآ حيكون يوم الأحد بمشيئة الله ..~

بالتوفيق ^^

كوكو شانيل · 04-11-2010, 02:53 AM

ملآحظة : - شرحي لآ يغني عن الكتآب وشرح الدكتور/ة نيفر نيفر نيفر .
- أنآ حأشرح الأشيآء الهآمة ، اللي يحتآجلهآ شرح ، واللي فآهمتهآ وينفع إني أتسلسف فيهآ .

بسم الله الرحمن الرحيم

أول شي عندنا البيانات تنقسم لـ 5 أنواع :~
1- الأرقام .
2- النصوص .
3- الأصوات .
4- الصور .
5- الفيديو . <- مدري هيآ لهآ مسمى بالعربي ولآ لأ الموهيم سلكو

الفقرات اللي تحت الـ Figure 3.1 بيشرح كل نوع من أنواع البيانات دي في إيش ممكن يستخدم ،
يعني زي ما نقول أمثلة لإستخداماتها .

البيانات داخل الحاسوب :~ <-
جميع أنواع البيانات لما بتتخزن في الجهاز تتحول لشكل موحد (مثلا لصفر وواحد <- مو متأكدة من صحة المثال لكن ذكرتو للتقريب وتوضيح الفكرة) ، وترجع لشكلها الطبيعي لما بنسترجعها أو بنطلبها مرة تانية .

Bits :~
هيا أصغر وحدة ممكن نخزن فيها البيانات وقيمها دايما بتكون يا 0 أو 1 .

Bit patterns :~
بنستخدمو عشان نمثل أنواع مختلفة من البيانات .

Figure 3.3 :~
بيوصفلنا طريقة حفظ البيانات في الجهاز .

الكلام اللي تحت الرسمة دي :~
بيقول إني لو جيت ضغطت في الكيبورد على حرف الـ A أو كتبت الرقم 65 في الجهآز على طول تترجم للرقم 01000001 ، وكمآن جزء من أي صورة أو فيلم أو صوت حتتخزن في الميموري وحتترجم لنفس الرقم السآبق بدون ما يهتم لأساسها سواء رقم أو حرف أو أي شي من اللي ذكرناه .

ضغط البيانات :~ <-آي قيس كدـآ ترجمتهآ
لشغل مساحة أقل في الذاكرة ، البيانات تلقائيا بيحصلها ضغط قبل ما تتخزن في الكمبيوتر .

STORING NUMBERS :~
الأرقام تتحول للنظام الثنائي (صفر وواحد) بعد كدا تتخزن في ذاكرة الجهاز .

الكمبيوتر بيستخدم طريقتين مختلفة من التمثيلات ..
الأولى : الفيكسد بوينت وهيا بتستخدم لتخزين الأرقام على شكل integers يعني بدون الجزء الكسري .

الثانية : الفلوتينق بوينت وهيا اللي تستخدم لتخزين الأرقام على شكل أعداد حقيقية .

storing integers :~
لما يكون عندي عدد صحيح ، موقع الديسيمال بوينت يكون في أقصى اليمين وطبعا ماحيكون له bitخاص فيلو ، لكن موقعها الإفتراضي حيكون في دا المكان . للتوضيح عندنا Figure 3.4

unsigned integer :~
هيا الأعداد اللي دائما بتاخد قيم من 0 إلى موجب ما لا نهاية ، وأبدا ما تحمل قيم سالبة .

لتحديد القمة العظمى للأعداد الصحيحة نوجدها من القانون ( (2 أس إن ) ناقص 1 ) .

خطوات تخزين الـ unsigned integers :~
- نحول العدد الصحيح إلى binary .

- لو حددلنا عدد الـ bits مثلا 9 والـ binary عندنا يجي بس في 4 خانات أو bits نضيفأصفار ونعبي جميع الـ bits الفاضية.

Ex. 3.1
طلب مننا تخزين العدد 7 في 8 bits .
الحل :

نعمل نفس الجدول اللي آخر صفحة 30

2 أس 0 | 2 أس 1 | 2 أس 2 | 2 أس 3 | 2 أس 4

1 | 2 | 4 | 8 | 16

السبعة عبارة عن كم + كم ..
7 = 4 + 2 + 1

نجي نشوف أول خانة استخدمناها إذا إيوا نحط واحد وإذا لأ نحط صفر وهكذا باقي الخانات .

1 1 1

دحين نرتبها في الـ 8 bits ، وحنضيف طبعا لليسار 5 أصفار عشان تمتلي وحتصير كدا
00000111

وبس ; انتهى المثال .

والمثال اللي بعدو نفس الحكاية .

مثال 3.3
عكسلي أداني هوا بالـ binary وطلب أرجعها لأصلها .

أعطاني دا العدد -> 00101011

أرتب دي الأرقام تحت الأعداد اللي في نفس الجدول اللي آخر صفحة 30 ، وأشوف الليتحتو طلعلي الواحد أكتبو تحت واللي طلعلي بصفر أشطبو وهكزا وفي الأخير كلاللي طلعلي تحتو واحد أجمع نواتجهم ،

الحل كدا :

2 أس 0 | 2 أس 1 | 2 أس 2 | 2 أس 3 | 2 أس 4 | 2 أس 5

1 | 2 | 4 | 8 | 16 | 32

نرتب العدد المعطى :
1 1 0 1 0 1

الأصفار في الأخير دايما ما حأثر

الموهيم دحين الواحدات جات تحت الـ 1 و2 و8 و32
حنجمع دي الأعداد ونحط الناتج

1 + 2 + 8 + 32 = 43

وبس انتهى المثال ..

سووووري جدن جدن جدن ع التأخييير ><'

وحنكمل بكرـآ إن شآء الله

بالتوفيق ياارب ^^