طالبات متسولات في الجامعة ؟!!

[طارق المحمد]

يارب اصلحهم واهديهم والله غريبة بس في هالزمن الواحد يتوقع اي شيء
عموما الواحد يكون فاهم لا احد يستغله وبخصوص الاخت انتبهي ممكن يكونون عارفين بعض البنات النصابات هذولا ويطفشوونك الله يحفظك وبالتوفيق....

[ابو رابح]

تحصلينها عندها مشاريع ومواويل فما كفتها فلوسها..

تحيتي ابو رابح

[د-فوفه]

لاتعليق ممكن تكوون بحااجه وممكن شي تااني الله يعلم به

ولكن لابد ان نلاى الموواضيع من الجاانبين

جانب الحااجه
جانب الطمع او مااااتخطط له


يسلمووو مووضوع يستحق النقااش

[ابو رابح]

اعتقد الموضوع له ست شهور صح؟؟؟

[شخصية مستهدفة]

يا الله !!!!!!!!!!!!!!

انصدمت لما قريت الموضوع مو عشان شي .... بس لأن حتى أنا صار لي نفس الموقف !!!!!!

وربي اني قلتها لأهلي لما رجعت البيت !!!

قلتلهم ما دريتوا ان فيه تسول بين بنات الجامعه !!!!

الموقف صار لي أيام الامتحانات النهائية اللي فاتت...

جاتني وحدة وأنا رايحة أدور قاعة الامتحان ...

قالتلي لو سمحتي ...؟؟

أهلاً ..!!

لو سمحتي معاكِ عشرة ريال ؟؟؟


؟؟؟؟؟؟؟؟؟ دقيقه أشوف لك ...

فتحت المحفظة و ما لقيت صرف ...

بس كان عندي بطاقة شحن سوا بــ 10 حاطتها بالمحفظة لو أنزنقت أشحن فيها ...

قلت لها معايا سوا بــ 10 تبغيها إذا انك مزنوقة و تبغي تشحني فيها خذيها ...

قالتلي ... لا..لا أنا أبغى عشرة ريال ..

للأسف ما عندي...

و لو كان عندي وقتها كان من غبائي أعطيتها<<<<<< الحمدلله ما كان عندي وقتها لأني أحزن بسرعه عليهم...


بس الغريب فعلاً انه ما يبان انهم ناقصهم شي ..

مو عشان اللبس أو المكياج أو غيره ..

بس لأنه هي أكيد واحد من اثنين..

يا إما انتظام و تستلم مكافأة كل شهر...

أو إنتساب و مثل حالتي كل ترم تدفع لهم 3000 !!!

يعني ما أظن انهم محتاجين بس يبغوا يسوو بزنس على راسنا !!!!!!

لا حول ولا قوة إلا بالله...!!


سوري على إنه الموضوع له كم شهر بس توني اللي انتبهت له ...ولا كان رديت من زمان ..!!

[فرفوووشة]

انا لو مكانك ما اديها ريال والله مو عن بخل بس وحده داخله الجامعه وزي ماقالت الاخت الي ردت قبلي ياتجيلها مكافاه او تدفع للانتساب يعني مو محتاجه وحسب وصفك انو مافي حاجه ناقصاها
لو قلتي لها اديني رقمك الجامعي قبل ههههههه
انا جاتني وحده تقول لو سمحتي ممكن جوال قلت لها ماعندي استغفر الله بس يعني وحده ما اعرفها تبغاني اديها جوالي خييييير لو شردت بالجوال كيف ممكن يرجع لي ومين اصلا حيصدق اني اديتها جوالي!!!
تسلمي ع فتح الموضوع للنقاش وان شاء الله مايكون في احد محتاج فعلا :)))

[سوسا]

المشاركة الأصلية كتبت بواسطة فرفوووشة انا جاتني وحده تقول لو سمحتي ممكن جوال قلت لها ماعندي استغفر الله بس يعني وحده ما اعرفها تبغاني اديها جوالي خييييير لو شردت بالجوال كيف ممكن يرجع لي ومين اصلا حيصدق اني اديتها جوالي)))

تيب انا مره قدام الباب وحده طلبت جوالي و اديتها عادي

كلمت سواقها و رجعتلي الجوال <<<ما بتاكلو

تخيلي كدا جوالك طفى و لازم زي كدا وقت ما تجي تخرجي تتكلمي لا تكونو مره قاسيين



اما حكاية البنات ابو 10 و 15 حلللللللللللوه

فين مكانها ابا اروح اتسلا عليها شويه

[حفيدة عمر]

المشاركة الأصلية كتبت بواسطة سوسا تيب انا مره قدام الباب وحده طلبت جوالي و اديتها عادي كلمت سواقها و رجعتلي الجوال <<<ما بتاكلو تخيلي كدا جوالك طفى و لازم زي كدا وقت ما تجي تخرجي تتكلمي لا تكونو مره قاسيين اما حكاية البنات ابو 10 و 15 حلللللللللللوه فين مكانها ابا اروح اتسلا عليها شويه

طيب ايش رايك في اللي اخذت جوالي وكنت مطقطة ادني معاها
واللهِ ماقالت الا الو ايوه انا ومع السلامة !!
استغربت !!
قلت يمكن متفقة مع سواقها انو لو دقت من رقم غريب يجيها مشيت الموضوع
نفس اليوم بس في الليل استلمني الرقم الي دقت منو !!
وهاتك يا اتصالات يا مسجات قرررفني
ماهجد الا لما مسح اخويا فيه البلاط !!

الدونيا دي البطال فيها يظلم الطيب


>>>> تحسو خرجت عن الموضوع :p

بالنسبة لحكاية الشحته ترا عادي اتوقعها وبقوة كمان
لأنو الي تسرق الشحتة حتكون عندها زي السلام عليكم

ما اقول غير ربي اغننا بحلالك عن حرامك
والله يهدي الجميع
^^

[أميرالظلام]

ناس ما تستحي على وجيها

[~dreamy~]

انتبهي لنفسك