قصتي (كيف أصبحت معيدة) + إجابة على الاستفسارات فيما يتعلق بالتقديم والمقابلة والتعيين

[أرنو للقياه]

ريم17
آمين يارب : )

stranger in my home
وعليكم السلام ورحمة الله وبركاته
العفو وجزاك الله خير
بالنسبة للسؤال الأول: زميلاتي معدلاتهم عالية جدا وقدموا معايا عادي كمعيدات ولم يتم ترشيحهم، يمكن يكون فيه ترشيح لكن ماواجهت هذا الشي شخصيا
أما اختبار الآيلتس فماكانو محددين إذا يبغو عام أو أكاديمي، لكني أنصحك بالأكاديمي، لأنه لما حتدرسي ماجستير برا إن شاء الله أو دكتوراه فلازم آيلتس أكاديمي
ومنها تكوني جربتي الاختبار من قبل، بحيث لو كانت درجتك حلوة فتبدئي دراسة على طول وما تضطري تختبري تاني


.

[battota]

بنات اللي تبغا تقدم على معيده بس تختبر التوفل ؟؟

طيب اختبار قدرات الجامعيين لا؟ولا لازم تختبرو؟

[كوريش]

السلام عليكم أنا تخصصي تاريخ خلصت الماجستير بمعدل جدا عالي وبتقدير ممتاز لكن مااافي وظيفة أروح أسأل قالوا مافي احتياج وفي نفس الوقت يوظفون تحت الطاولة يعني ماهو العمل بالله دراستي راحت كذا من وين اجيب واسطة أسألكم بالله ياأعضاء هيئة التدريس وكل من له خبرة أرشدوني اي جامعة بقدم فيها حتى لو حفر الباطن ماعندي أي مشكله وبكمل دكتوراة وين مايبغون أي دولة بس أرشدوني..

[Esou.zn]

المشاركة الأصلية كتبت بواسطة كوريش السلام عليكم أنا تخصصي تاريخ خلصت الماجستير بمعدل جدا عالي وبتقدير ممتاز لكن مااافي وظيفة أروح أسأل قالوا مافي احتياج وفي نفس الوقت يوظفون تحت الطاولة يعني ماهو العمل بالله دراستي راحت كذا من وين اجيب واسطة أسألكم بالله ياأعضاء هيئة التدريس وكل من له خبرة أرشدوني اي جامعة بقدم فيها حتى لو حفر الباطن ماعندي أي مشكله وبكمل دكتوراة وين مايبغون أي دولة بس أرشدوني..

كلامك مو صحيح مو كل الجامعات توظف بواسطه
اغلب الجامعات تعلن عن الوظائف في شهر 2 او 3 بالهجري بالكثير شهر 4 تلقينها على الموقع
انا توظفت معيده بدون واسطه وكل الي معايا توظفوا بدون واسطه

طبعا انا ماتكلم عن الجامعات الشهيره مثل عبدالعزيز وسعود بس قدمي في جامعه ناشئه وبإذن الله تنقبلين

[غزلان جدة]

أشكر الاخت أرنوللقياه صاحبة اول مشاركة لهذا الموضوع المثبت...واقول لها ماشاء الله تبارك الله....الله يحقق لك الخيروالبركة في جميع امورك...

كان طرحها مفيد حيث :توضيح وافادة لمن سيسير ع نفس الخط وتسهيل للبعض وكذلك رد لتساؤلاتهم ... من خلال جربتها..
كان طرحها مفيد لانه كنصح ايضاً من كذاجانب وبالذات من سيبتعث خارجاً...
كان طرحها مفيد وهذا الاهم لي من ناحية بعث التفاؤل وحسن الظن بالله في مجال الوظيفة والدراسةوالصبر وغيرها...(هذا ماأسقط دمعاتي وأنا أقرأ بعض كلمات احسان الظن بالله, )!!!واعتقد ليس الكل سيقدم ع الاعادة لكن الكل سيستفيد مثلي من النقطة الاخيرة...

شكرا لك مرة اخرى اخت انو للقياه الله يحفظك....

للجميع ودي.......

[أرنو للقياه]

همة همة همة
تم الرد : )


شـروق الزهراني <3
آمين وإياك شروق


battota
ما أدري يوافقوا عليها أو لا
هم بصفة عامة يفضّلوا يكون الماجستير نفس مسار البكالوريوس
بالنسبة لاختبار القدرات فما اختبرناه في المعيدية، فقط طلبو التوفل أوالآيلتس أو استيب


طمووح آنثى
الله يبارك فيك
أنا اختبرت آيلتس، ما جربت الاستيب
بس أسمع دايما إنه الاستيب أسهل اختبارات الانجليش
بالنسبة للمراجع فالكتب والمواقع اللي ذاكرت منها خاصة بالآيلتس فقط
عموما، تعلم اللغة الإنجليزية مهارة تحتاج لممارسة يومية حتى تصل للإتقان
والممارسة ممكن تكون من بيتك، الحمدلله الإنترنت سهّل كثير وسائل التعلم
بس يبغالك تشوفي أحد اختبر ستيب، يمكن يفيدك أكثر مني
بالتوفيق يارب


Esou.zn
وعليكم السلام ورحمة الله وبركاته
مبارك عليك الوظيفة
شخصيا، كنت أشرف على الشبكات مع الدكاترة في مواد الحاسب بصفة عامة
وأختي طالبة في كلية ثانية، تقللي انه بيشرفوا المعيدات عندها على الشبكات برضو، حتى لو ما كانت المادة نفس تخصصهم الدقيق
لكني ما اطّلعت على مهام وظيفة المعيدة في وثائق رسمية حتى أقدر أقللك هل هذا من حقهم أو لا
وما أعرف هل يحق للمعيدة المشاركة في المؤتمر العلمي أو إنه فقط للطالبات والخريجات


كوريش
وعليكم السلام ورحمة الله وبركاته
مثل ما ذكرت Esou.zn، هي اتعينت بدون واسطة وأنا وزميلاتي اتعينّأ بدون واسطة الحمدلله
الأرزاق بيد الله، والإنسان ما يدري فين الخير له
قدمي عالجامعات الناشئة
والله يكتب لك ماهو خير لك وأصلح في الدنيا والآخرة



غزلان جدة
العفو يا غالية
كلامك أسعدني
ويكفيني خروجك من موضوعي بهذي الفائدة
والله إنه ربي كــــــريــــــم، رحيــــم، لـــطيـــــف، وأقداره كلها حكمة وعدل سبحانه
مشكلتنا إنه وقت الابتلاء، وقت الحرمان من وظيفة أو تأخر تحقق أمنية، نموت حسرة وقهر
ثم لما نكتشف الخير العظيم وراءها، نحمد الله سرا وجهرا، ولو جاء الحمد متأخرا !!
دايما أقول لنفسي: لا تنتظري الين ما تشوفي الخير بعد شهور، ثم تحمدي الله وقتها بعد ما تسخط لسانك قبلها : )
انتِ ما شفتِ من أقدار الله إلا كل خير، فروضي نفسك على الرضا أول ما ينزل البلاء
وثقي، اللي ما خيبك في الأولى، لن يخيبك في الأخرى
الحمدلله إنه ربنا هو ربنا : )


.

[Esou.zn]

هل يحق للمعيده المشاركه في المؤتمر العلمي الخامس أو فقط للطالبات والخريجات .؟؟

[ريم17]

ياارب بشررني بخبر قبولي معييده ياارب ياارب ياارب
وكل من تمنى ان يكون معييد

[stranger in my home]

جزاك الله خير ع الرد والله يرزق الجميع يا رب

[جوال العرب]

السلام عليكم اخت ارنو

اولا .. وفقك الله وسدد خطاك ربي يرزقك خيراً مما تتمنين

ثانياً عندي استفسار وياريت تفيديني فيه عاجلا ..

ذكرتي في احد النقاط للاستعاداد للمقابله الشخصيه ان اراجع الأساسيات في تخصصي وقد واجهت هذه النقطه في اكثر من مكان اريد التقدم له بغرض العمل او اكمال الدراسه .

كيف من الممكن ان اتحصل على الاساسيات من تخصص علوم الكمبيوتر و تقنية المعلومات لكي اراجعها حيث اني متخرج من الجامعه من خمس سنوات وتقريبا اكثر المعلومات تبخرت


يا ريت تفيديني فيها ولكي جزيل الشكر