حمله تاجيل الدراسه في الجامعه

[البرق الاصفر]

انا في الحملة واضم صوتي لكاتبة الموضوع
تراااااااااني مرررررررة مقهور لما قريت كلام الوكيل انه الجامعة مستعدة لاستقبال الطلاب محسسني هو التاني راح يداوم
خلو الطيب يداوم بالاول عشان نجي احنا الطلاب المساكين
مدري كيف يفكرو
الوضع فيه موت موت موووووووووووووووووووووووت ترا ماهو بلعبة
واذا الاحياء اللي تضررت اغلب الدكاترة فيها اجل نروح عشان ندرس ولا ناخذ تحضير الدكاترة وبدل ما نمشي ونرجع البيت لا نروح فيها وفي الباي باي
بصراحة انا ساكن في شمال جدة
يعني لو ربنا يسر لي المشوار من الشمال للجامعة نحمده ونحمده على كل شي
فلنفرض انه صار شي وقت الدوام نزل المطر انفجرت بحيرة الزفت وقتها ايش اسوي وايش يسوو غيري من اهل الشمال
ان جينا نهرب ونرجع على طول المشوار راح نروح فيها
وان بقينا في الجامعة حنروح فيها
يا طيب ويا وكيل
مع نفسكم

[candi]

انا في الحمله كمان
اول شي هما ما فكرو فينا بيفكرو بس في نفسهم
يعملو انهم ماسكين زمام الأمور على قولتهم
دكاتره كتير من الجامعه جزاهم الله خير عملو دراسات على دا الشي اللي حيسيروقالولهم قد ايش الوضع خطير ودول طنشو ولا طلو فيهم
ومين اللي حيتضرر
هما ما شاء الله كل واحد حاسب حسابو ومجهز نفسو اي شي يسير لا سمح الله سريع سريع وهو في مدينا تانيا حتى مو حي تاني
الجامعه اصلا خربانه ومعفنا خلقا
دحين كيف سارت؟؟؟
وعمرهم ما قالو انو في شي خطير
دايما يقولو الوضع تمام واوكي وما في خطر والوضع مطمئن
ولمى يموتو الناس يبدأو يصلحو
حسبي الله عليهم
ان عني ما حأدااااااااااااااااااااااااااااااااوم
واللي يداوم ويقول جهاد في سبيل الله
اوكي جهاد في سبيل الله لكن ادا انت عارف انو في احتمال تموت
دا انتحار مو جهاد لو مت لا سمح الله
الله يطول في اعمارنا
ويجيرنا من دا الشي
واللي عارف ايش بحيرة المسك ومن ايش تتكون
ويعرف ارض جده ومن ايش تتكون
اكيد عارف ايش حيسير لو اتفجرت
واللي يلاحظ انو الدفاع المدني ما عندو كلام
كل يوم بكلمه
قبل امس عملولنا اخلاء واليوم نتصل يقولو الوضع سليييم
والله يجيرنا ويلطف بحالنا
استغفروا الله
( وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ )

[hann00psy]

والله صح كلامك يابرق احنا الي فالشمال ايش يرجعنا بيوتنا سالمين لو سار شي.....

وبعدين خطااااااب مين والناااااااس فالعسل نايمين

دحين على بالكم الاخ الفاضل حيلتفت للخطاب الي حترسلوه وربي ماحيدري عن شي تتعبو نفسكم عالفاضي

نصيحه مني لاترسلي شي ياماما مارح ينفتح الخطاب....

ماباحطمكم بس دا الواقع


تحياااااااااااااتي لكم

[mama nona]

المفروض نغيييييييييييب ونطنشهم ونشوف كيف حيبدوا

اتحدى احد من الاستاذات يجي

[candi]

احنا لمى متى كدا مالنا كلمه في دي الجامعه؟؟؟
ايش عشان جامعه حكوميا وبيدرسونا بفلوس الحكوما
دا اقل شي اصلا يعملوه
ويعملوه وبشروطنا احنا كمان
بخطاب او بدون خطاب
رضيو او ما رضيو
لو غبنا كلنا
وغيابنا خوف على انفسنا مو لعب
دا الشي حياه او موت
ما حيقدرو يعملو شي
كدا احنا حطيناهم امام الامر الواقع
واللي يعمل دفرنا ويروح دا مع نفسووووووووو
سواء كان دكتور او استاز او طالب او ايش ما كان
قال ايييييييييييييييييييييش قال موت في سبيل العلم
اقدر اتعلم في البيت وانا مرتاحا مو في خوف وقلق
انا دحين اتخيلت انو اكون في الكلاس
وفجأه الجرس التعبان حق الانزار يفك
باللهي احنا البنات ايش نعمل؟؟؟
عالاقل بالقلييييييييييييل اقل شي الاولاد سياراتهم عندهم
احنا حنجلس ننتظر السواق في غرف الانتظار ديك المعفنا لووووووووووووول
لا وما شاء الله السواقين والباصات عادي ما حيخافو على نفسهم من الموت وحيجو للإنقاااااذ
من جد شر البلية ما يضحك
اصلا متخلف اللي يروح
مو عارفا ايش اقول كمان
يلا انا اجمع اجمع اجمع واجي انفجر هنا

[طالبة ماستر]

المشاركة الأصلية كتبت بواسطة فيض العطاء this is an automatically generated delivery status notification. Delivery to the following recipients failed. almodyr1@kau.edu.sa جامعة فاشلة ><..!!

طبعا ماراح تقدروا ترسلوا أي رسائل على أي إيميل من ايميلات الجامعة لأن النظام كله قفل
وانا سمعت ان الكمبيوتر الرئيسي للجامعة في البدروم وطبعا غرق
والله أعلم
والله يعيننا جميعا

[pharm.d .s]

انا ابغى الدراسة تتأجل لاني من مكة
لاسار مطر لاسمح الله انا كيف ارجع لاهلي
وانا ما اعرف احد بجدة كلهاااا
والله حرام اني اجي اداوم وخاصة انو وقت الامطار الشبكة تسير دمار
يعني اهلي كيف يطمنوا عليااااااا
كمان حتى لو فكرت ارجع كيف ارجع مع المطر
اكيد الخط السريع يخوف

لازم يقدرون ظروفناا

[mela]

لازم الدراسه تتأجل على الاقل اسبوع واحد بس
عشان نتطمن لان متوقع ان الاسبوع الجاي ممكن تنزل امطار غزيره و بصراحه الوضع
يخوف بحيرة المسك من جهة و الامطار من جهة ثانية يعني الواحد ما يقدر يدوام في الوضع دا
و انا عن نفسي اجلو ما اجلو مو مداومه مع اني عند اختبارات من يوم السبت بس والله روحي اهم من الدراسه

[بيو كيميائية ^_^]

أنا أتمنى تتأجل

لأني ماأبي أروح الجامعة وأضيع وأصير مفقودة سواءً حية أو ميتة

ولا أريد أن أموت بعيدةً عن أهلي

[امل يعقوب]

انا كذا والا كذا ماني رايحه حالتي النفسيه زفت وربي

شفت بعيوني اشياء عمري ماشفتها جثث وناس تبكي بالشارع

والمويه الين عند صدرهم ومن غير عبايات والي تصرخ

والي ينفجر الكيبل عليهم <-- هذا بيتنآ "(

والي طاح بيتهم ياااااربيه بسس ~

الله يرحمنآ برحمته

وسياراتنا راااااااااحت كمان