ملتقى طلاب إدارة الأعمال (المجاني)

[المستبدة]

أول شي بالنسبة للعشا خلاص انسوا الموضوع انا بصراحة اقتنعت بكلام جـــــــدة عنجد انتوا تشتغلوا
وكمان كلام كليم أرسلوا للرياض حركااااات ..

اما بالنسبة للتقرير بصرااااحة عنجد من قلب الحدث وخوفني كمان من ادارة عمليات الله يستر الابحاث مررره جامدة الله يوفقك يا م . عمر

اما مواد التكميلي انا برأي سهلة ماشي حالها ماني لاقية الحمدلله الى الآن صعوبة في شي
تحليل كمي : مادة مالها داااااعي جدااا بالنسبة ليا وانا الى الآن ماجاني رد لخطاب المعادلة حنسى الموضوع خلاص اختبرنا الاثنين الحمدلله حليت في الاختبار

و موارد بشرية : زي ماقال مهندسنا كلام كلام كلام كلام بس ماتحتاج غير قراءة اختبرنا كمان دا الاسبوع الاختبار كان من بين السطور الله يسامحها الدكتورة بس الحمدلله على الاقل كلو موضوعي مافي مقالي ..

ادارة أعمال : زي موارد بشرية كلام في كلام لسه مااختبرنا بعد الاجازة ..

محاسبة : اكتر مادة أحبهااا مع اني أحس انو مالها داعي في ادارة الأعمال بس المادة حلوة تعتمد على الفهم والتركيز برضو لسه مااختبرنا بعد الاجازة ..

وبس خلاص الله يوفقنا جميعااا يارب

[المستبدة]

المشاركة الأصلية كتبت بواسطة م.عمر المحاسبة مهمة جدا لمالية الشركات الغرض من متطلب المحاسبة هو مادة محاسبة ادارية يعني مافي شي اسمه ماله داعي

ومنـــــــــــكم نــســـــــــــــــــتفيد

[كلام كليم]

أخواتي جدة والمستبدة خلاص مانبي عشاء .. اصلا شبعانين << يصرف لما فقد الأمل

الله يعينكم هذا وانتم لسى في البداية .. الله يسهل امركم


عموما نبي تقارير مثل تقارير م. عمر والمستبدة نبغى نستفيد اكثر

اختي جدة وش تقصدين بدور الموارد البشرية ؟

[جدة]

الدورة طلبتها دكتورة موارد بشرية

وهي
accces
او
sql

وعليها عشرة درجات يافرحتنا
هههههههههه

[م.عمر]

هههههههههه دورة Access
هذا زي دكتور المالية طلب دورة EXCEL عليها 5 درجات
اقله يادكتور انا مهندس حاسب يعني دورة ICDL كاملة اقل من مستوايا يقلي تبغى ال5 درجات جيبها
المشكلة 5 من 100 وليس فوق ال100
والله والحمد لله لقيت دورة عن طريق العمل 3 ايام Advanced Excel ب480 ريال<<طبعا على حساب العمل
واقتنع بيها الحمد لله مع انها ماكان لها داعي

اذا الدكتورة ماهما ايش محتوى الدورة خذوا دورة Basic Access تافهة طبعا بس اعتقد ب200 ريال

[rayes1971]

ما فيه احد جاوبني اذا انه مسجل مواد الي انا مسجلها
ممكن نستفيد من بعض

[كلام كليم]

السلام عليكم ورحمة الله وبركاته

من العايدين وكل عام انتم بخير وتقبل منا ومنكم صالح الأعمال

اخوي الغالي rayes1971 بوضح لك شي مهم

كل اللي يشاركون فيها الموضوع الى الآن مافيهم أحد بدأ دراسة الماستر بشكل فعلي الى الآن يدرسون المواد التكميلية بإسثنا شخص واحد (كلام كليم) اللي مؤجل الدراسة

[م.عمر]

كل عام وانتم بخير شباب وبنات الmba
ورجعنا للعمل بعد اجازة 10 ايام ماذاكرت فيها ولااااااااااشي خخخخ
كل يوم اقول اذاكر واطنش جيتني حالة احباط

[م.عمر]

السلام عليكم
ياجماعة الخير عندي لكم سؤال ارجو انكم تفكروا فيه ملياً قبل الاجابة <<صرت مثقف اعرف كلمة ملياً خخ
المهم
انا دخلت البكاليريوس وكلي ثقه باختياري لقسم هندسة الحاسب الالي لاني من 3 متوسط وانا طول وقتي على الكمبيوتر
وكان اختياري بين هندسة ميكانيكا بسبب حبي للسيارات كهواية وهندسة الحاسب كتخصص
ورجحت الحاسب لاني مااحب اكون طول وقتي في شغل فيه زيوت ووساخه ولو اني احب الفيزياء والحسابات
ومجال العمل صار كله حاسب

المهم
الان بعد مضي كم شهر ولو انه المواد سهله والدكاترة طيبين ومتعاونين معايا حاس اني اخترت القسم الخطأ
طول الوقت اقول لنفسي اني حستفيد من القسم هذا في العمل لما اكبر واصير مدير يساعدني في الترقيات لوظائف عليا بحكم عملي في قطاع خاص
بس احس اني بضحك على نفسي والقسم هذا كلام فاضي
نائب المدير التنفيذي للتوليد <<(منصب عالي جدا )عنده ماستر هندسة كهربائية وما أخذ ادارة اعمال وغيره نفس الكلام
سؤالي هو
ماسبب اختيارك لهذا القسم خصوصا اللي غير تخصصه ؟
وسؤال فرعي ماهو طموحك بعد اخذ الماستر باذن الله يعني ايش توقع يفتحلك القسم من مجالات عمل او ترقيات؟
وش رايكم اكمل معاكم ولا اسحب واخذ ماستر حاسب السنه القادمه ولو اني ماابغى اضيع سنين عمري

[كلام كليم]

أخي م . عمر

انت لسى ماتقدمت في دراسة إدارة الأعمال لما تدرس تخصص مثل المالية بتعرف ان التخصص مو سهل ويبي له مجهود

بالنسبة لكلامك انه بتحول حاسب والا هندسة فهذا شي يرجع لك لكن كان المفروض تدرس الموضوع زين قبل ما تقبل على خطوة مثل هذي لأنه على قولة المصري (العمر مو بعزئة) .. عموما ماراح شي يا أخوي بس بنصحك نصيحة مهمة اذا كنت تدرس عشان تترقى فقط فأنصح من الان اترك الدراسة ولا تضيع وقتك فيها .. انت فكر كيف تطور نفسك اكثر من تفكيرك بالترقية

تخصص إدارة الأعمال تخصص رائع ويعتبر حاليا من أهم التخصصات التي لها طلب كبير في اسواق العمل في أنحاء العالم خصوصا لما تختار مسار مثل (المالية - نظم المعلومات الإدارية ) ولما تاخذ الشهادة إن شاء الله راح تحس بالفرق وبالتطور وبعدين مو شرط انك تترقى في مجال عملك ممكن انك لو تاخذ الشهادة تطلع من العمل اللي انت فيه لمكان احسن وتجد فيه فرصة اكبر لأنه بعد أحترامي لك وللشركة اللي تنتمي لها تعتبر اقل الشركات السعودية مستوى و ليست طموح لأي إنسان يريد ان يصل الى مراتب عليا أو ان يطور نفسه وأعتقد انك بشهادتك هذي وايضا لو حصلت على شهادة الماستر راح تكون اكبر بكثير من الشركة اللي انت فيها

هذي وجهة نظري وآسف على الإطالة