أربع مراحل للحصول على مقاعد دراسية بجامعة الملك عبدالعزيز

[سارة المتعذبة]

سلام عليكم

انا دحين طلعلي لقد تم تحديد موقع المقابلة لكم برجاء طباعة الاستمارة وكدة
بعدين طلعلي اشياء احط زي رغباتي وكدة وانو ازا ابغى سكن في الجامعة وكدة
بعدين في شروط وافقت عليها وكدة بعدين طلعلي طباعة
وانا ماعندي طابعة اش اسوي؟
بعدين حاولت احفظ الصفحة في الورد ماسارت
وخايفة يروح عليا الوقت
اش اسوي؟؟

[بحر الحرية]

المشاركة الأصلية كتبت بواسطة شتاء يختزن الرعود أشكرك كثير أخويه بحر الحريه أنا ماسويت أي إجراء باقي منتظره .. لأن أخويه قبل بالجامعه عندنا بالمنطقه بس انا وهو عندنا رغبه يكمل بجده ونسبته الموزونه 78.22 يعني قريبه من نسبة اللي يقربوك.. بنتظر بكره وبعده وان شاء الله خير ويقبل بالجامعه لاني ما ابغاه بكليه ثانيه .. أشكرك مره ثانيه..

أهلين أختي..
لا تستعجلو لين ينتهي القبول خلااص وتتأكدوو انوو مافي قبول بالمره، لأنوو ممكن تتغير آخر نسبة قبلو عليها الطلاب، اتزكر واحد من اصحابي كان معايا قبل سنتين، ولمن جاا اول تقديم ما قبلوه لأنوو ما حقق النسبة المطلوبة، وكان باقي له على النسية المطلوية 0.35%..


وكان مرررره متحطم انهم ما قبلوه، وسبحان الله بعد 5 ايام من القبول، سبحاان الله جالوو قبول..

وتابعي متى يتقفل موعد الترشيحات او الاختيارات اللي اعطوكم هياا، عشان لو لا قدر الله ما جاه قبول، ما يضيع عليه كل شي..

والله يجعل لاخوكي حظ معاهم يااااااارب، ويكون معاناا ف جدة..

موفقين ياااااارب؛؛[/center]

[بحر الحرية]

المشاركة الأصلية كتبت بواسطة نفسي اتحول انتظام انا اختي نسبتها الموزنه تتغير مره تصير 79 ومره 76وكيف تعرف انها انقبلت انتظام وادا مانقبلت انتظام في الجامعه يحولها على كليه التربيه وله كيف و ش الانتقالي والتاهيلي بسولف وله ايه قووووووولوي تعرف مو عارفه شي

أهلين أختي..

شوفي داا الرابط، وإنشاا الله يفيدك عن الانتقالي والتأهيلي وكل شي تبغيه، ولو فيه استفساار تاني حطيه هناا، وانشا الله كلنا نساعدك..

دليل القبول:

http://admission.kau.edu.sa/admissio...les/daleel.pdf

بالتوفيق لكم ياارب؛؛

[بحر الحرية]

المشاركة الأصلية كتبت بواسطة توووتة لوسمحتو اختي مكتوب حالة الطلب وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة المعنى مقبولة او خلاص غير مرشحة او ننتظر فترة بصراحة ماني عارفة ايش الموضوغ

اهلين أختي..

قد جاوبت أختنا شتاء يختزن الرعود، وكمان نفس الكلام أقولو لكي، لا تستعجلوو لين تتأكدوو من كل شي..

بالتوفيق ياارب؛؛

[بحر الحرية]

المشاركة الأصلية كتبت بواسطة سارة المتعذبة سلام عليكم انا دحين طلعلي لقد تم تحديد موقع المقابلة لكم برجاء طباعة الاستمارة وكدة بعدين طلعلي اشياء احط زي رغباتي وكدة وانو ازا ابغى سكن في الجامعة وكدة بعدين في شروط وافقت عليها وكدة بعدين طلعلي طباعة وانا ماعندي طابعة اش اسوي؟ بعدين حاولت احفظ الصفحة في الورد ماسارت وخايفة يروح عليا الوقت اش اسوي؟؟

أهلين أختي سارة..

ألف مبروووووووووووووووووك إنهم قبلوكي..

اللي تعمليه دحين:
حتلاقي أيقونة مكتوب عليها طباعة الأوراق، تطبعي الأوراق، وتشوفي متى موعك المقابلة حقتك ف الجامعة، وتروحي لهم بكل الأوراق المطلوبة ف اليوم اللي حددوه ليكي، وإنشاا الله بعد ما يستلموو منك الملف حيدوكي الجدول والبطاقة الجامعية..

وبالنسبة للأشياء اللي قلتيها عبيهاا عادي، وأهم شي تطبعي الأوراق، زي التعهد ورقم الاستمارة حق الترشيح، وكم ورقة مهمة كداا، وتكملي أوراقك كاااااملة، من صورة الهوية والأشياء اللي طالبينها منك..

بعدين حلوة دي ما عندي طابعة هههههههههههههه

روحي دوري طابعة واطبعي الأوراق، أو خلي أحد من أخوانك يروح لأقرب محل عندهم طابعة ويطبعلك الأوراق أو من جيرانكم أو من صحباتك

دبري نفسك ههههههههههههههههه مو عشاان انقبلتي دحين خلاص تطنشي، لأنوو لسااا ما اكتملت اوراقك..

وانشاا الله الترم الجاي تكوني معاناا يااارب؛؛

الله يوفقك ويسهل عليكي؛؛

[Meeno Smart]

دحين انا طبعت الاستماره خلاص بس ماطلعتلي النماذج

وشكلهم مايبغوها لأنو مو مكتووب ف الاستماره انو نجيبها ولا؟؟

وهما طالبين صورتين للطالبه لازم تكون جديده ولا عاادي؟؟

[روح آلورد]

وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة

تحطمت><
نسبتي الموزونه 73.04

[بحر الحرية]

المشاركة الأصلية كتبت بواسطة meeno smart دحين انا طبعت الاستماره خلاص بس ماطلعتلي النماذج وشكلهم مايبغوها لأنو مو مكتووب ف الاستماره انو نجيبها ولا؟؟ وهما طالبين صورتين للطالبه لازم تكون جديده ولا عاادي؟؟

أهلين أختي..
الشي اللي مو مطلوب منك وما حطوه ما حيطالبوكي فيه..

يعني بالعربي الأوراق اللي طلبوها منك هياا اللي تجيبيها وبس..

وبالنسبة للصور، أهم شي تكون واضحة مو متصورتها يوم كان عمرك 11 سنه

عشان البطاقة الجامعية، يعني لو واضح انوو انتي اهم شي ..

ألف مبرووك والله يوفقك ياارب؛؛

[بحر الحرية]

المشاركة الأصلية كتبت بواسطة روح آلورد وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة تحطمت>< نسبتي الموزونه 73.04

أهلين أختي..

لا تتحطمي ولا شي، بالعكس اللي فيه خيرك ربنا كتبه ليكي، واختاري البرامج التانية اللي رشحوكي عليها، واعرفي انوو داا الخير اللي ربنا يبغاه لكي خيتوو.. وبالعكس انبسطي وافرحي وعيشي سعيدة

الله يسهلك عليكي ياارب ويختاارلك اللي فيه الخير؛؛

[سابينا]

متى يبدا استلام الملفات من الطلبة والطالبات المقبولين,,
والف مبررررررووووووووك للمقبولين ,,