ملتقى طلاب إدارة الأعمال (المجاني)

[كلام كليم]

المشاركة الأصلية كتبت بواسطة المستبدة يلا ابشروا ولايهمكم الكل مو بس انتوا اليوم العشاااااا اما بالنسبة للكتب معليش مررره مافي مقارنة بين الاسعار ايام الحاسب كان الكتاب ب 300 ريال اذا مو أكتر ومانستخدموا غير مره وحده لاكن هنا الكتاب ب 30

الكل يا المستبدة ؟!

ياستي اذا جو الكل مايكفيهم 4 مكافأت

والا ناوية بتعشينا معصوب .. عموما يا أختي المستبدة اللي يجي منك خير وبركة بس اذا عزمتيهم ارسلي حصتي في الدي اتش ال للرياض على الاقل نستغل تخفيضهم << لاعبين علينا بسالفة التخفيض

وش فينا قلبنا الملتقى من نقاش الى هسترة

[م.عمر]

جاتني رسالة قبل فترة على الجوال من العمادة نصها
(لتسجيل رغباتكم حول مواد الفصل الدراسي الثاني نأمل مراجعة مكتب 215 بالوكالة خلال الفترى من 21/11 إلى 5/12) طبعا للرجال فقط اما النساء ماادري

بالنسبة لإدارة العمليات والانتاج الدكتور محمد كاظم يغمور طلب مننا بحثين
الاول ضع فكرة منتج (اي منتج) ثم طبق عليه الخطوات العلمية في ادارة العمليات من بداية الفكرة الى الانتاج الفعلي وحل المشاكل
طبعا هذا مشروع لاينتهي يعني طويييييييييييل اذا في احد حل قبل كده مثله ممكن يساعدنا ياريت مايقصر

الثاني وهو اللي يكون اقرب للموظفين انك تروح منشأة صناعية او خدمية وتشوف خطوات الانتاج الفعلية وتقارنها بالخطوات المفترضة واللي خرجت بيها من المشروع الاول وتسال المدير ليش اخترت الطريقة الفلانية ومااخترت اخرى وهذا يعني حيكون في استبيانات وتقييم الخ الخ يعني مشروع فيه شغل جامد لكن بحكم عملي راح اطفش المدراء في ادارتي باذن الله المشروعين مافيها شي اسمه وصح وغلط لكن مدى حرفيتك في اخراج المشروع بصورة جيدة هو اللي يفرق في الدرجات


اخبار مالية شركات
الاختبار الاول اعتقد ماافي احد اخد اكثر من 3/5
الثاني كلللللللهم اخذوا 0/5 من ضمنهم الكابتن ابو ليمو <<انا
الثالث اللي هوا امس وبسببه غبت عن العمل <<جالس ابرشم القوانين في الالة الحاسبة قال اذاكر قال
28 قانون تحفظ ايش وتترك ايش
بس الحمد لله فاجأنا الدكتور انه الاختبار open book ومع كده كثيرين تركوا الصفحة فاضية!!
انا حليت الحمد لله بس غلطت غلطة غبية والحمد لله على كل حال

ادارة موارد بشرية دكتورها حبوب والمادة سهله بس يبغالك تقرا وتقرا وتقرا مافيها شي وماادري كيف اختبارها

مبادئ ادارة نفس الكلام كلها كلام *كلام وبصراحه مافي داعي اني ادرسها او ادرس موارد بشرية لانها مواد عادية جدا مايحتاجها طالب ماجستير وممكن فقط تعطيه دورة سريعه فيها وكفاية

ايش رايكم يابنات الى الان في الوضع بالنسبة للمواد التكميلية؟
سهله؟صعبه؟ استفدتوا منها ولا مالها داعي
هل بداتوا تطفشوا خصوصا للي غير تخصصه من حاسب الى ادارة او انكم اتحمستوا مع التغيير ومركزين اكثر

انا بصراحه كنت في البكاليريوس اجلس في الصفوف الوسط او الاخيرة الان صرت دايما في الصف الاول خصوصا انه العيون دايما عليك انك ماستر والدكاترة الله يهديهم بس يفضحوا الواحد انت ماستر حكينا عن مجالك عملك في ادارة الانتاج حكينا عن عملك في مجال ادارة الموارد البشرية الخ

[كلام كليم]

شكرا مراسلنا من قلب الحدث م . عمر

بصراحة تقرير دسم اعتقد انه بيكون ادسم من عشاء المستبدة بكثير << يروح ويجي على العشاء


الله يعطيك العافية يا مهندسنا الغالي والله ماقصرت .. هذا التقرير اللي يسوى مو مثل بعض الناس اللي ما شفنا منهم لا عشاء ولا تقرير << اش قصة اهلك مع العشاء

لكن بصراحة برغم اني بكالوريوس إدارة أعمال الا انك خوفتني يامهندسنا من البحوث والتقارير خصوصا وإني موظف يعني يادوب بيكون عندي وقت للمذاكرة


الله يوفق الجميع

[جدة]

المستبدة
لاتعشينهم ولاشئ
ماعليك منهم موظفين<<<عندهم قروش واجد ماشاء الله
ههههههه
خلي المكافأة لدورة موارد بشرية
اللي ابتلشنا فيها

[المستبدة]

أول شي بالنسبة للعشا خلاص انسوا الموضوع انا بصراحة اقتنعت بكلام جـــــــدة عنجد انتوا تشتغلوا
وكمان كلام كليم أرسلوا للرياض حركااااات ..

اما بالنسبة للتقرير بصرااااحة عنجد من قلب الحدث وخوفني كمان من ادارة عمليات الله يستر الابحاث مررره جامدة الله يوفقك يا م . عمر

اما مواد التكميلي انا برأي سهلة ماشي حالها ماني لاقية الحمدلله الى الآن صعوبة في شي
تحليل كمي : مادة مالها داااااعي جدااا بالنسبة ليا وانا الى الآن ماجاني رد لخطاب المعادلة حنسى الموضوع خلاص اختبرنا الاثنين الحمدلله حليت في الاختبار

و موارد بشرية : زي ماقال مهندسنا كلام كلام كلام كلام بس ماتحتاج غير قراءة اختبرنا كمان دا الاسبوع الاختبار كان من بين السطور الله يسامحها الدكتورة بس الحمدلله على الاقل كلو موضوعي مافي مقالي ..

ادارة أعمال : زي موارد بشرية كلام في كلام لسه مااختبرنا بعد الاجازة ..

محاسبة : اكتر مادة أحبهااا مع اني أحس انو مالها داعي في ادارة الأعمال بس المادة حلوة تعتمد على الفهم والتركيز برضو لسه مااختبرنا بعد الاجازة ..

وبس خلاص الله يوفقنا جميعااا يارب

[كلام كليم]

أخواتي جدة والمستبدة خلاص مانبي عشاء .. اصلا شبعانين << يصرف لما فقد الأمل

الله يعينكم هذا وانتم لسى في البداية .. الله يسهل امركم


عموما نبي تقارير مثل تقارير م. عمر والمستبدة نبغى نستفيد اكثر

اختي جدة وش تقصدين بدور الموارد البشرية ؟

[جدة]

الدورة طلبتها دكتورة موارد بشرية

وهي
accces
او
sql

وعليها عشرة درجات يافرحتنا
هههههههههه

[م.عمر]

هههههههههه دورة Access
هذا زي دكتور المالية طلب دورة EXCEL عليها 5 درجات
اقله يادكتور انا مهندس حاسب يعني دورة ICDL كاملة اقل من مستوايا يقلي تبغى ال5 درجات جيبها
المشكلة 5 من 100 وليس فوق ال100
والله والحمد لله لقيت دورة عن طريق العمل 3 ايام Advanced Excel ب480 ريال<<طبعا على حساب العمل
واقتنع بيها الحمد لله مع انها ماكان لها داعي

اذا الدكتورة ماهما ايش محتوى الدورة خذوا دورة Basic Access تافهة طبعا بس اعتقد ب200 ريال

[rayes1971]

ما فيه احد جاوبني اذا انه مسجل مواد الي انا مسجلها
ممكن نستفيد من بعض

[كلام كليم]

السلام عليكم ورحمة الله وبركاته

من العايدين وكل عام انتم بخير وتقبل منا ومنكم صالح الأعمال

اخوي الغالي rayes1971 بوضح لك شي مهم

كل اللي يشاركون فيها الموضوع الى الآن مافيهم أحد بدأ دراسة الماستر بشكل فعلي الى الآن يدرسون المواد التكميلية بإسثنا شخص واحد (كلام كليم) اللي مؤجل الدراسة