ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

المشاركة الأصلية كتبت بواسطة سكون الورد k.a.u وصلنا المطعم .. وكان بشارع فلسطين "اذا ماخانتني الذاكره كالعاده"

المشاركة الأصلية كتبت بواسطة سكون الورد k.a.u يتبع ....

وحنا بالطريق ارسلت لابوي رساله وقلت فيها ...
"يبه ، لو سمحت ابي نتعشى انا والبنات لحالنا يعني خذوا طاولتين ..
لاني ماراح اتعشى وابو الشباب معنا !!!"
هههههههههههههههههه ابوي طبعاً يضحك كالعادهـ بعد مايقرا رسالتي ..
وَلف علي وقال : منهو اللي يقوله اننا راح نتعشى على طاوله وحده ؟؟!!!
>> ياويلي ويلاهـ فضحني ابووووي قدام الربع ؟؟!!
قالت خالتي : >> أخيراً تكلمت خالتي من الصبح وهي ساكته ماغير تقولي : يابنيتي وانا خالتس >> شلون يابنيتي وانا خالتس افهم بس ؟؟؟!!! هههههههههه
اقعدي عندنا وروحي اختبري .. لاتروحين السكن .. انت ِ تبين النآس تآكل وجيهنا تاركينك بالسكن وبيت عمك مفتوح ؟؟؟
>> عآآآآآد فرصه وجاتني علشان اقلب مخططات ابوي ..خخخخخخخ
>> داااايم اقول له : يبه الله سبحانه يقول (ان كيدهن عظيم) .. فاحذر هالكيد !! بس عاد ماهو متعظ ابو تركي الغالي شنسويله عاد ؟؟
قلت : بصوت منخفض جداً .. والله ياخاله شوري بيد ابوي عندك إياهـ ، انا العبد المأمور يوديني يمين ولا شمال ماناقشته .
>> ابوووووي قام يتنحنح >> ولاتنحنح اعرف انه تضايق هههههههههههه
المشكله خالتي مااسمعتني ... والظاهر حتى ابو الشباب يبي يسمعني ..
بدليل انه قفل شباكه وخفف من سرعته >> بس على مَن ههههههههههههه
قالت خالتي : ماسمعتس وش تقولين ؟؟؟
همست بإذن بنت عمي وقلت : عيدي لها كلامي اخوتس قاط اذنه عندنا ههههههههههههههههههههههههههههه
فعلاً عادت لها السالفه .. وخالتي شبت مابينها ومابين ابوي ..
هههههههههههههههههههههههههه وانا اضحك هههههههههههههههههههههههه
>> بس اضحك بالسر ^.^
طبعاً ابوي اكبر اخوانه .. وشخصيته قويه جداً >> لايُشق له غبار ابو تركي
ولا قال : خلاص انتهى لااحد يناقشني بالموضوع مرتن ثانيه ...
معناها خلاص حط لسانك بفمك وابلع العافيه ههههههههههههههههههههههههه
وفعلاً خالتي المسكينه اسكتت وماتكلمت وانا مانيبـ قادره اسكت
هههههههههههههههههههههههههه مت من الضحك ... على منظر ابوي ..
>> المشكله ان بالي انشغل وشلون اطلع نفسي من هالموقف قدام ابوي ههههههه ، قلت لنفسي : يابنت الحين روحي تعشي وعيني من الله خير .. والوالد محلول امرهـ .. دمعتين على كسرت خاطر ويمشي الحال ههههههههههههههههههههههه
وصلنا المطعم ...




>> جبت صورة مطعم الفيلاجو من الشيخ / قوقل ....
ودخلنا المطعم >> طبعاً هو عبارهـ عن مدينه ايطاليه "عدة مطاعم ببعض"...
واختاروا لنا طاوله منزويه وبعيده عن الزحمه ويمنا طاولة ابوي وبندر ..
اخذنا المنيو .. وقعدنا نطلب ..
خالتي تسأل : عندهم اكل ٍ زين ولا خرطي ؟؟!!
قلت : لاياخالتي ماعندهم لاقرصان ولا جريش ولا هريس ولا ... الخ
قالت : اجل وشوله فاتحين ؟؟؟!!!
هههههههههههههههههههههههههههههههههههههههههههههههههه هههههههههههههههههههههههههه
قوووويه ياخالتي مرررررهـ ماتترقع عآآآآآد
هذا كلام تقولينه عآآآآد ياخالتي ..؟؟!! يلا ضحكتي البشريه عليك ِ هههههههههههههههههههههه
عاد خالتي صوتها عآلي شوي ..!! وبندر سمعها.. قال : يمه انا اختار لتس ماعليتس مالتس الا اللي يرضيتس
>> اي شخص اشوفه يدور راحة والديه ورضي فيهم "والله احترمه اشد الاحترام"
المهم .. انا لعبت بحسبة خالتي كل الجلسه .. والبنات مايردوني ولا يسكتوني >> قاعدات يضحكن معي هههههههههههههههههههههههههههههههههه
خالتي آخر شي قامت تسبنا هههههههههه >> وانا تقولي : اوريتس ان شاء الله يصير خير
>> كل البشريه تتحلف لي ،، مدري وش مسويه انا هههههههههههههههههههههههههههه
>> حرآآآآم ماسويتي شي ...
تعشينا ... وحلينا ...
وثمن روحنا وركبنا السيارهـ >> ياربي رباهـ من هالسيارهـ ماتلاحظون كل الوقت نركب وننزل من السياره هههههههههههههههههههههههه
>> بس عاد والله سيارته كشخه واعجبتني بس مااعرف وش اسمها ابسأل اخواني ^.^
وطبعاً ارسلت رساله لابوي ..
وكتبت فيها بس كلمه وحده : ( يبه )
فتح الرساله وقال : وحطبــــــــــــــــــه
>> مقهور مني لسااا ههههههههههههههههههههههههههههههههههههههه
عاد انا عارفه انه زعلان فقلت : ماله داعي اكتب له معروض خلني اجرب بكلمه وحده واشوف وش ردة فعله هههههههههههههههههههه
وفعلاً ردة فعله كالعاده ومتوقعه خخخخخخخ
قمت ارسلت له رساله ثاني مرهـ .. وقلت : مشكووور يبه .. ويلا الله يسامحك ..
هذا وانا اخر العنقود تقولي تسذا.. وتبي تسافر وتخليني هنا لحالي .. كل البنات ابوهم معهم الا انا لحالي >> ماسمعت ولا وحده ان ابوها قاعد معها كلهن بالاسكانات هههههههههههههههههههههه
حزن ابوي علي وسكت ... ههههههههههههههههههههههههههههههه
وصلوني للسكن ...
وسلمت عليهم ونزلت للسكن ....
وقالي ابوي .. بكرهـ السبت امر عليتس الصبح ان شاء الله علشان تروحين للسوبر ماركت تتقضين اللي تبينه .. لان طايرتي المغرب ان شاء الله ..
قلت : طيب
وفعلاً من ثاني يوم رحنا وجبت اللي ابيه ...
وسافر ابوي للقصيم ....
وابتلشت باختباراتي ... وانتهيت منها ...
وفي آخر يوم من اختباراتي .. جاء ابوي ورحنا لمكه ... وخذينا عمرهـ ولله الحمد ..
واستانست بالحرم >> اسعد لحظات عمري لما اكون بالحرم ..
وثمن رجعنا لجدهـ .. وكانت رحلتنا الساعه : 1:00 ص ...
ورحنا المطار ...
وسافرنا للقصيـــــــــــــــــــــــــــم
وتوته توته ... خلصت الحدوته ...

[سكون الورد k.a.u]

مخنوقه ، ومتضايقه حيييييييييييييل
واصبحت اكره اللحظه اللي تخصصت بها سيكولوجي ؟؟؟!!!!
علشاني سيكولوجي مطلوب مني اني آراعي ظروف الناس مهما كانت مقصره بحقي ...
وانا اذلل راحتي علشان رآحتهم !!! ليه خير ان شاء الله ؟؟؟!!!!
عسى هالناس حاسه فيني ؟؟ ولا يعانون من اللي اعاني منه ؟؟؟
ولا هم بحالي ؟؟!!!
ماغير عايشين حياتهم ويمثلون الشقا عندي
امسيت مثل الام اللي لاشافها ولدها كبر همه ...
وشوله اضغط على نفسي علشان نآس ماتبي غير مصلحتها...
المفروض دامي سيكولوجي اقيم هالاوآدم من مبطي قبل لا اضيع في مهب الريح ...
حاولت ارجع المياه لمجاريها ،،، وفعلاً رجعتها ..
لكن الظاهر انها ارجعت غير صالحه للشرب ....
وانا تذوقتها وحسيت بطعم مرارتهاااااا ....
المشكله اللي اواجهها ان اللوم طايح علي دااااايم
طيب ليه ؟؟؟؟
يمكن علشاني سيكولوجي كبرت شرهة النآس علي !!!
تخصصي ومانيب مغيرته ، لكن اسلوبي هو اللي غيرته
لاني باختصار : ملييييييييييييييييييييييييييت !!!!

[سكون الورد k.a.u]

لا يصلي
كاذب
ضعيف الشخصيه
كثير البكاء
انهزامي
لَوَام
ماهوبـ قد كلمته
آراءهـ متناقضه
كثير الشكوى
مصلحجي
اي من هذه المواصفات اذا كانت بالرجل فأنا " أكـــرهه واحتقــرهـ " والبعــوض بنــظري " أرجل منه "
لاني اعتبـرهـ " لاشيء " دامه يحمل هالصفات او بعض منها او حتى وحدهـ منها ..
وشخصيه مثل هذه ماتصلح تكون " سَنــد " ترتكي عليه بلوذات الزمـان ...
فأنا احــذرك يَ " زوج المستقبل " الا تكون تملك احداهن .. فلا ريب انني سأكتشف شخصيتك ..
وتأكد ان كانت بك احداهن فأنت " لاشيء بنظري " ولو كنت مَن تكون ..
فلن تستطيع ان " تملكني " لانني انثى ليست كأي أنثى ... !
فاحــذر ايها المستقبل ...
!!!!

[سكون الورد k.a.u]

من قبل لا اصير "سيكولوجي" وانا احب افزع للنآآآس ..
وألقى سعادتي بهالشي ...
ويمكن علشان "حناني" زايد شوي .. احزن على الطير الطاير بعد ..
ويمكن لاني "مرهفة " الحس آخاف على مشاعر النآس وأرعاها ...
ويمكن لان "دمعتي" قريبه آخاف تطيح دمعات النآس بسبتي ..
ويمكن لان " امـــي " "ارق مخلوق بالدنيـــا" وتحزن بسرعه وقلبها عطوف بالحيل "وَرثتني هالعاطفه الزايدهـ"
ويمكن لان " ابـوي " رغم قوى شخصيته وصلابته اللي تحكمها الحنكه والذكاء يملك قلب "عطوف رحوم" وَرَثني "التعاطف والتراحم"
من زود الحنان اللي " آسهدني "والله اني ابكي حتى على المسلسلات الكرتونيه اذا كانت حزينه !
من زود العطف اللي " أرهقني " اتنازل عن اشياء كثيرهـ من حقوقي رحمه بالآخرين ..
ومع هذا وذاك ..
أملك شخصيه قويه جداً .. مُصرهـ .. واقعيه .. عنفوانيه ان لزم الأمر ..
احياناً يكون عندي استعداد أتجاهل كل مشاعري وعواطفي واحاسيسي علشان "ءأدب نآس" او "أقَوم سلوك آخرين"
او "امسحهم من سجل ذكرياتي" او "احذفهم من قائمتي " ...
احياناً اشعر ان شخصيتي مركبه ...
حنونه ، عطوفه ، احزن بسرعه ، احن بسرعه ... الخ
لكن لاجا وقت الجد "ينشــــد فيني الظـهر" ووقت اللوازم "تلقاني" اجيـــك "ملبيــه" وأرفعك من الحضيض .. وان نصيتني"مااخيبــك أبـــد " ..
لكن كل شي "ضمن حدود" ..
وهالحدود انا اللي دسترتهاااا .. واصبحت دستوري بعد كتاب الله وسنة نبيه صلى الله عليه وسلم ..
وعلشاني كذا ..
وبالرغم من كل تعاطفي وتراحمي ..
إلا اني أكرهـ النآس المصلحجيه و اللي ماهمهم بالدنيا الا مصالحهم ومستعدين يآطون على النآس علشان يلبون حاجاتهم ..
سواء كانت ماديه .. او معنويه نفسيه ...
انا ماتهمني هالشخوص ... وكل مَن بحياتي يملك هالمواصفات "رآح أتعداه /ـا" ولا راح "أطالع ورآي" ..
لاني بإختصار ..
احب آكون مع شبهائي .. احب اكون مع النآس اللي تملك عقلي .. احب اكون مع اللي يتميزون بالمنطق والعقل والقرارات الصائبه .. احب اكون مع اللي يعجبونك بالتحليل والتفسير ويسعون دائماً لتطوير الذآت ..
أما اللي دون هالمواصفات ..
فلو كانوا مرضى "غير نفسيين" فأنا مانيبـ مجبورهـ أتحملهم "لاني أتملل من هالشاكله"
وان كانوا مرضى "نفسيين" يروحون لأقرب دكتور / اخصائي نفسي "لان حتى علاج ماراح اعالجهم انا"
الواحد منا او الوحدهـ منا .. اذا مَللنا من شيء وحالت مابينا ومابينه الحواجز "صعب نقدر نتقبله من جديد" ..
مهما حاولنا نضغط على انفسنا .. مهما حاولنا اننا نرجع لنفس الحنين والشوق .. !
جهاز المناعه يختص بحمايتنا وطَرد كل الجراثيم والميكروبات الضارهـ اللي ممكن تضر بصحتنا ..
وانا وجدت ان جهاز مناعتي مو بس متكفل بالجراثيم المسببه للأمراض الجسديه ..
بل حتى الأشخاص اللي يسببون لي "وعكه نفسيه" ..
فيقوم جهاز مناعتي "مشكوراً" "بطرد" كل مَن قد يتسبب لي بأي ألم او كدر او ضيق ... الخ
لذا اعشقــــــك يـــا "منـاعتـــي" ... فأنا كلي بين "يديك ِ"

[سكون الورد k.a.u]

سبحـــــــــــان الذي اذا ذكـــرته "ذَكَـــرَك" ..
وإن شَكــرته "زادك" ..
وإن توكلت عليه " كفــــــــــــــــــــــــــــــاك" ..

:

:

:

سبحــــــــــانك ربــــــــــــــــــــــــي
سبحــــــــــانك ربــــــــــــــــــــــــي
سبحــــــــــانك ربــــــــــــــــــــــــي
سبحــــــــــانك ربــــــــــــــــــــــــي

[سكون الورد k.a.u]

المشاركة الأصلية كتبت بواسطة سكون الورد k.a.u بس هالمرهـ غير .. انا الحين بكل مافيني عازمه على اني اتعدى هالشخوص واتركهم "نهائياً" .. وبصراحه مااجد فيهم اللي ابيه .. لعلي كنت مخدوعه بالأقنعه لكني كشفتها بعد التمحيص .. علشان كذا "ماابيــــهم" ..

مااقصـــد بحديثي هــذا اي شخــــوص بالمنتــــدى ...
بل هم اشخاص في حياتي الاجتماعيه ..

[سكون الورد k.a.u]

عُـــذراً لأنني التي أسهبت معها بحديثك .. !!!
عُـــذراً لأنني التي أُعتُقِلَ قلمك لحديثك معها .. !!!
عُـــذراً لأنني لَم أعلم مدى التربص إلا هذه اللحظه .. !!!
عُـــذراً لأنني لم امتنع عن الرد عليك هذه المرهـ .. !!!
ولكن .. !!
سأمتنع منذ هذه اللحظه.. وسأكتفي بمشاهدة حديثك .. ولَن اتطرق إليه ، أو اشارك فيه .. كي لايُعتقل قلمك من جديد ..
عُــــــــــــذراً يَ استـــــــــــاذ ...
فـالنـــوايـــا دائمــاً "سيـئـــــــه"
:(

[سكون الورد k.a.u]

انا اشهــد اني بضيقه .. ضَيقت صدري حييييييييل ..

[سكون الورد k.a.u]

حمزه كشغري

ألا لعنة الله والملائكه والنآس أجمعين عليك يا حشــــرهـ ..
وصلت لربك ونبيك ... !!
أنا اتوقع انك ليبرالي مقنع "بالتقيه" "ملحــــد" ..
ماعليه خليني اقذفه بدينه لان امثاله ماله دين ولا مله ..
اجل تنكر وجود الله وتوصفه بأقبح المفردات الملحده اللي تنكر وجودهـ ..
وتتكلم على الرسول صلى الله عليه وسلم وماتبي تصلي عليه ..
لاتصلي عليه الله لايشكر لك فضل ...
الصلاة عليه أجرها لك ماهيبـ لرسول الله صلى الله عليه وسلم ..
هو قد غُفِر له ماتقدم من ذنبه وماتأخر ..
أم أمثالي وأمثالك سجلاتهم معمورهـ بالخير والشر ..
حنا مقصرين بديننا لكنك انت "قد كفرت بربك ونبيه" ..
وش بعد انكار وجود الله ؟؟ واستهزاءك بالدين ؟؟ وتقول انك تصافح الرسول صلى الله عليه وسلم (ند لند)
إن كنت قد قلت ماقلته وانت تعقله ..أسأل الله ان يكون لك نـــدا .. وان يصليك نارهـ فالله لايخلف له وعدا ..
انا عتبي مو عليك ياللي ماتخاف الله ...
انا عتبي على الحكومه ؟؟!!!
وينها عنك ؟؟!!!
لو هي اللي سُبَت ماكان بَيَت ليلتك في بيتك ...
وكان الحين بالحـــايـــر يرحبون فيك العسكر هناك ...
ولاااااااااا نبي ننصر سوريا .. ونحاول نحل قضية فلسطين ..؟؟!!!
حنا نحل اول اللي عندنا ثم نشوف مصايب الناس اللي برااا
المفروض يقام عليه الحد .. وتحول أوراقه للمفتي العام ..
يقول الرسول صلى الله عليه وسلم (سـاب الدين يُقتـــَل ) ..
فما بالكم باللي وِصَل لله سبحانه ورسوله صلى الله عليه وسلم..
اجل تقول : حالتك النفسيه كانت تعبانه ..
مابلانا الا من هالشماعه اللي تتعلقون فيها ..
علشان كذا درسناها علشان نعرف الصادق من الكاذب فيكم ..
وحالتك النفسيه ياحشـرهـ .. ليه ماخلتك تسب على الحكومه ؟؟ طيب حتى هي شايفه وساكته ؟؟
ولا لانك عارف وش ممكن يجيك لاسبيت عليها ؟؟!!!!
وتحججك بالنفسيه هذا مايمشي علينا ... ويرد الله على أمثالك بكتابه
ويقول : (وأسروا قولكم أو اجهروا به إنه عليمٌ بذات الصدور ألا يعلم من خلق وهو اللطيف الخبير )
ويقول : (وَإِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللّهُ)
أسأل الله ان يحاسبك حساباً عسيرا ... انت ومَن هم على شاكلتك ...

[سكون الورد k.a.u]

ناري ماطفت بخصوص الزنديق الملحد (كشغري )

حسبي الله ونعم الوكيل فيه .. حسبي الله وكفى .. سمع الله لمن دعى .. ليس وراء الله مرمى ..

اللهم انتقم لذاتك ولجبروتك ولرسولك منه ..
اللهم انه لايعجزك شيئا فعليك به يامنتقـــــــــــــــــــــــــــــم ..

:(