أربع مراحل للحصول على مقاعد دراسية بجامعة الملك عبدالعزيز

[شتاء يختزن الرعود]

أشكرك كثير أخويه بحر الحريه

أنا ماسويت أي إجراء باقي منتظره ..

لأن أخويه قبل بالجامعه عندنا بالمنطقه بس انا وهو عندنا رغبه يكمل بجده ونسبته الموزونه 78.22 يعني قريبه من نسبة اللي يقربوك..

بنتظر بكره وبعده وان شاء الله خير ويقبل بالجامعه لاني ما ابغاه بكليه ثانيه ..

أشكرك مره ثانيه..

[بحر الحرية]

المشاركة الأصلية كتبت بواسطة شتاء يختزن الرعود أشكرك كثير أخويه بحر الحريه أنا ماسويت أي إجراء باقي منتظره .. لأن أخويه قبل بالجامعه عندنا بالمنطقه بس انا وهو عندنا رغبه يكمل بجده ونسبته الموزونه 78.22 يعني قريبه من نسبة اللي يقربوك.. بنتظر بكره وبعده وان شاء الله خير ويقبل بالجامعه لاني ما ابغاه بكليه ثانيه .. أشكرك مره ثانيه..

أهلين أختي..
لا تستعجلو لين ينتهي القبول خلااص وتتأكدوو انوو مافي قبول بالمره، لأنوو ممكن تتغير آخر نسبة قبلو عليها الطلاب، اتزكر واحد من اصحابي كان معايا قبل سنتين، ولمن جاا اول تقديم ما قبلوه لأنوو ما حقق النسبة المطلوبة، وكان باقي له على النسية المطلوية 0.35%..


وكان مرررره متحطم انهم ما قبلوه، وسبحان الله بعد 5 ايام من القبول، سبحاان الله جالوو قبول..

وتابعي متى يتقفل موعد الترشيحات او الاختيارات اللي اعطوكم هياا، عشان لو لا قدر الله ما جاه قبول، ما يضيع عليه كل شي..

والله يجعل لاخوكي حظ معاهم يااااااارب، ويكون معاناا ف جدة..

موفقين ياااااارب؛؛[/center]

[نفسي اتحول انتظام]

انا اختي نسبتها الموزنه تتغير مره تصير 79 ومره 76وكيف تعرف انها انقبلت انتظام وادا مانقبلت انتظام في الجامعه يحولها على كليه التربيه وله كيف و ش الانتقالي والتاهيلي بسولف وله ايه قووووووولوي تعرف مو عارفه شي

[بحر الحرية]

المشاركة الأصلية كتبت بواسطة نفسي اتحول انتظام انا اختي نسبتها الموزنه تتغير مره تصير 79 ومره 76وكيف تعرف انها انقبلت انتظام وادا مانقبلت انتظام في الجامعه يحولها على كليه التربيه وله كيف و ش الانتقالي والتاهيلي بسولف وله ايه قووووووولوي تعرف مو عارفه شي

أهلين أختي..

شوفي داا الرابط، وإنشاا الله يفيدك عن الانتقالي والتأهيلي وكل شي تبغيه، ولو فيه استفساار تاني حطيه هناا، وانشا الله كلنا نساعدك..

دليل القبول:

http://admission.kau.edu.sa/admissio...les/daleel.pdf

بالتوفيق لكم ياارب؛؛

[amooonaa]

المشاركة الأصلية كتبت بواسطة بحر الحرية أهلين أختي.. شوفي داا الرابط، وإنشاا الله يفيدك عن الانتقالي والتأهيلي وكل شي تبغيه، ولو فيه استفساار تاني حطيه هناا، وانشا الله كلنا نساعدك.. دليل القبول: http://admission.kau.edu.sa/admissio...les/daleel.pdf بالتوفيق لكم ياارب؛؛

الرابط مو شغال وانا بجد محتاجه دي المعلومات

[بحر الحرية]

المشاركة الأصلية كتبت بواسطة amooonaa الرابط مو شغال وانا بجد محتاجه دي المعلومات

أهلا أختي..
مو الرابط اللي مو شغال، لكن حملي برنامج Adobe reader الإصدار الأخير، لانوو الرابط داا ملف pdf، وموجود على نفس موقع العمادة، لكن افتحي موقع العمادة وحاولي تشغليه عن طريق قوقل ووتصفحيه.

بس باختصار:

الانتظام: دوام صباحي بمكافأة.
الانتقالي: دوام صباحي بدون مكافأة
التأهيلي: دوام مسائي بدون مكافأة.

ولو عندك استفسار اكتبي السؤال وانشاا الله اداا اعرف راح اجاوبك عليه.
موفقه ياارب؛؛

[توووتة]

لوسمحتو اختي مكتوب حالة الطلب
وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة
المعنى مقبولة او خلاص غير مرشحة او ننتظر فترة بصراحة ماني عارفة ايش الموضوغ

[بحر الحرية]

المشاركة الأصلية كتبت بواسطة توووتة لوسمحتو اختي مكتوب حالة الطلب وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة المعنى مقبولة او خلاص غير مرشحة او ننتظر فترة بصراحة ماني عارفة ايش الموضوغ

اهلين أختي..

قد جاوبت أختنا شتاء يختزن الرعود، وكمان نفس الكلام أقولو لكي، لا تستعجلوو لين تتأكدوو من كل شي..

بالتوفيق ياارب؛؛

[سارة المتعذبة]

سلام عليكم

انا دحين طلعلي لقد تم تحديد موقع المقابلة لكم برجاء طباعة الاستمارة وكدة
بعدين طلعلي اشياء احط زي رغباتي وكدة وانو ازا ابغى سكن في الجامعة وكدة
بعدين في شروط وافقت عليها وكدة بعدين طلعلي طباعة
وانا ماعندي طابعة اش اسوي؟
بعدين حاولت احفظ الصفحة في الورد ماسارت
وخايفة يروح عليا الوقت
اش اسوي؟؟

[بحر الحرية]

المشاركة الأصلية كتبت بواسطة سارة المتعذبة سلام عليكم انا دحين طلعلي لقد تم تحديد موقع المقابلة لكم برجاء طباعة الاستمارة وكدة بعدين طلعلي اشياء احط زي رغباتي وكدة وانو ازا ابغى سكن في الجامعة وكدة بعدين في شروط وافقت عليها وكدة بعدين طلعلي طباعة وانا ماعندي طابعة اش اسوي؟ بعدين حاولت احفظ الصفحة في الورد ماسارت وخايفة يروح عليا الوقت اش اسوي؟؟

أهلين أختي سارة..

ألف مبروووووووووووووووووك إنهم قبلوكي..

اللي تعمليه دحين:
حتلاقي أيقونة مكتوب عليها طباعة الأوراق، تطبعي الأوراق، وتشوفي متى موعك المقابلة حقتك ف الجامعة، وتروحي لهم بكل الأوراق المطلوبة ف اليوم اللي حددوه ليكي، وإنشاا الله بعد ما يستلموو منك الملف حيدوكي الجدول والبطاقة الجامعية..

وبالنسبة للأشياء اللي قلتيها عبيهاا عادي، وأهم شي تطبعي الأوراق، زي التعهد ورقم الاستمارة حق الترشيح، وكم ورقة مهمة كداا، وتكملي أوراقك كاااااملة، من صورة الهوية والأشياء اللي طالبينها منك..

بعدين حلوة دي ما عندي طابعة هههههههههههههه

روحي دوري طابعة واطبعي الأوراق، أو خلي أحد من أخوانك يروح لأقرب محل عندهم طابعة ويطبعلك الأوراق أو من جيرانكم أو من صحباتك

دبري نفسك ههههههههههههههههه مو عشاان انقبلتي دحين خلاص تطنشي، لأنوو لسااا ما اكتملت اوراقك..

وانشاا الله الترم الجاي تكوني معاناا يااارب؛؛

الله يوفقك ويسهل عليكي؛؛