|| تجمع الطلاب لاسئلة الاختبارات النهائية الفصل الثاني 2013 ||~

[المحزوون]

مقدمة في العلوم الطبيعية - مناطق - 1434/7/3 هـ

اول ماطلعت جوالي اصور عاد جوالي عله كاني مطلع لابتوب الا الدكتور معي وقال ترى ماعندي الا تشقيق اوراق واللبيب بالاشارة يفهم قلت هذي كاش مهب اشارة الله يكفينا شرك وانا اخوك :)

المهم الاختبار ما يحتاج تصوير ابدأ كان واضح وسهل ولا فيه اي تعقيد والمسائل الحسابية قليله جدا لا تتجاوز 7 او 8 مسائل وكلها سهله .. كل ماعليكم مراجعت اسئلة الاترام الماضية وملخص الالماسي واسئلة الموقع التفاعلي ..

والله يوفقنا واياكم ..

تحياتي ..

[فيصـــل]

اختبرت اليوم في الرياض مادة المورفولجي 333

الاختبار كان اختيارات 50 سؤال وعدد الطلاب قليل جدا

الاختبار كان صعب جدا ويختلف عن الاعوام السابقة حليت كم نموذج سابق وتفاجئت باسئلة جديدة في النوع والمضمون

ركزت الاسئلة على ال paradigms ورموز الاصوات في ال ed للماضي وكان غريب جدا جانا كم سؤال عن المؤنث والمذكر وكم سؤال من النماذج السابقة وال stem والغريب ان الاinfliction و divertion اللي كان التركيز عليه السنوات الماضيه ماجاء عليه الا 3 اسئلة

للاسف ماتوقعت الاختبار صعب لهاالدرجة الله يسامح الدكتور الاختيارات كانت متقاربة ومشابهة بين بعضها وكان فيه تعمد لتصعيب الاختبار

[دعدعيه]

السلام عليكم
مادة الصرف lane333
الدكتور صبري عويضه وفقه الله
اختبارات المناطق الرياض
الفصل الدراسي الثاني عام 1434هـ
.
اتوقع الدكتور عمل (تحديد للكل) وسوا الأسئلة
أعتقد والله أعلم إنه ما فوت شيء نهائياً من اللي حدده معنا بالدورة.. أغلبه جابه
الاختبار 50 سؤال, مايمدي أتذكر شيء .. الأسئلة يبغالها تصوير صراحه
ولا قدرت أصور لأن اللي راقبوا علينا اليوم نفسيات الله يسلمهم ومادري وش حكايتي مع الصف الأول
هذا سادس اختبار هالترم وأنا أول واحد بالصف
.
أرجع وأكرر.. الأسئلة ما خرجت من التحديد بالدورة, ولا تطنش شيء لأنه جاب من كل شيء تقريبا سؤال
الله يوفقنا وياكم.. دعواتكم

[دعدعيه]

^
^
يا فيصل الله يسلمك, وتحل نماذج أسئلة الأعوام السابقة ليش؟
القاعدة تقولك: إذا مسكت الدكتور المادة من قبل, ساعتها راجع أسئلته أما لو ما سبق ومسكها لا تحرص
أما حكاية الأختبار صعب, صراحه الاختبار مليان
لكن هونها وتهون
الله ينجحك بهالاختبار وبكل اختبار

[ليــل و سهــر]

اختبرت الصرف اليوم والصراحه الاختبار متوسط لاصعب مره ولاسهل.
فيه لف بالسبيلنق يعني لازم تحفظ امثلة المواضيع كلها وماتخلي شي لان الاختبار شمل كل شي بالكتاب.
بالعربي احفظ امثلة كل موضوع وليس التمارين. ولاتلخبط بينهن.
وبالنسبه للفاضل صبري عويضه>>>صراحه مو على قد المديح اللي وصلنا عنه.
عااادي لاساعدنا ولا عقدنا كل الثنتين.وسط.
صراحه النحو والصرف يحتاجلههم وقت طويل للمذاكره لين تفهم تفهم تفهم.وبحتاج دكاتره تقدر انك انتساب وتحتاج وقت طويل عشان تفهم تفهم تفهم.
ولايزال صالح بدره والجوهري متصدرين المراكز الاولى بمساعدة طلاب الانتساب لبى قلوبهم وبس. فمان الله

[فيصـــل]

اخي دعدعية الصرف كان اخر اختبار لي هالترم واختبرت قبله 5 اختبارات 4 منها كانت واضح ان الدكتور فيها مقدر ظروف الطلاب وحاطين اسئلة شديدة السهولة جزاهم الله خير
اختبار الصرف ماكان صعب لدرجة الرسوب ان شاء الله لكن صعب على ال a+ الاختيارات كانت متقاربة وتلخبط

بالتوفيق للجميع

[مــحــمــد القحطاني]

السلام عليكم ورحمة الله

مادة العلوم الطبيعيه ابها

صراااحه كان الاختبار سهل جداً وجعل والديه في الجنه صراحه اسئله نصا من الموقع التفاعلي بس احفظ

الله يوفق الجميع لما يحب ويرضى

[مــحــمــد القحطاني]

الصرف 333

الاسئله كانت متوسطه نوعا ما وكانت شامله للمنهج

من الاسئله اللي اتذكرها

جاب كلمة woman وقال كم لها بارادقم 2 ولا 3 ولا 4
وجاب كلمة keep نفس سؤال وومن
وجاب سؤال عن replasive morphems وعن additive
وعن goose جاب سؤال

وجاب boi وش تعني و logy وش تعني

و expect ايش يناسبها من الخيارات (ant, ent, ment)

وجاب عن الانفلكشن كلمه فيها er وقال حدد نوعها اسم ولا مقارنه

وسؤال عن الحشوه حقت الاسنان تروه مثال في الكتاب fillings طبعا اسم موفعل

وجاب ed كم لها نطق (/d/, /t/

كلمة comedian طلب تأنيثها طبعا يكون مؤنثها comedienne
وكلمة circle وجوابها circlet
طبعا التشجير ماجاب منه شي حق امميديت كونستتيوونت
صفحة 111 جاب منها سؤال حق الـ ed ونطقه بعد حرف التي او حرف الدي
وجاب كلمة student وقال ايش يناسبها عشان تصير ادفيرب (ly, hood, )

صفحة 122 ايرث كويك ( سبجيكت + فعل)
واندرستيميت

واسفين طولنا عليكم بس والله ودي افيدكم

الله يوفقكم لما يحب ويرضى

[sherlock]

وش الحل حق student
Wise - ly -hood

وكذلك underestamate

[عبدالعزيز هباش]

بسـم الله الرحمـن الرحيم

اختبار مقدمة في العلوم الطبيعية

أبهـآ

50 سؤال عســـــــــــــــــــــــل ( أختيـارات )

المسـائل :

1. ماهي القدرة الناتجة عـن سقوط جسم من ارتفاع 20 متر وكتلته 5 كجم خلال ثانيتين ؟
2. اذا كانت الطاقه الحركيه 130 والطاقه الكامنه 890 احسب الطاقة الميكانيكيه ؟
3. موجة سرعتها 310 متر / ثانية فأوجد طول الموجه اذا كان ترددهـا 75 هيرتز ؟
4. اوجد الدرجة المئويه عنـد 330 كلفن ؟
5. ماهي قراءة مقياس الفهرنهايت لدرجة حرارة غرفه مقدارهـا 50 درجة مئوية ؟
6. سخان حراري يعمل بقدرة 850 وات / ساعة احسب قدرته خلال 10 دقائق ؟
7. اذا نقص سرعة الضوء الى الثلث داخل مادة ما .. كم معامل انكسار الوسط لهذه الماده ؟
8. اذا علمت ان فرق الجهد بين طرفي مقاومة هو 5 فولـت والتيار المار خلالهـا هو 490ملي أمبير , أحسب قدرة المقاومـة ؟
9.احسب الشغل لجسم سقط عموديا على مكان ما بقوة ( 3 : F ) ؟

( هذه المسائل فقط وخلـت الأسئلة مـن جميع مسائل الكيمياء )

بالنسبة لقسم الكيمياء : ( أسئلة بسيطه )
1. أجد عدد الكتلة لعنصر عدده الذري 12 والنيترونات 30 ؟
2. أوجد عدد النيترونات لعنصر الكالسيم اللذي عدده الذري 15 وكتلته 20 ؟
3. مالعنصـر في مايلي ؟ ..> ثلاثة اسئلة
4. مالمركب في مايلي ؟ سؤال

بالنسبة للأسئلة الباقيـه ..~>

- فيـه أسئلة عددها 119 سؤال اللي طرحها الدكتور في الدوره التأهيله وموجوده في منتدانا الغالي .
- فيه عضـو ( يفوتني أسمـه ) طرح خمس ملفات word خاصـه بأسئلة الموقـع التفاعلي للأقسام كلهـا ..

( ذاكروها ولاترجعون للكتاب ولا الملخص وعز الله ان تجيبون فوق الـ 90 ان شاء الله )

وسلامتكم جميعـا .. أتمنى اني افدتكـم