تجمع المقدمات على ماجستير علوم الأحياء + أسئلة المفاضلة لعام 1436/1437 هـ

[شذاووي]

ماشاء الله ألف مبروك لكل المقبولات
والي مانقبلوا دي المرة ان شاء الله خيرة لكم وربي يعوضكم خير
اهم شي لا تيأسوا لو مو دي المرة ففي مرة أخرى ولعلها من نصيبكم
واختي nawal1988 شكرا لكلامك الراقي وروحك الطيبه ربنا يعوضك خير ويفتحلك ابواب التيسير والفلاح من اوسع الابواب ..

[k-a-d]

بنات في احد راح اليوم للمطابقة >> احياءالفيصلية
والا لا ..
واشرايكم بكرة ينفع اروح اطابق الاوراق لان الموعد فات من زمان ومانزلو مواعيد جديدة والا استنى للخميس .. مع اللي ما فاتتهم المطابقه ..
وبخصوص البرنت رحت اليوم للاحوال مارضيو يعطوني هو قالو لازم تجيبي افادة من الجامعه مع اني طبعت ورقة القبول ..

[شذاووي]

ايوة ياعسل انا رحت اليوم الحمدلله مررة فاضين وع طول طابقت ليا واعطتني ورقة الافادة وقالت انو اجيها اي يوم اسلمها البرنت لحد شهى 10
ووبس .. وبالتوفيق يارب

[k-a-d]

للاسف ما جاء ف بالي اروح اليوم ابدا ..
ان شاءالله اروح بكرة ...
والبرنت كويس مفتوح لشهر 10 قالت لي الموظفه احجزي موعد عشان تطلعيه ...

[شذاووي]

محد قال انو يحتاج احجز موعد عشان اطلعه وخاصة انو في بنات اصرو انهم يطلعوه حتى بدون افادة

[airi]

الله يبارك فيكم ..تسلموا ..
يا بنات ايه هو هذا البرنت تبع الاحوال ..

[k-a-d]

واله ما اعرف كذا قالت لي الموظفه يمكن يختلف من فرع لفرع ،
بس مارح احجز رايحه ع طول ان شاءالله ..

airi البرنت من الاحوال تجيبيه يثبت انك خير موظفه . تاخذي الافادة وتروحيلهم

[أطيآف]

المشاركة الأصلية كتبت بواسطة fatimah99 السلام عليكم بنات كيفكم مبروووك للمقبولات ربي يوفق الجميع وعقبال لكل من لم يحالفه الحظ ودي أستفسر بخصوص الدوام تبع الماجستير المايكرو كم يوم وهل في تأخير للعصر هل الدراسة صعبه ومرهقه وهل في مواصلات الله يجزاكم خير الي عندها خبره لا تبخل علينا وشكراً

وعليكم السلام عزيزتي فاطمة
هل أنتِ من المقبولات في السلمانية؟
أنا مايكرو-سلمانية
ومثلك حابة أعرف طبيعة الدوام وكل حاجة
ان شاء الله نلاقي اللي يفيدنا

[k-a-d]

بنات الله يسعدكم مين صا كذا معاها
اليوم رحت طابقت الاوراق الحمدلله .. بس في صفحتي في قبول .
كان مكتوب تم قبولك عند علامة الصح .. دحين صار مكتوب تم قبولك تم قبولك من الاحتياطي ..
ايش معنى ذا الكلام ..

[شذاووي]

ايوة انا عندي كمان بس لما سلمت البرنت سألت الموظفة عنه قالت عادي مو مهم واني تعديت المرحلة لاني خلاص استلمت الرقم الجامعي