رحلتـــي باختصار!!

[dr.CILIA]

المشاركة الأصلية كتبت بواسطة no0oneee هلا dr.cilia الله يسعدك و ييسرلك كل امورك و تسيري دكتورة قد الدونيا :) س1- كيف طريقة نزول الجدول لاني ابغا انا و صحبتي نكون زي بعض و هل احنا نحدد الدكاترة ؟ س2- ايش هيا الخطة الجديدة باختصار ع قد ما تعرفي من معلومات ؟ ولك خالص تحياتي .

هلا اختي منوره
واياااكِ يااارب
اجابات اسئلتك:
1-في الطب عندنا الجدول موحد والتقسيم من الاداره وماعندنا نظام تختاري ابدا مااعرف ايش اللي نازلكم في الاودس بس اللي اعرفه انه ماتقدري تغيريه لانه للكل بس القروبات مختلفه وهذي من الاداره ممكن تروحيلهم لمن تبدأ الدراسه وتساليهم عن التغيير اذا في مجال..

2-والله معلوماتي عنها مرره قليله بس ممكن الدفعه اللي فبلكم يفيدوكي دفعه09
اللي اعرفه
احنا زمان كنا ناخد كل ماده على حده ونمر في الماده الوحده على كل اجهزة الجسم من خلال شباتر كل جهاز في شابتر والماده ناخذها خلا سنه كامله وممكن سنتين
اللي عرفته عن نظامكم انه موديولز كل موديول يحتوي على جهاز من اجهزة الجسم تأخذو فيه كل شي عن دا الجهاز يعني تركيبه(التشريح) ووظيفته(فسيولوجي وبايوكميستري) وامراضه(باثولوجي) وطرق علاجه(فارماكولوجي) اللي بين الاقواس دي موادنا اللي كنا ناخدها ايام خطتنا وهي مواد الطب الاساسيه
طبعا انتو دحين بداية سنه تانيه حتاخدوا تجميعه لكل ماده من المواد هذي بشكل مبسط واعتقد تختبروا فيها بعدين تبداو الموديولز حسب اللي مقسم في الجدول.

هذا اللي اعرفه
موفقه ان شاءالله

[Dr.AlJuhani]

المشاركة الأصلية كتبت بواسطة dr.CILIA - هل سلب منكِ الطب الكثير من الأشياء ؟ في حال "نعم" اذكري بعض الأمثلة . طبع اكييد سلب مني اشياء كثير بس اغلبها مو بسبب الطب نفسه بس مشكلة الوقت مع الطب هواياتي مثلا كان عندي هوايات كثيير ومع الطب خلاص انتهت مثلا كنت احب الخياطه بس لما انشغلت بالدراسه مو بس بطلت اخيط الا زياده سارت يدي ماهي متمكنه زي زمان هذا الشي مرره زعلني اني فقدت هذا الشي ولازم أرجع اتعلمه من جديد احس كمان الطب خلى قلبى يقسى شوي يعني مو زي زمان يمكن من كثر مانشوف المرضى اللي منومين ومعاناتهم صرت اللي يمرضو امراض بسيطه انا احسها مو شي بالنسبة للي شفتهم فأطنش يعني احيان يطلبوا مني استشاره ولا يعرضو مشكلتهم مااعطيهم ذاك الاهتمام حتى لمن يقولوا فلان مات وانا اعرف انه عنده مرض صعب علاجه سبحان الله أقول الله ارحم بعباده لأنه ممكن كان حيعاني يقومو الناس يطالعوا فيا بنظره كأنهم بيقتلوني اكبر شي سلبه مني الطب -راحة البال- هذا اشي مفقود عندي من يوم مادخلت هنا طبعا هذي مشكله بس مااتوقع احد في الطب سواء دارس او ممارس للمهنه يجي ينام او حتى وهو جالس يفكر مع نفسه يكون باله مرتاح اي قرار بحق اي مريض ان شاءالله شي بسيط بنقعد نراجعه مع نفسنا لمن نفكر -طيب يمكن لو قلنا كذا كان افضل! طيب ممكن يحصل له كذا... حتى دحين واحنا لسه بندرس وفي امتحاناتنا نفس الشي بيصير معانا يمكن مو الكل بس انا يصير لي الله يعين

لسا حنقول بسم الله ولسا حندخل رابع بأذن الله وأنا بفكر
ومنجد كلامك صح بعد اول أسبوع في المستشفى هذا الصيف
ومع اول بيشنت (mesthenia Gravis)
كل الويك أند صار كآبه وماأقدر انام بس أفكر فيها
:(
الله يعيننا ويساعدنا ويقوي قلوبنا بس مايقسيها

[Dr.AlJuhani]

المشاركة الأصلية كتبت بواسطة dr.cilia نتابع - هل هناك متسع من الوقت للتسلية والمرح ؟ بالتأكييييييد في أحيان وسط الدوام وزحمته نلاقي أوقات للتسليه أيام ماكنا في الجامعه كان عندنا النادي الرياضي وكنت احب العب سله والعب بالدراجات وكنا نحضر المباريات اللي في النادي نروح نلعب عالاجهزه يمكن بشكل يومي وكمان في النت صح كل وحده عندها نت في بيتها بس مع الجماعه له طعم غيير وفي المستشفى مافي اماكن للعب طبعا بس نسلي نفسنا بنفسنا وكمان في غرفه في قسم الاطفال حقت انتظار وفيها العاب طبعا ماقصرنا معاها نلعب ونستانس احلى شي الواحد يستمتع بحياته هذا غير الحفلات اللي لازم تقريبا كل اسبوعين نحتفل مع نفسنا وفي اي مناسبه مانقصر واحلى شي بعد الامتحانات لازم عندنا حفلات محترمه غير النشاطات اللي خارج الجامعه الخلاصه في وقت محترم للتسليه للي يحب يتسلى طبعا بس برضه تفضل محدودة الزمان والمكان (نعمه الحمدلله)

في هذي صدقتي هههههههههههههههههههههههههههههههههههههه
الحفلات لأي سبب
بعد كل سستم نخلصه"لنو أحنا النظام الجديد اللي هو ماشي بالسستمات""
نحتفل وكيكه ودنيا
هههههههههههههههههههه
وأي وقت يجينا فراغ نروح الجم ونلعب
لكن الحفلات كانت سنه ثالث كلها حفلااااااااات ههههههههههههههههههههههههههههههه
مدري كم كيكه جبنا

[dr.CILIA]

المشاركة الأصلية كتبت بواسطة dr.aljuhani لسا حنقول بسم الله ولسا حندخل رابع بأذن الله وأنا بفكر ومنجد كلامك صح بعد اول أسبوع في المستشفى هذا الصيف ومع اول بيشنت (mesthenia gravis) كل الويك أند صار كآبه وماأقدر انام بس أفكر فيها :( الله يعيننا ويساعدنا ويقوي قلوبنا بس مايقسيها

اهلا اختي منوره
الله يوفقكم ويعينكم
كنت في الدوره حقت البريكلينيكال؟؟ في اي قروب؟ انا جيت في يوم الجهاز الهضمي شرحت لقروب 6

[MR.Google]

متى راح تكملي الدراسه ان شاء الله وهل راح تكملي برا او هنا.

واذا كان راح تكملي برا هل يشترطون معدل معين وشكرااااااا

[dr.CILIA]

المشاركة الأصلية كتبت بواسطة mr.google متى راح تكملي الدراسه ان شاء الله وهل راح تكملي برا او هنا. واذا كان راح تكملي برا هل يشترطون معدل معين وشكرااااااا

ان شاءالله نهاية السنه هذي (سنة الامتياز)يتحدد اذا هنا ولا برا الله يكتب اللي فيه الخير
بالنسبه لبرا ممكن عن طريق بعثات الملك وطبعا طالبين معدل اكثر من3.75 من5
والطريق التاني الابتعاث عن طريق مستشفى بس طبعا لازم تتوظف اول في المستشفى بعدين يبتعثوك ويشترطوا عليك شوية شروط.

[dr.waloo]

واوووووووو مرررة حمااااس مشكوووورة ماقصرتى صح انى دخلت متاخر بس مرررة تحمست معك احس الطب اهم شي اهم شي هو تنظيم الوقت
وربي يسعدك وويوفقك ان شا الله ويحميك من كل شر

[MEMO...]

من جد تحمست ( الله يوفقك ويسر امرك يا رب)


بس عندي استفسار بسيط ....
انا من اول نفسي ادخل طب اسنان والله حاولت بس صارت لي ظروف ونزل معدلي شيئ بسيط عن المعدل المطلوب لدخول الكليات الصحية وتحققت لي الرغبة الخامسه وهي ...حـــــــــــــــــاسب وانا راضية بقدري والحمد لله .

هل بإمكاني التحويل من حاسب الى كلية صحية وبالتحديد طب اسنان ؟؟؟؟؟
أو
محد قد سمع انو في احد حول ؟؟؟


يارب يا مجيب دعوة المضطرين اجب دعوتي
( اللهم قدر لي الخير في تخصصي )

[د.دعاء]

wait a minute الشرح حيكون بالإنجليزي من السنة السادسة ولا من أولى طب؟
أرجوا الإجابة وشكرا

[dr-wolf]

السلام عليكم
اخت سيليا
قد يعجز اللسان عن شكرك عما قدمتيه لنا من خلاصة خبراتك و أفكارك التي قد تساعدنا في المستقبل
و أيضا قد نجد توافقا فيما مررنا به خلال حياتنا الدراسية مع ما اسردتيه في مقالاتك وهذا إن يدل فإنما يدل على التوافق الذهني و النفسي بين الطلاب و إن في سرد مثل هذه القصص قد تساعد في تقارب الأفكار و الإستفادة من الخبرات.
فأسأل الله أن يوفقك في حياتك العملية و العلمية و نجدك كما اردتي لك بصمتك في عالم الطب عالمة و باحثة لك انجازاتك و شكرا