( .. وظائف للسعوديين بالكويت .. )

[سنوات الأمل]

ماشاءالله كل هذا بالكويت ربي يزيده
طيب اخوي انا ادرس تعليم عن بعد يعني انتساب هل تقبل ذي الشهاده عندكم والا لازم انتظام
كمان سؤال ثاني انا ذحين تحضيري ومحتاره بالقسم عارفه انه سؤالي ماله دخل بس بغيت اعرف اغلب البنات عندكم اش يتوظفون؟؟؟؟
وهل عندكم اختلاط والا زينا مافي ؟؟؟؟

[salemf15]

السلام عليكم جميعا

مشكور ولد الجهراء عالموضوع وتكلفك فيه والله يعطيك قد نيتك .

بالنسبه للعمل بدول الخليج أشوف انه مجدي خصوصا العاطل لويروح يجيب له خبره عمل من دول الخليج اتوقع بتنفعه بالسيرة الذاتيه خصوصا ان اغلب الوظائف الجيده يتطلب لها خبرة والكويت بلد متقدم وشقيق واهله طيبين ولدي زملاء من اهل الكويت موظفين معنا بهيئه حكوميه وجنسيته ( كويتي ) وطلب مني احدهم الذهاب معه للكويت وذهبت وقعدت معه حدود 7 ايام وكانت من اجمل الايام وبخصوص المميزات الي ذاكرها ولد الجهراء فعلا موجوده وبالتوفيق للجميع .

وبخصوص بريطانيا بلد جميل وخصوصا لندن اكبر شارع فيها اصغر من الشارع الي قدام بيتنا بشوي ومن كثر الزحمه يتنقلون بالباصات فوق و تحت الارض وحسب علمي ان اهل لندن الاصليين يسكنون خارج لندن والسبب يعود للزحمه الي مسببينها العرب و الاجانب داخل لندن وخصوصا شارع الاكسفورد والبكيديلي وادجوارد رود وغيرها .

لن اطيل عليكم الغربه صعبه بس بلندن اكيد بتكون احلا من الكويت و الواحد يسعى اذا مالقى نصيب بمكان يبحث عن مكان اخر واي مواطن يعمل خارج بلده مصيره يرجع وينفع بلده عن طريق نقل الخبرات والاستفاده من التجارب الي موجوده بالدول الاخرى والامثله على ذلك كثير خصوصا بالمجال الاعلامي و الطبي والهندسي .

[اغلى حبيبة]

ياسلااام معقول صدق هالكلام ؟؟

بهاااجر من هنا ل اي مكااان

طيب الكويت صغيره يلا تكفي اهلها كيف كمان السعوديين تكفيهم؟

[ولد الجهراء .....]

المشاركة الأصلية كتبت بواسطة gzl gzlan يلا سرينا على الكويت وظايف ودلع واقساط بالراحه على فكرة خالتي كانت هناك بس من حرب الخليج راحت على الامارات وتقلي الكويت اريح بالمعيشه

حياكم الله وكلناااا أخوان وأهل مسلمين

[ولد الجهراء .....]

المشاركة الأصلية كتبت بواسطة سنوات الأمل ماشاءالله كل هذا بالكويت ربي يزيده طيب اخوي انا ادرس تعليم عن بعد يعني انتساب هل تقبل ذي الشهاده عندكم والا لازم انتظام كمان سؤال ثاني انا ذحين تحضيري ومحتاره بالقسم عارفه انه سؤالي ماله دخل بس بغيت اعرف اغلب البنات عندكم اش يتوظفون؟؟؟؟ وهل عندكم اختلاط والا زينا مافي ؟؟؟؟

أيه نعم كل هذا وأكثر بعد لكني ماذكرت إلا جزء ضيئل من المغريات الوظيفيه والرواتب وغيرها



وبالنسبه للتعليم تقبل عندناااا في كل الوزارات مقبول لكن قبل سنتين

وزيرة التربيه قالت مانستقبل التعليم عن بعد والانتساب !! بس الحمدلله شالوهااا

والحين الوزير عجمي والوضع تغير تمشي إذا تخصص حلووو ومطلوب بدون واسطه

وإذا التخصص متوفر يحتاج واسطه

يعني بس التربيه عقدوها شوي على وقتك الوزيره السابقه

شوفي أختي فيه أماكن أختلاط , وعندناااا أماكن كثير موأختلاط

وفيه أماكن أخرى كوزاره أو مبنى تعليمي يكون قسم النساء بروح والرجال بروح


يعني مثلا التعليم نسائي ميه بالميه

عندنااا أيضا كموسسة التعليم ولكنهااا تبع وزارة الأوقاف والشؤن الإسلاميه

دار القرأن ومنتشر بجميع مناطق الكويت معلمه أو إداريه نسائيه ميه بالميه

أيضا غير التعليم في وزارة الأوقاف كثير أماكن نسائيه

وهناك وزارة الشؤن والخدمه الأجتماعيه طبعاااا يكون فيهااا رجال ونساء

لكن الأقسام منفصله الرجال بروح والنساء بروح

بعدين الأختلاط يعني أنه يكون رجال ومرأه جالسين بجنب بعض

بالبنوك والهندسه والنفط ومطار الكويت أختلاط لكن حتى الكونترات الرجال بجهه والنساء بجهه

بالنسبه لوزارة الصحه : بالنسبه للدكاتره الاختلاط والعمل مع بعض لابد منه


أما التمريض الاختلاط ليس بالعمل مع بعض مايعملون مع بعض البنات والشباب

لكن الاختلاط بالمستشفى بشكل عااام يعني الأجنحه اللي مخصصه للرجال كلهم ممرضين مافيه ممرضه

والنساء كذلك والعيادات الخارجيه أختلاطهم بالمستشفى وليس بالجلوس بجنب بعض والعمل مع بعض

البنوك الإسلاميه نسائيه ميه بالميه


عطيتج نبذه مختصره والبنات يتوظفون كل شي

وسلامتج

[ولد الجهراء .....]

المشاركة الأصلية كتبت بواسطة salemf15 السلام عليكم جميعا مشكور ولد الجهراء عالموضوع وتكلفك فيه والله يعطيك قد نيتك . بالنسبه للعمل بدول الخليج أشوف انه مجدي خصوصا العاطل لويروح يجيب له خبره عمل من دول الخليج اتوقع بتنفعه بالسيرة الذاتيه خصوصا ان اغلب الوظائف الجيده يتطلب لها خبرة والكويت بلد متقدم وشقيق واهله طيبين ولدي زملاء من اهل الكويت موظفين معنا بهيئه حكوميه وجنسيته ( كويتي ) وطلب مني احدهم الذهاب معه للكويت وذهبت وقعدت معه حدود 7 ايام وكانت من اجمل الايام وبخصوص المميزات الي ذاكرها ولد الجهراء فعلا موجوده وبالتوفيق للجميع . وبخصوص بريطانيا بلد جميل وخصوصا لندن اكبر شارع فيها اصغر من الشارع الي قدام بيتنا بشوي ومن كثر الزحمه يتنقلون بالباصات فوق و تحت الارض وحسب علمي ان اهل لندن الاصليين يسكنون خارج لندن والسبب يعود للزحمه الي مسببينها العرب و الاجانب داخل لندن وخصوصا شارع الاكسفورد والبكيديلي وادجوارد رود وغيرها . لن اطيل عليكم الغربه صعبه بس بلندن اكيد بتكون احلا من الكويت و الواحد يسعى اذا مالقى نصيب بمكان يبحث عن مكان اخر واي مواطن يعمل خارج بلده مصيره يرجع وينفع بلده عن طريق نقل الخبرات والاستفاده من التجارب الي موجوده بالدول الاخرى والامثله على ذلك كثير خصوصا بالمجال الاعلامي و الطبي والهندسي .

وعليكم السلام ورحمة الله وبركاته ...

العفوو أخوي واجبي أتجاه أخواني


الله يجزاك خير

وكلامك جميل ومنطقي

أشكرك على هالكلام الطيب

لأن والله من خلال هالموضوع تعجبت من اللي يكلموني

الماجيستير اللي كلموني من الجنسين بالهبل منهم المهندس ومنهم الانجليزي

وتخصصات بالكويت يستقبلونهم بسهوله اللي يقول متخرج من 5 سنوات

واللي سته واللي ثمانيه , موحرام أضيع عمري أنتظر أشياء تتغير ويمكن اموت ولاتغيرت

يجب على الانسان في البحث عن رزقه , وصدقت لو على الأقل الواحد يأخذ خبره

مع أني أدري اللي يجي ويتوظف ويستقر بالكويت مايخليهااا


ولا بقيت تجي الكويت علمنااا عين فراش وعين غطا



مشكور مره أخرى يالغالي

[ولد الجهراء .....]

المشاركة الأصلية كتبت بواسطة اغلى حبيبة ياسلااام معقول صدق هالكلام ؟؟ بهاااجر من هنا ل اي مكااان طيب الكويت صغيره يلا تكفي اهلها كيف كمان السعوديين تكفيهم؟

ليش مومعقول


واللي له ربع وناس بالكويت يعرف هالشيء

أناااا فريت دول الخليج ولي أصدقاء كثر في كل دوله خليجيه

يعني تقريباااا يمكن دول الخليج كل دوله جيتهااا اكثر من عشرين مره


الإمارات وقطر والكويت كلهااااا فيها مميزات موطبيعيه


وللعلم فقط أعرف سعوديين يعملون في مهنة التدريس بالإمارات عادي مافيها شي



وبالنسبه للكويت صغيره أناااا زرت الرياض كثييير يطق مخي وانا لحد الحين

ماوصلت للمكان اللي ابيه من الزحمه , وجده كذلك وترى الكويت أعتقد مايقارب مساحة الرياض


وللعلم فقط مافيه بنت دوامهاااا أكثر من ربع ساعه مسافه عن بيتهاااا إلا إذا هي كانت تبي


أنا خواتي ولله الحمد كلهم جامعيات وموظفااااات ودوامتهن عند البيت


وللعلم بالكويت حتى اللي ماعنده شهادة أبتدائي يتوظف وراتبه مايقارب 12 او 13 الف ريال



طبعاااا فيه نقطه : الكويتيات اللي مايبون يتوظفون يمشون لهم الحكومه وهن في بيوتهن

470 دينار يعني تقريبا 6 الأف ريال وهي نايمه


وهناك أمور كثيره بالنسبه للسعوديه اللي تتزوج كويتي يعطونه جنسيه او سعودي يتزوج كويتيه

تخيلواااا سعودي يجي من السعوديه يتزوج كويتيه يعطونه الحكومه بيت !!!! << ياحلوهم




لو أتكلم ماأخلص

[احمد 101]

اخي ولد الجهراء هل انت تدرس عندنا بالجامعة انتساب

[ولد الجهراء .....]

المشاركة الأصلية كتبت بواسطة احمد 101 اخي ولد الجهراء هل انت تدرس عندنا بالجامعة انتساب

أيه نعم يالغالي

ماعندناااا جامعه أنتساب بالكويت

والجامعه المفتوحه يقولون صعبه

الموظفين كثير يدرسون أنتساب

[سمارت غيرل]

المشاركة الأصلية كتبت بواسطة ولد الجهراء ..... تخيلواااا سعودي يجي من السعوديه يتزوج كويتيه يعطونه الحكومه بيت !!!! << ياحلوهم

لجل الله اخوي لا تلمع الكويتيات من هالناحية، خل تنحل مشكلة العنوسة في بلدنا