قبول الطلاب والطالبات الغير سعوديين

[Nadya]

ههههههههه مرررررة مانتبهت لما قلتي رجعت اشوف الي كتبتووو
معليششش

[خيرية تيجاني]

المشاركة الأصلية كتبت بواسطة حيــــــاة وعليكم السلام ورحمة الله وبركاته مثل ماقالوا لك الي قبلي الاثنين ،، موزونك 85 وحسب نظام الجامعه انهم بيقبلون الـ 90 وفوق وهذا الي صار السنة الماضيه كمان ومانزلوا عن 90 :( لاتتحطمي وفكري في حلول بديلة .. مثلاً : * لو كنتِ يمنية تقدري تقدمي على منح السفارة اليمنية لم يبدأ التقديم في ياناير بإذن الله .، بس لأنه السفارة كمان تقبل زي نسب الجامعه اشياء عالية فلو تقدري تدرسي برا جدة ام القرى او الطايف او سعود فالقبول فيها بيكون اسهل من عبدالعزيز يكثييير .. تقريباً عبدالعزيز هي الجامعه الوحيدة الي نسبها نار والبقية يقبلون للموزون 85 احياناً .. فلو تقدر تدرسي في غير جدة فقدمي عليهم وبإذن الله فالك القبول . * حل آخر بإنك تعيدي القدرات والتحصيلي ،، وتقدري بإذن الله تجيبين درجات عاليه وتقدمين السنة الجاية وتنقبلين ،، دامك شطورة وجبتي النسبة العالية في المدرسة ،، بشوية اجتهاد تقدري تجيبي نسبة عالية في القدرات والتحصيلي .. في مجموعة من البنات هنا بيعيدوا القدرات في ربيع اول ،، ففكري فيها واي شيئ تحتاجيه من مراجع ونصائح وكتب عشان الاختبار احنا حاضرين : ) * حل آخر كمان ،، لو تحبي تدرسي انتساب او تعليم عن بعد ،، وبعد التحضيري لو جبتي معدل 4.75 تقدري تحولي لإنتظام .. بس الكليات المتاحة لكِ بعد التحويل للإنتظام مافي كليات علمية ،، بس كلية الاداب واحتمال بعد ترم تحولي لتربية خاصة . * حل آخر ،، لو ماتبغي تعيدي قدرات وتحصيلي وماتبغي انتساب او تعليم عن بعد ،، عندك الجامعة السعودية الإلكترونية .. السنة هذه اول انطلاقة لها .. لو ماتعرفي عنها شوفي هذا موقعهم http://seu.edu.sa وفي المنتديات حقهم كمان بتفيدك بمعلومات زيادة عنها وعن نظامها .. ........... القادم اجمل بإذن الله ،، اهم شيئ اسعي وبتلقي ماتتمنين اي سؤال احنا حاضرين مووووفقه : )

عندي استفسار ياححلوه دحين دي الجامعة معتمده اول مره اسمع فيها
طيب لو بغيت اسجل فيها كيف ومن وين
والتقديم يدوي ولا الكتروني
واعتقد التقديم برمضان بس مو ؟؟
والدراسه فيها انتظام ولا عن بعد
يعني دووام كل يووم
لاني م احب الجامعات اللي انتساب وتعليم عن بعد
احب الدوام وقومت الصباح

[حيــــــاة]

المشاركة الأصلية كتبت بواسطة خيرية تيجاني عندي استفسار ياححلوه دحين دي الجامعة معتمده اول مره اسمع فيها طيب لو بغيت اسجل فيها كيف ومن وين والتقديم يدوي ولا الكتروني واعتقد التقديم برمضان بس مو ؟؟

هلا : )

اي الجامعة الالكترونية جامعة حكومية معتمدة ،، واول مرة تسمعي بها لأن لسى هالترم اول انطلاقة لها ..

التسجيل فتحوه في رمضان اسبوع واحد وقفل على طول ،، وبعدها ارسلت لهم اسئلهم لو في تسجيل بيكون للترم الثاني او لا ، قالوا لسى مو اكيد بس تابعوا الموقع لو في شيئ بيعلوا عنه ..
ارسلي لهم واتصلي بتلقي الأرقام والايميلات في الموقع وتأكدي اذا في تقديم او لا للترم الثاني ..

بالنسبة للنظام ..
بين هذا وذاك ..
فيها دوام يوم من كل اسبوع ،، والباقي محاضرات اون لاين <<بس للآن مافعلوا لهم محاضرات الاونلاين عندهم مشكلة في النظام ومعرف ايش .. بس بيكون فيه .

اول سنة تحضيري بتكون زي عبدالعزيز نظام خطط
خطة : رياضيات + مهارات اتصال + انجلش
وخطة : حاسب + مهارات تفكير <<اعتقد او شيئ زي كذا + انجلش

الانجلش تتم دراسته من موقع الانجلش تاون ،، يعني بتدرسيه مع نفسك ،، هو موقع جددداً ممتاز يشمل كل نواحي الانجلش ،،، والاستاذات بيتابعوا حسابك في الموقع وتقدمك وكيف انجزتي وكم ساعة درستي ووو
ويحاسبوكي عليه .

الرياضيات ،، بيعطوكي شيئ زي البرنامج تحمليه على جهازك بيكون بمثابة الكتاب ،، وفي محاضرات مسجلة وشروحات المنهج كامل ،، وشرح مسموع والتكاليف والواجبات .

اللاتصال ،، كتاب الكتروني مجاني عادي تحمليه من النت وعادي تطبعيه ،،بس الرياضيات غير قابل للطباعه ..

في اليوم الي بتروحيه بيكون كإسترجاع لدراستك خلال الاسبوع ،، ومناقشاات ، ودرس جديد ،،
والاستاذات بيخبروكي بملاحظاتهم على مستواكي في الانجلش لانهم زي ماقلت لك يكونوا متابعينك ،
وبيقيموكي في هذا اليوم زي ماتقولي درجات مشاركة ،

بيكون وقت طويل الي تحضرية ،، مثلاً صحبتي يومها الأحد تبدأ محاضرات من 3 لحوالي 9
4 ساعات انجلش والباقي رياضيات واتصال ..
صح شيئ مهم كمان ،، انك نهاية التحضيري ،، لازم تختبري توفل
وتجيبي درجة معينة وان ماجبتيها ماتكملي في الجامعه *ـ*

حبيت النظام مره بس يبغى له التزام وانضباط ولا للتأجيل والاهمال ..

هذا مالدي ^ـ*
واي سؤال انا حاضرة : )

[حيــــــاة]

خيرية ارجعي لردي بعد التعديل ،، لانه كان ناقص كم تعديلك ^ـ*

[حيــــــاة]

المشاركة الأصلية كتبت بواسطة nadya ههههههههه مرررررة مانتبهت لما قلتي رجعت اشوف الي كتبتووو معليششش

مو مشكلة ،، اهم شيذ تداركنا الامر ^ـ^

[عشقَ البرشاَ]

المشاركة الأصلية كتبت بواسطة l i g h t - صارلي شي غريب اول مرا الإيميل اللي سجلتو ف موقع الجامعة فجأة خرف فتحتو عشان أشوف رسالة التأكيد لقيتو فاااااضي ! مع إنو من قبل كان مليان وعدد الرسايل فيلو كبير :( دحين مدري جاتني رسالة تأكيد ولا لا <- وسوسة

ما ابغى اخوفك / بس ياخوفي يكون ايميلك مخترق ..
د اسمعي غيري باسوردك بسرعه !

[عشقَ البرشاَ]

ياخي ، احبكم !

حياتو / سوي لي منشن في الاويتر عشين اعرفك !

[مجمع العرب]

بناااااااات تعبت و انا احاول ارفق المستندات مو راضي لمن اضغط على ارفاق يرجعني زي كنت ... لم يتم اختيار اي ملف ممكن احد يساعدني لوجه الله و الله اني خايفه يجي 15 الحج و انا في دوامة الرفع و لسه ما اكدت

[بيناوي]

دلوووول راحت خلاااااااص •﹏• باقي حياااة في القروووووب واهو انا جيتك
مو قلتلك اطلع في الازمااااات@(￣-￣)@

والظاهر الاخباااار ع ماهيا ..الله يبشرنا بالخير قريييب └(^o^)┘

لاتنسوووووووا صياااااام يوم عرفه جعلنا الله من الفائزين به♥♡

[حيــــــاة]

المشاركة الأصلية كتبت بواسطة مجمع العرب بناااااااات تعبت و انا احاول ارفق المستندات مو راضي لمن اضغط على ارفاق يرجعني زي كنت ... لم يتم اختيار اي ملف ممكن احد يساعدني لوجه الله و الله اني خايفه يجي 15 الحج و انا في دوامة الرفع و لسه ما اكدت

بس غيري المتصفح وبتنحل المشكلة ..
استعملي الكروم وكله بيمشي تمام .،.

وتعالي خبرينا بالي يصير معك ،، بسرعة لحقي

موفقه : )