~~ شــــــتــــــات ~~ ♥ مُصرهـ علـى قــراري ♥..

[مصره على قراري]

الحياه:

هي الركض بإتجاه الموت هربا منه .,!

[مصره على قراري]

من الممتع ان ترى اهتمام الحاقد بأدق تفاصيلك .,

^
اممم ما اشوفه متعه للأمانه لاني اساسا مو شايفه الي يحقد علي بكبره

مشغوله بنفسي وبس

[مصره على قراري]

صباح الخير والرضى على الجميع

يوم رائع

مابداء لحد الان بس مقرره اني
اخلي هاليوم رائع بمعنى الكلمه

بعد توفيق الله طبعاً

نودع النكد + نتفكر بالنعم الي احنا فيها + ننظر للأقل مننا وندعو الله لهم ونحمد الله على وضعنا


كالعاده داخله مساحتي لهدف ما

هالمره

رح اناقش اخ
واعاتب اخ
واترك رساله للجميع
مع كم موقف حصل معي باليومين الي فاتت
وتعلمت منهم فعلا

., صباحكم جمال :)

[مصره على قراري]

رح اناقش اخ

خالد صباح الخير :)

بخصوص تعليقك على حلقة داود الشريان
والي كتبته هنا


المشكله خارج داود الشريان
للأمانه انا ما لفتتني اي قضيه طرحها
ولا عمره طرح قضيه وكان لها صدى وانحلت
كل البرنامج صرخات ونظام تحشير ويعنني معك يالمواطن البسيط وقضينا

كل كلامي واستشهادي بالحلقه لانوا محتاجين حقوق هالفئه من المجتمع
من عشرين سنه صدر قرار دمج المعاقين حركيا بالمدارس العاديه

<< على حظي الحمد الله ولا الي قبلي ماكانو يقبلون بالمدارس
وانا رغم ان القرار صادر

الا اني طق مطاقق عشان اقبل فالمدرسه الابتدائيه
والحين دمج عام ولا في اساسيات الدمج اصلا

المشكله مستحيل احد يقدرها كثر الي عاشها وعانا منها
انت قلت انو عندنا مشاكل اهم واكبر ومحتاجه حلول

وللأمانه ما اشوف مشكله اكبر من فقد الكرامه

بتقلي المجتمع كله كذا او الوطن العربي كله كذا

المشكله عندي نابعه من تجربه ومعايشة وضع 900 الف معاق بهالبلد

وانا كنت ومازلت شايفه انو هذي اهم واولى من اي مشكله ثانيه

اعتبره تحيز لهم

مهما قلنا ومهم عدنا نظل مهمشين

لا هيئه عليا نرجعلها
لا تجاوب مع احتياجاتنا
افقر الدول تجاوزت هالمشكله
دبي الي مالها 30 سنه من بدت تتطور
عدت هالشي وتفوقت فيه

وين انسانيتنا اذا للحين
نترجى المسؤولين ترجي تكفون التفتوا لنا

ترى عندنا اشياء كثير نقدمها بس ساعدونا

ما ابي قمة التكنولوجيا بخدمات هالفئه

كل الي ابيه ويبونه هم بعد
(سيارات خاصه تصرف لشباب مع سايق + خادمات للبنات + ترفع الاعانه من 800 ريال لشلل النصفي و 1500 لشلل الرباعي لمبلغ يفي بحتياجاتهم الضروريه ويكفيهم عن الحاجه لناس + مراكز تدريب وتأهيل لهم + اجبار القطاع الخاص على توظيفهم + معاقبة ارباب العمل اذا ثبت اي استغلال لأي معاق + مشاركة صندوق الموارد البشريه في رواتبهم + نبي مراكز تأهيل على مستوى عالي (اظن مايعجزن ينشئون مركز مثل مركز عبد اللطيف جميل بجده في كل محافظه قمه فالخدمات واحترافيه عاليه بس للأسف تكلفته عاليه )+ ساعات العمل والتقاعد ومراعات الاعاقات ونوعيتها وتأثيرها

من الاخر نبي حياه كريمه
اتعالج + امارس يومي + اشتغل واعول نفسي وانتج

كل مطالبنا محرر فيه قرارات واضحه وصريحه
لكن ماتفذ شي

في قرارات لها عشر سنوات صادره
واقرب قرار مانفذ له 8 سنوات

لمتى هالحال .,؟!

قسما بالله العلي العظيم

يجبرون الواحد يكره حياته ويكره المكان الي عايش فيه
على هالاسلوب

انهب يااخي بالعافيه عليك
حط ميزانيات ضخمه دبل , تربل
بس نفذ المطلوب منك على اكمل وجه واتهب الباقي محد قايلك لا

مشروع بمليون قل بسته نفذ المشروع بالمليون على اكمل وجه وانهب السته بالعافيه
بس نبي نشوف شي على ارض الواقع

لكن ينهبون كلش لا تنفيذ ولا حتى تجاوب

هذي اسمها (قلة حيا)

.,

[مصره على قراري]

واعاتب اخ

فيصل صباح الخير:)

وش هالعدوه

انا
وبعدين عايشه
والحين انت

اركد بارك الله فيك
انا اقلمت يومي على معلوماتك الصباحيه
مايصير تخرب جدول يومي فجئه :(

انا ضد قرار انسحابك من التدوين

وبما اني من متابعينك لازم تراعي هالاعتراض

والا << حط صيغة التهديد الي تخوفك اكثر شي :)))

[مصره على قراري]

واترك رساله للجميع

مستفزني وضع التذمر السائد من الدراسه والاختبارات
والدعاوي على الدكاتره والمواد
والجو العجيب ذا

كلمه للكل

(احمدوا ربكم على نعمة الدراسه وان ربي قدرلكم هالفرصه عشان تتعلمون وتوصلون للي تتمنونه
فعلا في ناس محرومه من هالنعمه بسبب وضعهم ومادياتهم او مرضهم لاسمح الله
يعني بكل لحظة تذمر تعدي عليكم المفروض تذكرون هالنعم الي بين يدينكم)

بالتوفيق لكم جميعا
والله لايضيعلكم تعب :))

[مصره على قراري]

كم موقف حصل معي باليومين الي فاتت وتعلمت منهم فعلا

اكتشف ولله الحمد اني في عز الازمات والدموع اقدر اقدم شي

مرت علي يومين غايه فالحزن بكيت لعشرين سنه قدام
ماعمري بكيت بهالحرقه الا يوم توفت امي الله يرحمها ويغفرلها

لكن الحمد الله الحمد الله اني قدرت اوصل لشي الي اطمح له

اني اتخلص من الانانيه واعطي واخدم الناس على اي حال

الي يجيك محتاج ما يقدر يأجل حاجته لحد ماتروق ويصير مزاجك اوك

بعز دموعي كنت اشتغل وكنت فعلا حابه اخدم وعطيت من قلب

يعني ماكنت مجبوره واتذمر


وسبحان الله

على قد ما سهلت للناس بعد توفيق الله

ربي سهل علي


فرحانه كثير اني وصلت لشي كنت ادعي ربي ليل ونهار اني اوصله

(اخدم الناس بطيبة خاطر وحب حتى لو بموت من داخلي)

ويارب لا تحرمني هالنعمه

فرحت الاشخاص الي نخدمهم ودعواتهم لنا

تسوى الدنيا ومافيها


^_^

[مصره على قراري]

عــائشـه .,

شاكره تجاوبك مع تدويتني

احبك الله الذي احببتني فيه وجمعني فيك بأعالي جنانه مع من نحب .,

الموضوع صعب فعلا لذالك رفض من الجميع

اللهم ارزقني وإياك والجميع الذريه التي ترفع قدرنا فالاخره بصلاحها


.,

ارتويك .,

انا احد ضحايا (عزوز)

اعانكم الله وعوضكم خير على صبركم
موفقين بأذن الله

..

[مصره على قراري]

يكفينا من المشاعر مايرجف القلب بسببها .,

فرحا كانت او خوفا

فهي تذهب بنا لابعد من حدود المألوف .,

[مصره على قراري]

نختلف فالاوضاع ولكن كلنا نوصف بـ( محتاجون)