تجمّـــــــــــــع طآلبآت المستوى الثآلث (انتسآب)..... الفصل الأول 2010 م

[cute*soso]

والله مادري ياقمر
بس اكثر الاسئلة على التخطيط

[لصمتي حكمة]

تسلمين عالرد ياعسل الله يوفقك ان شاء الله وتنجحين في كل المواد

[goglin]

عندي بعض الاستفسارات في رايتنق 1 وأتمنى منكم المساعدة 1) في الوحدة الثانية عن وصف رسمة اش نذاكر هل ممكن يجيبوا لنا صورة ونوصفها. 2) في الوحدة الرابعة اللي هي رسالة لصديق والسادسة القصة والثامنة الفيلم والتاسعة اللي شكلها عن قصة لصديق قهل نتبع فيها الطريقة اللي الأستاذة قالتها وهي اننا نسوي جملة فيها 3 أفكار ونشعب منها 3 تفاصيل. 3) في الوحدة الخامسة جزء من حياتك بيقولوا البنات ان الأستاذة قالت لازم تكتبوا عن جزء فقط واللي بتكتب عن حياتها كلها تتأكد من رسوبها وفي الكتاب كاتبين عنها من يوم كانت طفلة الين توظفت يعني مدري اش الصح وكاتبين عن خط الحياة يعني الحدث ومشاعرنا معاه والأستاذة بتقول 3 أفكار و3 تفاصيل كيف تجي. 4)ياليت تقولون لي الوحدة التاسعة اش تفرق عن الأولى والعاشرة كيف نسوي المقارنة هل في براجرافين ورى بعض أو لا. واللي عن الفيلم أحسها مرةصعبة مدري اش تبغى فيها. الله يوفق اللي تفيدني والله اني في حوسة لايعلمها الا الله

[my-nana]

بنات نزلت درجات الفرنسي شعبه 3 الحمد لله كويسه هيا باركووووووووووووووولي

[MIMU]

ااااه واخيرا رجع المنتدى , من امس وانا احاول ادخل مو راضي !!!!!

ااااخ والله يابنات مررررة خايفة !!!

اختبار الادارة ما حضرته والله كنت مررررررررررررررررة تعبانة , الحمدلله انا دحين كويسة بس برضه راسي شوية يعورني .....والله مرة كنت مصدعة حتى عيوني ما قدرت افتحها t-t
بس الحمدلله على كل حال ^____^

والله يوفقنا في الليسيننغ ^___^

[NeeiNaaB]

مرحبا
كيف حالكم
ان شاء الله تكونوا بخير
كنت بي اسالكم دلحين انا ارسلت الايميل عشان الشكوى بالريدينج لمدير الكلية ولعميد الكلية ولايميل الشكاوي ولعميدة الكلية ولمديرة الكلية
وبدي اعرف وين حيردوا عليا على ايميلي العادي ولا ايميل حسابي الجامعي؟؟؟؟؟؟؟؟؟؟؟

[ام حمدان]

المشاركة الأصلية كتبت بواسطة لصمتي حكمة كيفكم بنات مع المذاكره ماشاء الله مبروك اللي خلصوا الاداره انا عني اختبارها مع اللسنينق في نفس اليوم بس عاادي على قد الظروف اليومين هذي كانت نفسيتي مييح من الريدينق لكن ربي سهلها في الفرنسي وجبت 96 الحمدلله والله لوتشوفوني اول ماشفتها جلست متنحه مومصدقه نفسي بس الحمدلله لاني ذاكرت واحس اني حليت الله يستر من الريدينق والله مررره شايله همه مدري كيف يتذاكر قلبي يقولي انهم عاملين فينا مقلب وراح يعطونا تمارين مدري ليه من بعد الريدنق ماصرت اثق في احد البنات اللي اختبروا الاداره الاختبار جا من التحديد اللي كان موجود في التجمع اللي وحده نزلته الله يجزاها خير ولا طلع منه

الف مبروووك حبيبتي عالفرنسي والله يعوضنا عن صدمة الريدنق
كلنا فالهوا سوا فالرايتنق خايفين يسون فينا مثل الريدنق الله يستر منهم ويسهله علينا جميع

اختبار الادراة كل استاذة حطت لطالباتها الاسئلة عشان كذا في تباين في الحذف ممكن اشياء في شعبتك استاذتكم قالت محذوف ويكون عند غيركم مو محذوف فتأكدي من بنات شعبتك افضل
والله يسهل عليكم عن نفسي الاسئلة صدعت منها شوي لانها دقيقه وطلعت بعد ماخلصت حل لاني خفت اغير رايي في الاجابات واخبص بس بشكل عام كانت حلوه ويارب نجيب فيها درجات حلوه تعوض خسارتنا في الريدنق

موفقة ياعزيزتي

[ام حمدان]

المشاركة الأصلية كتبت بواسطة new student يابنااااات الاداره مرررره صعب بعد ماذاكرت فتحت نماذج الاختبار وجلست اراااجع ماعرفت اجاوب على شي ومني عارفه ادور على الاجابه مو لقياتهاحانجنننن منه :(

اكتشفت ان نموذج الاسئلة لهاني عرب
هو ماشي عالمنهج القديم عشان كذا ماعرفنا نحل معظمة
بس الامتحان اهل منه بكثير يعني لا تعملون لهالنموذج اي اهميه

موفقين

[ام حمدان]

المشاركة الأصلية كتبت بواسطة neeinaab مرحبا كيف حالكم ان شاء الله تكونوا بخير كنت بي اسالكم دلحين انا ارسلت الايميل عشان الشكوى بالريدينج لمدير الكلية ولعميد الكلية ولايميل الشكاوي ولعميدة الكلية ولمديرة الكلية وبدي اعرف وين حيردوا عليا على ايميلي العادي ولا ايميل حسابي الجامعي؟؟؟؟؟؟؟؟؟؟؟

ماادري ماحس انه بيتجاوبون معنا
بس رداً على سؤالك انا سبق وراسلت رئيس قسم اللغات محمد الغامدي والعميد عبدالفتاح مشاط استفسر منهم عن امور خاصة فيني وكلهم ردوا علي على ايميلي العادي اصلاً ماعندي ايميل جامعي

موفقه واتمنى نطلع بفايدة من ذي الشكاوي

[ام حمدان]

المشاركة الأصلية كتبت بواسطة my-nana بنات نزلت درجات الفرنسي شعبه 3 الحمد لله كويسه هيا باركووووووووووووووولي

مبروووووووووك حبيبتي الله عوضك بالفرنسي وعقبال البقية يارب
موفقة ياعزيزتي