جميع آلإستفسآرآت هنآ..~

[h rose]

هل الدراسة في قسم التصميم الداخلي باللغة النجليزية؟
و شكرا

[إبتسآمه أمل]

اول شي السلام عليكم ورحمة الله وبركاته

وثاني شي يعني ليش الكل يدخل معصب ؟! حتى ولا أحد في اللي قبلي سلم

وثالث شي في شي بخاطري ودي أقوله

الناس إللي يقولون بـ أني منزلة جدولي هنا وأنا معاهم بـ كل المواد والناس اللي تسأل مين أنا بـ الكلية وكلام ثاني ممكن أعرف وين نزلت جدولي هنا ؟!

مو تقولون هذي إنسانة مغرورة ومتكبرة وكلام زي كذا بس أنا إنسانة مو حابة أن الناس تعرفني بـ أني أنا إبتسآمه أمل إللي بـ المنتدى !!

يعني إللي أعرفهم أعرفهم ع أساس أنا ع الواقع مو إبتسآمه أمل ،، ومن الآخر مو حابة أحد يعرف مين أنا وأتوقع هذا الشي من حقي

الموهيم نبدأ بـ P!nkberry

كنت حابة اسال في شئ اسمه تصميم مجوهرات ولا ؟ وهل له مستقبل ؟ وانا مسار ادبي ينفع ادخله ولا ؟؟ وكم سنة ادرس فيه ؟؟

أهلاً بينك بيري ؛

والله ما سمعت بـ هذا الشي بـ كليتنا إللي أعرفه تصميم أزياء وتصميم داخلي أما مجوهرات ما أعتقد أبد

بـ التوفيق ,,

[إبتسآمه أمل]

بنات الرسم والفنون اكيد الكل شايف الاوراق اللي معلقه ف كل مكان بضرورة مراجعة الشوون عند استاذه ناديه , رحتلها يوم الاربعاء واعطتني ورقة قالت اشري بعلامة صح عند المواد اللي درستيها ولما خلصت راحت هي اشرتلي على المواد اللي تبيني اخذها السمستر الجاي وابدا ماتبيني اناقشها , سؤالي هل يحقلها ذا الشي ؟ ووين الحذف والاضافه اللي من حقي كطالبه

أهلاً وديان ؛

صحيح أنا مو رسم وفنون بس نفس الشي عانينا منه مع الحركة الجديدة اللي سووها

حذفوا لنا مستوى كامل !! يعني ترم زاد عندنا بـ الخطة !! ولما أتكلمنا قالوا أوك وين المشكلة خذوا ترم زيادة !! لكن إن شاء الله ما يصير هالشي ونمشي تمام :)

ما يحق لها بس يعني إذا كنتِ ما بـ تتأخرين بـ التخرج خلاص يكون تمام ،، وإذا كان لا اتكلمي والله يكون بـ عونك

بـ التوفيق ,,

[إبتسآمه أمل]

بنات متى موعد التقديم في اختبار قبول تخصص تصميم داخلي ؟ في كليه الرحاب ؟

أهلاً أختي ؛

والله ما أعرف مافي شي بـ الكلية عنه ،، بس أتوقع بـ يكون بداية السنة الجديدة بـ الترم الأول

انا تخصصي علم اجتماع و ابغى احول لتخصص تصميم داخلي فهمت اني ماقدر اقدم ع اختبار قبول تخصص تصميم داخلي لانه بس للمستجدات مادري انا فهمت كذا من البحث في قوقل /: ولا الي فهمته غلط لاني ابغى احول من تخصصي لتخصص تصميم داخلي يعني اقدر اقدم في اختبار قبول التخصص في بدايه السنه ؟ بدون ماعمل تحويل من كليه الى كليه يعني بس اقدم ع الاختبار و انتظر موعد الاختبار بشكل عادي و لمن اختبر و ان شاء الله يارب انقبل ، يصير وقتها اعمل تحويل صح ؟ و لا كيف بالضبط ياليت يابنات تفهموني /: انا طالبه في كليه السيلمانيه وابغى احول ع الرحاب

بما أنك بـ السليمانية اسالي عندك الشؤون وأكيد بـ يفيدونك

لا تسمعين كلام قوقل وتضيعين نفسك ،، اسألي عندك وإن شاء الله تحصلين جواب

ما عندي اي خلفية والله عن موضوعك لـ الأسف :(

ابتسامه امل ياليت ترديلي قبل لا اقدم على اختبار قبول تخصص تصميم داخلي لازم اروح اعبي ورقه على الرغبه التخصص الي ابغاه ؟ انه اكتب التخصص الحالي و اكتب التخصص الي ارغب فيه لتحويل ؟ و لا مو لازم اعمل ذا الا بعد الاختبار اذا اشوف اني انقبلت او لا ؟ ياليت تساعديني بردك واذا لازم اروح اعبي ورقه متى اروح اكتب البيانات في الورقه ؟ في بدايه السنه و لا عادي دحين ؟ و فين اروح عشان اعبي ذي الورقه ؟ عند الشؤون ؟

والله يَ الغلا ما أعرف شي عن التحويل لأني ما مريت فيه ،، ولا بـ أفتي لك من راسي وأضيعك

اسألي عندك الشؤون وأكيد بـ تحصلين جواب ،، وياليت تسألين من بدري عشان تعرفين إنتِ إيش مكانك بـ السنة الجاية

لازم اروح لعماده القبول و التسجيل ، اطلب تحويل من كليه السيلمانيه لكليه الرحاب و اكتب الرغبه ؟ قبل لا اقدم ع اختبار قبول تخصص تصميم داخلي ؟ يليت يا ابتسامه امل ترديلي قبل لا اقدم ع الاختبار قبول التخصص في بدايه السنه ابغى اخذ فكرا قبل كل شيء و اذا لازم اروح للعماده القبول و التسجيل قبل اقدم ع الاختبار و اطلب تحويل يصير دحين اروح للعماده ؟ و لا في بدايه السنه اطلب تحويل ؟

ماااا أقدر أفيدك بـ شي ،، اسألي ،، هذا مستقبلك ما بضيعك بـ إجابة من راسي

وبـ النسبة لـ الإختبار يكون بداية السنة بس التحويل هو اللي اسألي متى تقدمين أوراقك أو من وين تطلبينه ،، من العمادة أو الشؤون أو الأودس

وكمان اسألي أنك طالبة محولة فـ الإختبار يشملك أو لا ؟!

ربي يختار لك اللي فيه الخير وييسر أمورك ,,

بـ التوفيق لك ,,

[إبتسآمه أمل]

إن شاء الله بإذن الله اتخصص تصميم داخلي بس عندي كم سؤال : معدلي إن شاء الله تقريبا حيكون 4.50 * هل لازم اختبر الاختبار اللي بتتكلمو عنو .؟ مهاراتي ف الرسم مو مرا جيدة .. * يعني ممكن ما انقبل لدا الشي .؟! احس مرا ظلم يقبلو 30 طالبة بس ><" ! أنا بحاول اتدرب ف الاجازة وكيدا واذا قدرت إن شاء الله أدخل دورة =) ف اللي يدرسو بدا القسم .. ممكن تعطونا نبذة، كيف القسم .؟ صعب .؟ أحد ندم انو دخلو .؟! وتحسو له مستقبل وظيفي .؟ عذراً لكثرة الأسئلة بس جداً محتارة ! أهلي يقولولي مالو مستقبل .. يبغوني أدخل تربية خاصة التربية الخاصة أحسها صعبة جداً يبغالها صبر =") أخاف ادخل التصميم الداخلي وأندم بعدين يقولولي انتي ماسمعتي كلامنا ! بس دا هوا ميولي ! احترت t.t

أهلاً بي ون أي فور <<مافيني أحول الكيبورد إنجليزي

ما شاء الله معدلك حلو ربي يوفقك

لـ الأسف الكل يدخل الإختبار من معدل 3 لحد مالا نهاية :(

بس يعني هم صحيح يحطون بـ عين الإعتبار الرسم وكذا ،، بس أغلب إللي معدلاتهم مثلك ينقبلون بـ إذن الله

لأنهم يحطون المعدل بـ عين الإعتبار برضو

ولـ الأسف على دفعتي قبلوا 30 طالبة وكمان أتوقع زادوا بس 3 أو وحده يعني 33 بـ التمام

وبـ النسبة لمهاراتك بـ الرسم بـ إذن الله حتتمرن يدك ع الرسم بـ أول ترم ،، فيه بنات أعرفهم دخلوا وهم ما يعرفون بـ الرسم شي ويكرهونه ودحين بسم الله ما شاء الله أبدعوا فيه

وبـ النسبة لـ القسم

أول شي إذا كنتِ تحبيه فـ هو ممتع بـ كل مافي الكلمة من معنى ،، صحيح تتعبين بـ الرسم والتعديل والتصميم وتجلسين بـ الساعات ع أشياء بسيطة بس بـ النهاية تبتسمين لـ اللي سويتيه وتحسينه إنجاز وتنسين تعبك

طبعاً القسم نظري وعملي ،، الدراسة بـ اللغة العربية وفيه مصطلحات بسيطة بـ الإنجليزي بـ تتعودين عليها مع الأيام ومع التكرار ومو إجباري تكونين حافظاها ،، يعني مجرد زيادة خبرة ومعلومات

القسم رسم حر ،، تصميم يدوي وحاسوب ،، رسم هندسي ،، تلوين بـ إلوان متعددة ،، خامات

طلباته مو مره مكلفة أهم شي خلي جرير آخر الحلول ،، بس أنها كثيرة ،، يعني حـ تصيرين صديقة لـ المكاتب وأماكن الأثاث ومواقعها ع النت

مو صعب ،، أهم شي خليك على إطلاع بـ التصاميم الحديثة ،، وكمان نصيحة مني لك ولـ الكل ،، حاولي قد ما تقدري تدخلين ع مواقع الأثاث وأفكار التصميم

أول شي بـ يصير عندك دافع لـ التطبيق وثاني شي بـ تشبعين عينك وفكرك بـ الأفكار

له مستقبل أكيد بـ إذن الله ،، خصوصاً أن القسم جديد ودايم فيه تجديد وتنويع وله طلبية كبيرة بـ سوق العمل

بـ إذن الله ما بـ تندمين إذا كنتِ حاباه ،، وأهلك حاولي تقنعيهم ومن ناحية المستقبل بـ الأول والأخير هو بـ يد الله ،، بس هو له مستقبل كبير

استخيري ،، وإللي فيه الخير ربي ييسره لك ويرضيك به

بـ التوفيق ,,

[إبتسآمه أمل]

هل الدراسة في قسم التصميم الداخلي باللغة النجليزية؟ و شكرا

أهلاً ؛

الدراسة بـ اللغة العربية ومثل ما قلت قبل مجرد مصطلحات بسيييطة بـ الانجليزي ،، ومو مجبورة تحفظيها ،، ومع التكرار بـ تحصلين نفسك تقولينها

العفو + بـ التوفيق ,,

[fatema ayman]

-


لوسمحتو ازا عندكم فكرة فين ممكن الاقي دورات لتصميم الداخلي
عشان انو يكون عندي خلفية للاختبار وتكون قبل شهر شوال
وشكرا مقدماً <3

[بآسمة]

السلام عليكم ،


أنا حابة أدخل قسم تصميم داخلي < ويارب الله يسهل .
المهم ألحين أنا في الثانوي كم لازم يكون معدلي في الثانوي و اختبار القدرات و اختبار التحصيلي ؟؟!
عشان يقبلوني في هذا القسم أو في الجامعة يعني ؟! ،


وشكرا جميعا

[sho--sho]

السلام عليكم ^.^

صباحكم سعاده يارب ... عندي كم سؤال اللي تعرف شي ياليت ماتبخل علي

1\ متى يفتح قسم الجرافيك ؟؟ واذا ماتعرفون وين ممكن اسأل عنه ؟؟ سألت بحساب التويتر الخاص بالكليه وماردوا !!
2\ انا طالبة انتساب تحضيري باذن الله رح احول انتظام !! اذا انقبلت ان شاءالله ,بيحطوني بكلية الاداب بفرع الفيصليه .. السؤال اقدر ادرس ترم بعدين احول ؟؟ والا ادرس سنه كامله ؟
3\ قسم التصميم الداخلي يقبلون المسار الاداري ؟؟

و و و و .... بس , شكرا مقدما للي ترد

[Eng_sara a7mad]

^^^

وعليكم السلام والرحمه

وصباحك عسل ^^
اسآلي واحنا بخدمتكم نجاوبكم باللي نعرفه

1- قسم الجرافيك بآول سنه تخصص لنا وهما يقولو لنا السنه الجايه بيفتح للاسف ماعندنا معلومه اكيده متى راح يفتح

2- ان شاءالله .. ايوا تقدري بعد ماتتخصصي بترم تحولي بس انتي خليكي ذكيه واستفيدي من الترم عشان مايضيع عليك يعني خذي المواد العامه الثقافات والعربي ..

3- ايوا يقبلو مسار اداري الى الان مانعرف ايش راح يصير بعدين

العفو حبيبتي وان شاءالله اكون افدتك

بالتوفيق .."