هنا نقهر الستيب معـا - (متجدد)

[تفـــاؤل]

تبارك الرحمن,وربي انكم تبردون القلب الله يسعدكم

يا حلوين عندي استشارة أو تقولو سؤال
أنا مرة ولا شي بالانجلش يعني عندي مستوى اول فقط
يبغالي أحسن أخذ دورات بعدين أفكر أختبر صح؟

الدورات اللي بديل التوفل اتلغت من الآداب ولا شو؟


وجزاكم الله خيرا

[بنت جدة المنكوبة]

إدخلي ستيب وجربي حظك

[تفـــاؤل]

أنا دخلت الاختبار اللي في الجامعة بس ما عديت, لكن هوا زيه ولا أهون؟

ممكن سؤال أختي بنت جدة..
والمعهد البريطاني كيف بما انك درستي فيه؟لأني محتارة بينه وبين بيرلتس؟


وشاكرة ومقدرة لك و للجميع

[leenah2010]

تفاؤل، ويسعدك ربي، نورتينا بمرورك..
قبل كل شيء حبيبتي اطلبي الخيرة من الله سبحانه،،
وبما أنك دخلتي اختبار قبل ولا عديتي، وعلى قولك مستواك مو مرة،
فأفضل لك تقوي نفسك بمعهد أو بدورة الانجليزي في الجامعة..
إذا الدورة مناسبة لك من كل النواحي اتوكلي على الله وسجلي فيها..
اتصفحي المنتدى وشوفي اش يقولوا عن الدورة، وإذا لقيت معلومات
زيادة عنها أجيبها لك إن شاء الله..
بالتوفيق..

[leenah2010]

* مشاركة مهمة جدا، وهي تجربة الأخت m!ss bioc.r عن اختبار ستيب الماضي، ضروري تقرأوها *

المشاركة الأصلية كتبت بواسطة m!ss bioc.r خبرتي بالنسبة لاختبار الكفايات اول شي سجلت وسددت .. ( زي ما شرحت الاخت شواطئ ) بعدين جا وقت المذاكرة والاستعداد طبعا في البداية تحسين انك تايهه .. بس لما عرفت ان موقع القياس حاطين ايش المناهج اللي نذاكرها رتبت نفسي وافكاري الاختبار ما يخرج عن هذول verb tense ( including irregular verb forms, the conditional , passive/active voice, reported speech, and modals(. • subject/verb agreement. • correct use of adjectives, adverbs, definite/indefinite articles, prepositions, clauses/phrases, gerunds/infinitives, count and non-count nouns. المهم .. مسكت شي شي وذاكرته من مواقع الانقلش في النت وحاولت استوعبها خلصت مذاكرة وجا يوم الاختبار اخذت معاي بطاقة الاحوال ورقم الاشتراك جلسنا في القاعات .. حاولو تكونو في الوسط او الامام عشان تسمعو كويس المهم اول شي وزعو علينا مراسيم ودفتر الاختبار وعبينا البيانات في اول الصفحه الاسم الرباعي - رقم الجوال - رقم بطاقة الاحوال - رقم الاشتراك - الجهه التعليمية اشياء زي كذا بدين شغلو شاشة فيها التعليمات يمكن 10 دقايق وبعدها بدا الاختبار هوا 6 اجزاء اول جزء- استماع بستقريبا 35 فقره من الثاني للسادس - قطعتين في كل جزء + كذا فقرة قرامر + فقره او 2 تحليل الكلمات نصيحه في الاستماع 1/ اكتبي اللي سمعتيه في الورقة خليكي ماشيه معاه حبة حبة .. ولا تشتتين افكارك 2/ لا تقرين الاجابات ابدا الا بعد ما تخلص المحادثه اذا وصلتي الجزء الثاني للسادس 1/ او شي خلصي القرامر بعدين ابدائي في القطع 2/ القطع اقريها بعيونك اول سريع سريع .. بعدين ابداءي سؤال سؤال وارجعي للقطعه عشان تحلينها طبعا قبل كل هذا استغفري واقراي قران واية الكرسي واهم شي صلي قبل الاختبار وانتي في القاعه صدقيني ربي حيساعدك والله يسهل عليكم

[بنت جدة المنكوبة]

حبيبتي لينا ممكن تترجمي هادي الدروس بالعربي
verb tense ( including irregular verb forms, the conditional , passive/active voice, reported speech, and modals(.

• subject/verb agreement.

• correct use of adjectives, adverbs, definite/indefinite articles,

prepositions, clauses/phrases, gerunds/infinitives, count and non-count nouns.
إلي بالأحمر أناعارفة معانيهم
بس إلي بالأسود إيش هم

[بنت جدة المنكوبة]

أبغى أسألك إلي اختبر ستيب هل السئلة جات تقريبا بنفس مستوى الأسئلة الي نموذج حق القياس في الإصدارات والنشرات لأن أحسو سهل

بس الملفين الثانينن إلي فيهم قواعد +جزء اللغويات أحس قواعدها صعبة

[تفـــاؤل]

تسلمي,,
لكن الدورة سمعت انها فقط للي انقبلو وما تحقق فيهم شرط اللغة في الاداب,,

جزاك الله خيرا, وما قصرتي
الله يوفقنا جميعا يا رب.

[عبير11]

لينا وبنت جدة وenglish teachear
دعواتي لكم بالتوفيق يارب

[leenah2010]

بنت جدة، لي عودة بعدين، لكن ابدأي البحث والقراءة..
تفـــاؤل، أها على بالي إنك مقبولة..
يصير ما عندك إلا المعاهد، الله يكتب لك ما فيه الخير،
وبحول الله نشوفك من المقبولين المرة القادمة ونبارك لك..
عبير11، يا حبي لك.. وإياك إن شاء الله، الله يجزاك خير على مرورك ودعواتك..