بنات أسئلتكم عن مواد , أستاذات , أماكن تدريب ... إلخ

[× m e m e ×]

المشاركة الأصلية كتبت بواسطة تونيا أنا رايي

المشاركة الأصلية كتبت بواسطة تونيا نوع اجتماعي تخطيط استثمار ثقافه ادارة عمليات ماده حره أو اختياريه ادارة اعمال دوليه مو وقتها (أنا خليتها في الترم ماقبل الأخير) دراسات معاصره قليله بس تعدادها كثير ومتعبه (رأي طلبة موارد) واقتصاد كلي اشوف ماله داعي مع استثمار, وادرة عمليات اهم منه ولو تفكري ماده أساسيه بداله وتكون حفظ (هذا لو تبغي يكون عندك 7 مواد )

شكرا ع مساعدتك جزاكـِ الله كل خير

بس انا في بالي انتي اتخرج بسرعه وخايفه من السنترا يلحقنا ><

غير كدا انا اميل للفهم اكتر من الحفظ ,, ومعدلي 2,75 ونفسي ارفعه .. وعدد ساعاتي اللي خلصتها 58 ساعه يعني لسى بقيلي كتير

ياليت تساعدوني في ترتيب جدولي الله يفرج همكم يارب

وبما انكم اخذتوا دي المواد يعني ياليت تفيدوني بخبرتكم عنها

لانو انا الترم اللي فات اخذت تسويق وموارد بشريه وجبت فيهم درجات سيئه مع اني داكرتهم

ومالية شركات وتقافه اخذت فيها درجات حلوه

وانا احس انو عادي لو اخذت اقتصاد كلي دامه سهل وادارة عمليات .. ادا كانو سهلين وواضحين وعند استاذات كويسات زي مالية شركات مع سحر

[تونيا]

صادقه والله (الجامعه كل ثانيه نظام)

خلاص خذي اقتصاد طالما تحبي الفهم وتراها مرررررررررررررررررررررررره تافهه

أما إدارة عمليات لو مع خديجه ضباب والله راح تضحكي من حاجه تسوي للأسئله نسخ لصق كل ترم


وهديه مني راح أعطيكي كتاب ادارة عمليات أشرت الأسئله كلها , وصحبتي العام قالت هذا خليه وقف هههههههههه

وصدقيني نفس الأسئله راح تجي , والأحلى المسائل زي ماذكرت صحبتك 3 وسهله (قصدي تااااااااااافهه)

وتجيبها طبق الأصل بأرقامها وكل فتافيتها (الله يسعدها من استاذه)

وبالتوفيق ميمي

[× m e m e ×]

المشاركة الأصلية كتبت بواسطة تونيا صادقه والله (الجامعه كل ثانيه نظام) خلاص خذي اقتصاد طالما تحبي الفهم وتراها مرررررررررررررررررررررررره تافهه أما إدارة عمليات لو مع خديجه ضباب والله راح تضحكي من حاجه تسوي للأسئله نسخ لصق كل ترم وهديه مني راح أعطيكي كتاب ادارة عمليات أشرت الأسئله كلها , وصحبتي العام قالت هذا خليه وقف هههههههههه وصدقيني نفس الأسئله راح تجي , والأحلى المسائل زي ماذكرت صحبتك 3 وسهله (قصدي تااااااااااافهه) وتجيبها طبق الأصل بأرقامها وكل فتافيتها (الله يسعدها من استاذه) وبالتوفيق ميمي

مررررررره شكرا ريحتيني الله يسسعدك يارب

طيب كيف اوصلك عشان اخد الكتاب

الله يفرج همك يااارب ويسعدك في الدارين انتي وحلم عمري وكل البنات يارب ^_^

[تونيا]

والله مادري

هو الأكيد أيام الدوره وأكيدين كمان (ولا تخافي لأنه الكتاب مأشر من سلايدات الأستاذه )

لكن أحاول الأسبوع الجاي ما أوعدك


وتسلمي على دعواتك والله أسعدتني كثير لكي مثلها يارب

[تونيا]

شوفي انتوا أخواتي وراح احكي بالتفصيل وبكل صراحه

في إدارة خدمات صحيه جبت 100

في الإختبار الدكتوره غششت الكل , جيت أسالها سؤال قالت ايوه صح كملي كملي

وشوفي البنات استلموها
وفوق كده تزود 6 درجات
مين الدكتوره (نرفانا وبس )
أما إداره عامه أخذت 98 وما أقدر أقول سهله وما أقدر اقول صعبه
أخذناها الترم الي راح عند استاذه سناء وذاكرناها من سلايداتها
الأسئله فيها تقريباً 9 أسئله من برا الملزمه لانه كانوا يعطوها أستاذتين غير سناء

المهم استاذه سناء زودتنا لأنه مالنا ذنب
بس بصراحه جلسنا على اعصابنا واستلمناها ايميلات

أنا أرسلت ايميل الي يقراه يضحك (أنواع الشحته فيه ههههههههههههههه)

والله وردت نفس اليوم وقالت درجتك 91 ويمكن أزيدك , لسه ماقررت حسب الرسوب وحسب الأغلبيه أشوف إذا أزيد او لا

وانا رجعت ارسل ايميل ثاني الي يقراه يبكي (أنواع البؤس والمصايب والألم ) مصره أجيب +a

وآخر شي أرسلت ساعديني بس لأني تخرج

وأنا كمان يدي انجرحت قبل الامتحان بيوم وهيا شافتها يوم الإمتحان

المهم ارسلت خليني يا استاذه لما اشوف جرحي أفرح (مره فايقه صح؟)


المهم في الأخير فعلاً زودتنا

ومادري في من صحباتي زعلوا منها وقالوا أسئلتها فيها غموض والأسئله الزياده خلتنا نلخبط في الي نعرفه والي ما نعرفه


وبس

آسفه على الإطاله , لأني أنا احب احكي بالتفصيل , عشان ما أخلي مجال لسؤال أو استفسار


وتختاروا بعدها بكل سهوله


أما مادري ايش أخترلك ( عينين في راس )

بس عشان لا أردك ادارة خدمات صحيه (لأنها مضمونه من ناحية الأسئله والزياده)

[تونيا]

أنا كمان أخذتها سنترا

بس ياليت استاذه سناء تعطيها لوحدها لانه كل استاذه تجيب اسئلتها من مكان وما يتفقوا

والبنات الضحيه

بس استاذه سناء تزود وانتي كمان خليها تحفظك

والباقي يهون

وترى الملزمه مره قليله وكلامها معروف من زمان

صميها صم ودرجتك بتكون حلوه ان شاء الله والزياده في الاسئله يقابلها زياده في الدرجات

ولو انك شاطره احكي لاستاذه سناء حكايتي هذي وقوليلها خايفين تجيبوا من برا زي الترم الي راح

عشان تتعاطف معاكم وتتوصى من بدري فيكم

خذي اداره وبس مع سناء باناجه

[همس الغلا]

بناات حبيت اخذ رايكم بجدولي ...بس محتارة بالمواد الاختيارية ..؟ بالنسبة للجدول
ادارة اعمال دولية
ادارة استراتيجية
مالية دولية
ثقافة اسلامية 3
بحوث عمليات
نوع الاجتماعي
وحابة اضيف مادة اختيارية ,, بس محتاررة ممكن ترشحولي ماادة سهللة وتكون مجربتها ..محتارة بين النظام السعودي ومبادئ العلوم السياسية واخلاقياات العمل واذا في موااد غيرهاا مافي مانع .,ولا تنصحوني اضيف ادارة مشاريع صغيرة واجل الاختيارية للترم الجاي ؟؟, بلييز ساعدوني ابي اضيف المادة قبل لاتتقفل الشعب ... ومشكوررين

[حلم عمري]

^

أخلاقيات عمل ماانصحك ابدا لأنها ساعتين ولا إذا على سهله هيا سهله على كلام بنات إداره عامه

البنات يمدحو نظام سياسي وعلوم سياسيه انا ماجربتهم ويمكن مااجربهم لأنهم اتوقع دحين اغلب الشعب سنترا إذا لقيت وحده فيهم مو سنترا ممكن اخذها

أنا اقول سيبي ادارة مشاريع صغيره وخذي ماده إختياريه افضل

[تونيا]

النظام السعودي أسهل من العلوم السياسيه (مع اني احب العكس)

ولا تضيفي مشاريع أجليها للترم الجاي لانه راح يكثر عليكي الحفظ , أما النظام صحيح حفظ بس أخف من مشاريع

الله يجعل الخيره في جدولك

بعد ماتختاروا قولوا

(اللهم خرلي واخترلي ولا تكلني الى نفسي طرفة عين )

[همس الغلا]

حلم عمري وتونيا مشكوررين بالنسبة لاخلاقيات العمل مو مشكلة الساعات لان عندي ساعتين زيادة فما راح يأثر في الساعات بس حابة اعرف الاسهل بينهم النظام السعودي ولا اخلاقيات العمل ... والله يسعدكم