أربع مراحل للحصول على مقاعد دراسية بجامعة الملك عبدالعزيز

[Meeno Smart]

دحين انا طبعت الاستماره خلاص بس ماطلعتلي النماذج

وشكلهم مايبغوها لأنو مو مكتووب ف الاستماره انو نجيبها ولا؟؟

وهما طالبين صورتين للطالبه لازم تكون جديده ولا عاادي؟؟

[بحر الحرية]

المشاركة الأصلية كتبت بواسطة meeno smart دحين انا طبعت الاستماره خلاص بس ماطلعتلي النماذج وشكلهم مايبغوها لأنو مو مكتووب ف الاستماره انو نجيبها ولا؟؟ وهما طالبين صورتين للطالبه لازم تكون جديده ولا عاادي؟؟

أهلين أختي..
الشي اللي مو مطلوب منك وما حطوه ما حيطالبوكي فيه..

يعني بالعربي الأوراق اللي طلبوها منك هياا اللي تجيبيها وبس..

وبالنسبة للصور، أهم شي تكون واضحة مو متصورتها يوم كان عمرك 11 سنه

عشان البطاقة الجامعية، يعني لو واضح انوو انتي اهم شي ..

ألف مبرووك والله يوفقك ياارب؛؛

[روح آلورد]

وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة

تحطمت><
نسبتي الموزونه 73.04

[بحر الحرية]

المشاركة الأصلية كتبت بواسطة روح آلورد وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة تحطمت>< نسبتي الموزونه 73.04

أهلين أختي..

لا تتحطمي ولا شي، بالعكس اللي فيه خيرك ربنا كتبه ليكي، واختاري البرامج التانية اللي رشحوكي عليها، واعرفي انوو داا الخير اللي ربنا يبغاه لكي خيتوو.. وبالعكس انبسطي وافرحي وعيشي سعيدة

الله يسهلك عليكي ياارب ويختاارلك اللي فيه الخير؛؛

[سابينا]

متى يبدا استلام الملفات من الطلبة والطالبات المقبولين,,
والف مبررررررووووووووك للمقبولين ,,

[بحر الحرية]

المشاركة الأصلية كتبت بواسطة سابينا متى يبدا استلام الملفات من الطلبة والطالبات المقبولين,, والف مبررررررووووووووك للمقبولين ,,

أهلين أختي..
الجامعة تعطلي لكل طالب وطالبة موعد معين ويختلف من شخص لشخص،
لكن رااح يبدؤواا الاستلام من يوم السبت أعتقد 12/ 8 إلى 22/8

ولو تفتحي التقويم الجامعي وتتأكدي يكون أحسن.. لأنو الموقع معلق عندي..

موفقة؛؛

[نفسي اتحول انتظام]

ياجماعه الخير اختي لخبطت في السنه حطت سنه 1430 ومفروض تحط 1431 وش تسوووووووووي

[بحر الحرية]

المشاركة الأصلية كتبت بواسطة نفسي اتحول انتظام ياجماعه الخير اختي لخبطت في السنه حطت سنه 1430 ومفروض تحط 1431 وش تسوووووووووي

أهلين أختي..
لو ركزتي شوية، ترى جاوبت على سؤالك داا لطالبات كتيييير

1430هـ هي السنة المزبوطة ف الاختيار، يعني اللي عملتوو أختك صح.. وما لخبطت ف شي

موفقين يااارب؛؛

[رقة الورد]

أبغى أسأل لو سجلت أختي انتساب الآن ونسبتها الموزونة 75.54 وطلع فية فرز ثاني يروح عليها الإنتظام؟؟؟
وكم رسوم التأهيلي؟

[optimist]

اختي متخرجه علمي بمعدل موزون 75٪ وطلع بعد تاكيد الطلب
وفقاا للمعاير الاكاديميه للمفاضله التي اعتمدتها مجلس الجامعه فانه يمكنك اعاده الترشيح في احد البرامج التاليه في حاله وجود اماكن شاغره..... الانتساب والتعليم عن بعد وبعض البرامج
بس مافي السنه التحضيريه الانتقالي والتاهيلي

ايش قصدهم بده الكلام وليه ماحطولنا من ضمن الاختيارات الانتقالي والتاهيلي ؟؟؟ دوخت وانا ادور بموقع الجامعه عن طريق التسجيل يعطوني نفس الرابط الي مسجلين فيه