ثقافة المنظمة pad422 ( كل مايخصها بالتفاصيل ) 1433 صيفي

[majed111]

اخواني نموذج ب اللي عنده او متذكرة ينزله هنا عشان نساعدكم ونحله او يتذكر اسئلته كيف ؟؟؟؟ عشان الاخوان اللي بعدنا ان شاء الله يستفيدون منه انا اتوقع انه نفس أ تقريبا والله اعلم ؟؟؟؟؟؟؟

[ابو هاجوس]

المشاركة الأصلية كتبت بواسطة majed111 اخواني نموذج ب اللي عنده او متذكرة ينزله هنا عشان نساعدكم ونحله او يتذكر اسئلته كيف ؟؟؟؟ عشان الاخوان اللي بعدنا ان شاء الله يستفيدون منه انا اتوقع انه نفس أ تقريبا والله اعلم ؟؟؟؟؟؟؟

للاسف يا عيوني مو نفس ( أ )
فيه اختلاف كبير عن نموذج الترم اللي راح اللي حليته انت ياماجد .

[محمد بدر]

الله يوفقك ويسعدك أخوي ماجد ويكثر من أمثالك ..

الف الف شكر لك ..

والشكر موصول لجميع الزملاء هنا ..

[انامهاجر]

لا حول ولا قوة الا بالله
الله يستر
نموذج ( ب )

تعقيد في تعقيد

انا ودي اعرف وش الهدف من التعقيد واللف والدوران في وضع الأسئلة
حسبنا الله ونعم الوكيل

[بدر بندر]

دكتور معقد حسبي الله عليه

[أبو زيد الألمعي]

السلام عليكم نرجو من الاخوان اللي حضروا الدورة التأهيلية سنترا عند الدكتور عبدالله السالم لثقافة المنظمات يفيدنا الله يكتب اجره للفصل الدراسي الاول لعام 1434 ولكم الشكر

[farashdi]

للرفع لاهمية الموضوع واقتراب موعد الاختبارات

بالتوفيق للجميع

[ماني من أشباهي]

يا شباب موضوع الاخ ماجد من ايام الصيفي برمضان والرجال تخرج الله يوفقه ، ما اتوقع انه بيرد عليكم :

[majed111]

[size="5"]السلام عليكم ورحمه الله وبركاته،،،
اخواني اسعد الله ايامكم بكل خير ،،،
سامحوني توني والله اشوف الموضوع لاني تخرجت ولله الحمد وعقبالكم بالترم الصيفي وما عاقني الا هالمادة رغم انها ليست بهذا القدر من الصعوبة وهي اول مادة احملها في مسيرتي الجامعية والاخيرة ولله الحمد والسبب يااخواني هو الدكتور غريب الاطوار سامحة الله ،،، ما اطيل عليكم ولكن نصيحة محب اذا كان المادة عند نفس الدكتور واذا الواحد متاكد من اسئلته ولا نجح لاقدر الله روحوا وراجعوا رئيس القسم لانه الدكتور يطنش ولايرد على احد وياخذ اجازة في الفصل الثاني ولكن انتم فرصتكم الله لايقدر عليكم ولكن احتمال وارد حبيت انبة عليه وبرسل للاخوان اللي حطوا ايملاتهم ان شاء الله الحين ولكن يا اخواني اللي يبي يراسلني على ايميلي زي ما سوا احد زملائكم وطلب من الاسئلة اليوم وارسلتها له وذكرني فيكم قلت اكيد الشباب يبون فزعة وشيكت على الصفحة ولقيتكم الله يوفقكم ،،،، تحياتي لكم وبالتوفيق ان شاء الله دنيا واخرة ،،،، ماجد[/

[nour al3mr]

الله يعطيكم العافية جميعًا

فضـلاً منكم عدم إدراج أي ايميــل هنـــآ لكي لا يتم حذفه لأن ذلك مُخـآلف

الأسئلة موجودهـ بردود سـآبقة #182 + يمكنكم تبادل الايميلات عبر الرسائل الأكـآديمية و من لا يتمكن استخدآمها لأي سبب كـآن
يمكنه مراسلتني أو المُشـرفين و سنوصلها لمن تريدون

نأمل منكم الإلتزآم و التعـآون و نشكـر لكم ذلك