تجمع طالبات دبلوم الحاسب الالي

[M!ss Majo0oda]

هزلت ياعالم...

تشوف الواحد يتكلم تقول : ياسلام...
بس تناقش وياه: تكتشف أنه حثاله للأسف>>أعذروني على هالكلمة بس هذي غيض من فيض...

تذكرون يابنات دبلوم الحاسب بداية الترم..أنا ما استبشرت خير بوحدة تدعى م.د لأن أيام البكالريوس كانت تدرس الشعبة الثانية من دفعتي وكانوا يشتكون منه ...

وحذرت جميع بنات الدبلوم في شعبتي منه..

1- مر الأسبوع الأول ووزعت علينا أوراق تخص تقسيم المنهج والدرجات..قلنا الآدمية مجتهدهـ..

لكن اكتشفت أن هالأوراق ماهي إلا مجرد خطوات من النسخ واللصق ثم الطباعة.. والنسخ طبعاً من أستاذ بجامعة الملك سعود بالرياض,, ومن الدباشه يارب لك الحمد..حنا المقرر عندنا له 3 ساعات..وأستاذ سعود مقرره له 4 ساعات..فجرت العادة أن الواحد يضبط أمورهـ قبل ينكشف عند خلق الله
وخير دليل على كلامي هالصورة:




2- ثاني محاضرة كان فيها جزء listening و م.د قالت: نعدي هالتمرين لأن مافي وسيلة لحله..
ساعته أنا تكلمت وقلت: المحادثات موجودة بآخر الكتاب..ردت علي وقالت: عن جد..
مع العلم أن عندي جميع المحادثات مسموعة.. وهي مضيعه الطاسه

3- تدخل القاعة والكتاب شكله جديد يعني ما انفتح بالبيت لالتحضير ولا لإطلاع..والدليل أنه تأخذ له كم دقيقة تقرأ بسؤال التمرين بصوت جهوري مرة ومرتين عشان تستوعب المطلوب..

4- حل جميع الأسئلة تقريبًا يعتمد على تخمين م.د والطالبات..أي أن الإجابات تحتمل الصواب أو الخطأ...

5- 3/4 المحاضرة سواليف عن حياته وسفرياته ومشترياته والمقتنيات الشخصية..<<طيب حنا وش دخل أمنا..إذا أنتِ تحطين حلويات وشوكولاتات بالشنطة..وش كارنا إذا تهاوشتي مع راعي المناقيش البارح

6- تتكلم عن الأخلاقيات والعلم وهي من جنبها...وأبصم بالـ9 إذا كانت محصله على شهاداته بمجهودهـ...ترى الدراهم ماخلت شيء..تخلي الدلخ فطحل..

7- أي قاعدة بالدنيا تحتاج شرح وإيضاح..لكن عند م.د القاعدة تعتمد على قراءة المثال والشخمطه ع السبورة...

8- قرب موعد الامتحان ويوم سألناه عن طريقة الأسئلة انصدمت أن اختبارنا الأسبوع القادم..طبعًا هي ضيعت سؤالنا...ولا حددت لنا كيفية الأسئلة كأي أستاذ أو دكتور

9- جاء اليوم الموعود ألا وهو يوم الاختبار الأول من أصل اختبارين دوريين..وزعت بالبداية على كل طالبة ورقتين..على أساس أن الاختبار يحتوي على ورقتين..
- فوحدة من البنات قالت: أستاذه : عطيتيني ورقتين....أثر الأسئلة وجهين والدكتورهـ طال عمره تحسب الاختبار وجه ووجه...


- عمركم شفتوا أسئلة بدون مساحة للإجابات أو دفتر إجابة ع الأقل..ويوم سألته على فقره معينه..سبهت وغلطتن وبعدين قالت: ايوه ايوه..مدري هي تسليكه وإلا ماتدري وش الدنيا عليه

- عمركم شفتوا أحد يحط سؤال وهو عبارة عن صلي من العمود الأول بما يناسبه من العمود الثاني..وفقرات العمود الثاني مدرجين تحت العمود الأول؟

- الحرامي إذا سرق مايقول : أنا حرامي..
منب متكلمه أكثر من كذا شفوا الصورة بالتنسيقات وحجم ونوع الخط ,, وراح تفهمون قصدي



وأقص يدي لو جاوبت على الأربع أسئلة أجوبة نموذجية لنا حنا معشر الطالبات..

صح نسيت أقولهم إن هالإنسانة قمت التناقض بتصرفاته وكلامه..والحديث يطول..ببنت القبايل



لكل مسؤول بهالمنتدى يهمه أمرنا...ترى تركنا وظائفنا وإن كانت بالقطاع الخاص..ونقوم كل صبح..

مهوب عشان دق حنك وقرقً ماله ثمرة..
لو تكرمتوا نبي حل عاجل..أو وظفون بداله لهالمادة لأني ولله الحمد أطلق منه بمراحل..ويمكن غيري نفس الشيء<< say mashallah, please

كان ودي بأيقونة (شكوى) تكون موجودهـ مع أيقونات المشاركات ..لكن ماكل مايتمنى المرء يدركه

وختامي:
هي خاربهـ خاربهـ ..
قالوا: ارض(ى) بقردكـ لايجيك أقرد منه..
لكن قسم بالله ترى طفشت من اللي عندي...وإن شاء الله مهنا مقاريد<<< ياماما وين شطحتي..>>حرمة الطنجرة قلبت رأسي
ياناس من شفت القطعة^ وأنا تقل بي دودة عجزت أقر بمكاني...حتى تركيزي بح..طار بعيــــــــــــــــد بعيـــــــــــــــــــد

بما أن الوضع مزري ...فـ على فكرة:
المزيون..صار آيس نسكافيه,, وفصخت جاكيتي لأني تحمست مع الموضوع..ولو ان إدارتنا الموقرة ماراح تحرك ساكن مشكورةً


كنت ماسكه الخوارزميات يقالي ببدأ فيه ..لكني رميته بعيد..<<<طيب أنا وش ذنبي تجدعينن>>الشكوى لغير الله مذله


عطوا كل صورةclick ضغطه عشان تكبر لكم خصوصًا أول صورتين

[amaaly]

هههههههههههههههههههههههههههههههههههههههه..
ودي اخربها معك واصرح بها بس مااااااش ماهي راضيه تطلع
نسيتي تقولين "عزيزتي الندوه الاسلاميه بخصوص انكم طالبين م.د كعضو مهم يعني هي قدوتنا مثلا ..؟؟"
وغير كذا "عزيزتي م .د بخصوص انك تعطينا محاضرات دائريه بكل محاضره نص شابتر قديم ونص جديد نسميه كسر روتين مثلا ..؟؟"

اصبري بفسخ جاكيتي معك ...............................

مااقول الا ياصبر الارض

[M!ss Majo0oda]

المشاركة الأصلية كتبت بواسطة amaaly هههههههههههههههههههههههههههههههههههههههه.. ودي اخربها معك واصرح بها بس مااااااش ماهي راضيه تطلع نسيتي تقولين "عزيزتي الندوه الاسلاميه بخصوص انكم طالبين م.د كعضو مهم يعني هي قدوتنا مثلا ..؟؟" وغير كذا "عزيزتي م .د بخصوص انك تعطينا محاضرات دائريه بكل محاضره نص شابتر قديم ونص جديد نسميه كسر روتين مثلا ..؟؟" اصبري بفسخ جاكيتي معك ............................... مااقول الا ياصبر الارض

عزيزتي أملي: بخصوص اسمه أتوقع الكل عارفه..بس يدي عجزت تكتبه..أخاف يصير بي بلاء..>>القصد أن أناملي مابعد تواضعت تكتب اسم وحدهـ بهالرقي في التعامل مثله
وأنتِ الصادقة يبي لنا نقول: عزيزتي م.د بخصوص أنك ماتدرين وش تجاوبين على سماع الأغاني..نروح نجاوب عنك مثلاً..

عزيزتي م.د إلا قردتي..بخصوص أني سلمت ورقتي أنا ومرام وعزوف..تطلبين مننا نحل التمرين..تبين تدورين أقرب مخرج..عشانك بلشتي..

أقول..بنتين يفصخون جاكيتاتهم..لا لا أخاف نصير شبهه..تكفين خليتس لابسته لو أنتس فاطسه من الحر..

ياصبر الأرض هذا توبكي قبل أسبوع

ياويل قلبي بس

[alshowg]

السلام عليكم

للاسف ان اول رد اكتبه في المنتدى يكون عن هالموضوع

واصلا انتي يا مس مجوده كفيتي ووفيتي ما شا الله عليك


بس ما اقول الا اللللللللللله يرضى على أ.افنان وربي يسعدها وين ما تروح ويجعل لها في كل خطوه سلامه

اما م.د يا مالها من الدعوات اللي تجيبها القاع

[عبير الورود]

هي خاربه خاربه من جد
تسلم يدك مس مجووووده ماااقصرتي كلامك درر
يااانك جيتي على الجرررح وعصرتي ليموونه خخخخخخخخخ
شكلها بتحذفنا ورى الخط الاحمررررر

[M!ss Majo0oda]

المشاركة الأصلية كتبت بواسطة alshowg السلام عليكم للاسف ان اول رد اكتبه في المنتدى يكون عن هالموضوع واصلا انتي يا مس مجوده كفيتي ووفيتي ما شا الله عليك بس ما اقول الا اللللللللللله يرضى على أ.افنان وربي يسعدها وين ما تروح ويجعل لها في كل خطوه سلامه اما م.د يا مالها من الدعوات اللي تجيبها القاع

هلا حياك يالشوق..
وعليكم السلام ورحمة الله وبركاته

يختي أمس احتريت منه بزود...لأنه خلقه رافعتن ضغطي...

آمين يارب...مع أنه أفضل حرمه..لكنه للأسف بتروح..بس نقول" كل واحد يدور مصلحته" وهي الله يوفقه تبي الأفضل بمجال العمل...

لو تدرين البارح غيرت البيرسونال مسج..وقلبته دعاوي تصـ(س)ـلخ..و المعروف أن دعوة المظلوم مستجابه بإذن الله ولاترد..

[M!ss Majo0oda]

المشاركة الأصلية كتبت بواسطة عبير الورود هي خاربه خاربه من جد تسلم يدك مس مجووووده ماااقصرتي كلامك درر يااانك جيتي على الجرررح وعصرتي ليموونه خخخخخخخخخ شكلها بتحذفنا ورى الخط الاحمررررر

الله يسلم قليبك من كل شر..

ليمونه! آآآآح تحرق

لأن الجرح نزف بقوة البارح...وعجزت اتحمل...وعلى وشو أتعب نفسي واصبر على هالعلـــه..<<ترى ماحد الله يابعدي..

يعني مافي شيء يخلينا نتحمل هالمضيفه...لا أخلاق ولا أسلوب ولا دراية بالتعليم..
قال ايش: أنتوا بتفتوا على حالكم كم من المعلومات والثقافة...امش ياللي تتكلم عن الكم

عبير: أنا اللي بحذفه ورى الشمس قبل تحذفك ورى الخط الأحمر...مابقى إلا هي

[DЯ.BasoOo]

قسم قسمات أن الأدميه لاتحقد علينا حقد موطبيعي ..


اتوقع مااحد انتقدها وكتب عنها بهذي الطريقه بس يامجوده تستاهل ماجاها طبعا احنا نعتبر دراسات عليا لنا الأحقيه بكل شي..


ماتقدر تحذف خلف الخط الأحمر بس تقدر خلف الدرجات ..دام مالنا غير الستين أكتبي يامجوده واستمري ونحن معك


"صامدون صامدون إلى الأبد "


وين قورنان الوطن ماتقي تشوف العمايل المهببه حاسبونا الله ونعم الوكيل


الله يوفقنا جميع

[M!ss Majo0oda]

المشاركة الأصلية كتبت بواسطة dЯ.basooo قسم قسمات أن الأدميه لاتحقد علينا حقد موطبيعي .. اتوقع مااحد انتقدها وكتب عنها بهذي الطريقه بس يامجوده تستاهل ماجاها طبعا احنا نعتبر دراسات عليا لنا الأحقيه بكل شي.. ماتقدر تحذف خلف الخط الأحمر بس تقدر خلف الدرجات ..دام مالنا غير الستين أكتبي يامجوده واستمري ونحن معك "صامدون صامدون إلى الأبد " وين قورنان الوطن ماتقي تشوف العمايل المهببه حاسبونا الله ونعم الوكيل الله يوفقنا جميع

شوفي هي لاتقدر تحذف ورى خط أحمر ولا أصفر...والدرجات ماتقدر تحرف فيهم لأن ماله أي أحقيه وإن وصلت لهالمنصب...مب معناته أننا ننطم واقفين ونتفرج

ولو كانت على حق بالدرجات ..نقول لو كانت...فكل طالبة له الأحقية بمراجعة ورقة الامتحان كأي طالب أكاديمي وغيرهـ...

و د.بسوم إذا أنتم خايفين ...فأنا قسم بالله ماطقيت له خبر..ومن تكون يوم أنه تخوفن..

شوفي حنا نبي نصمد إن شاء الله..بس هي مهيب باتله والدنيا مهيب طويله...كل واحد وله يومه..إما يتذكر ماضيه ويتعظ أو يموت على ظلمه وفسادهـ..

وربك يعين ويصلح الحال..

جورنالاتنا يابسوم تشمشم الفضايح..بس هم وش يدريهم عن البلاوي المهببه عندنا...كود أحد يقولهم..لأن الجرايد ببالهم أن هالمكان صرح تعليمي عالي... مادروا أنه للأسف

يقولون: كثر الدق يفك اللحام..ولامننا كثرّنا برأينا ضدهـ فإن شاء الله راح يكون لنا البقاء وله الفناء..لكن ماودي بناس جوارين..يقولون: ايه حنا معكم..ولامن جا الجد..قالوا : مالنا دخل

[amaaly]

يامحجبات <<افتكرت الصور

تسليم بطايق الدخول والخروج يوم الاحد ...

والله ماودي فيها بس يالله الشكوى لله

بس اللي ودها تورينن صورتها تراي مااقول لا :$ ارحب جدا ..

موفقين ..............