تجمع الحاسوبين والحاسوبيات المستجدين =)

[ATJ]

المشاركة الأصلية كتبت بواسطة ire شكرا ،، احس هم وانزاح بس والله خساره انه مافي مواد نحدد فيها مسارنا الله يعين بس :/ ايوة والله صدقت هذا حال الشعب بس انا جربت بخطه أ المذاكره اول بأول لدرجه انه صرت اخاف لمن يمر علي درس وما اذاكره <~ مو مبالغه ،، بس عرفت اهميه المذاكره اول بأول اش الفايده اجي محاضرة وانا ماذكرت اللي قبلها ،، بذات بالجامعه المحاضره مرره طويله مو زي ايام المدرسه ،بس ترااا في النهاية احسها قدرات يعني لاحظت انه في ناس تقدر تذاكر ليله الاختبار وتجيب درجتك نفسها وانت تفر في الكتاب السنه كلها ،، بس حتى لو كنت من هالنوعيه راح افضل اني اذاكر اول بأول لانه واضح اني ذاكرت لليله الاختبار فقط،يعني 90% من اللي ذاكرته بينحط عالورق ويتبخر بالمختصر محد راح يقدر يمسك الكتاب الا اللي حاط هدف قوي قدام عينه يعني شي يحفزه اذكر موقف لي بالمتوسط صح ما يعتبر ذاك الموقف المهم بس تعلمت منه اهم درس ممكن اتعلمه حصلت لي ظروف وجبت نسبه مو حلوة وكانت كالصاعقه بس ما بينت لاحد اني زعلانه ففي بنت الله يهديها قالت لي كلمة خلتني من جد ابكي كانت بالمختصر" لو اجيب نفس نسبتك كان ابوي ضربني " الترم الثاني جاء ببالي هدف واحد اني اخذ مكانها (هي كانت الثالثه على الفصل ونسبتها عاليه) مع وحده مهببه وجايبه نسبه مدري كيف راح يكون صعب بس توكلت على الله و ذاكرت اول بأول واحلى شي انه البنت كانت جنبي كل ما اشوفها اتذكر الهدف اللي براسي والترم الثاني اخذت ترتيبها كثرت كلام ،، بس المختصر اصرارك وتحديد هدف معين لك بعينك انك تسوي اشياء كثيره ما كنت تسويها قبل وهذا اللي اشتغل عليه حاليا ،، ابغى اشووف اكثر شي يلفتني بالحاسب واخليه هدف لي اوصل له ،، :)

أقولك وجهة نظري ؟
انا اشوف ان هالشي عادي انه مافي مواد لكل تخصص
لاني بصراحه اشوف لو اخذناها كـ ماده راح نذاكرها بـ ملل أو نذاكرها عشان درجات
لكن لما تبحثين عن شي انتي حابه تعرفينه راح تحسين متعه و حب للتعلم .. و بعدين معاك اكثر من 3 شهور .. لو تاخذين كل يوم اقل من نص ساعه .. ادخلي النت و ابحثي عن هالتخصصات و كل يوم ابحثي الين ما تعرفين انتي ميولك فين .. عن نفسي حالياً مقرر على علوم الحاسب بإذن الله لأني ارتحت له و احس ان راح ابدع ان شاء الله بس بعد الاجازة ان شاء الله راح اقرأ عن المسارات الثلاثه منها اتثقف و استفيد و اذا ربي ما كتب لي العلوم يكون عندي خيار ثاني و فاهم ايش راح اخذ فيه و هيك ..

بخصوص موضوع القدرات و ان لكل شخص قدراته و استيعابه للمذاكره .. انا معاك فهالشي بس بـ اضيف شي بسيط على كلامك
بعض الاشخاص كأنو يذاكرون بـ ذكاء وليس بجهد .. انا شخصياً كنت اذاكر بجهد يعني كنت قبل الاختبار بيوم اذاكر قبل الاختبار بـ 10 ساعات مثلاً و اروح الاختبار .. تخيلو 10 ساعات بس والله ابداً ما كانت تكفيني .. اصلأً انا كنت غبي صراحه .. ولا كيف باحفظ و افهم منهج كامل فـ 10 ساعات .. هذا بالنسبه لـ خطه ب كنت اسوي كذا .. بعدين خطه أ غيرت نظامي شويا .. كنت ادرس عند البروفيسور أبو جبل الله يوفقه و ييسر أمره وين ما كان .. كنت اجي بدري لـ محاظرته و احاول اكتب معاه كل الي يقوله .. الين فـ اخر الترم تعبت من الكتابه و ما شفت نفسي استفيد كثير .. و اساساً نفس الي يكتبه موجود فـ الورك شوب .. فـ صرت احلى بعض الافكار فـ الورك شوب و اطلع على الافكار السهله الي اقدر احلها .. يعني ما ضيعت وقتي فـ كل الاسئله انما الافكار المختلفه احلها و المتشابهه لأ مثل سؤال - و سؤال + احلها بالنظر و الحمد لله ذاكرت بذكاء و جبت درجه حلوه

انا معاك فكل كلمه قلتيها بس المشكله لو ما كان في شي يحفزك هنا المشكله
يعني أوكي راح افكر أن اخر السنه في اختبار نهائي و يشمل كل المنهج ولازم اذاكر اول بأول و اذا ما ذاكرت ما بأجيب درجه كويس و اذا ما جبت درجه كويسه ما بادخل التخصص الي انا ابغاه الخ الخ الخ
طيب بس احس هالكلام وحده ما يكفي بدون عمل .. بس المشكله العمل مو راضي يطلع :@


المختصر المفيد لـ كلامي و النقطه الي كنت ابغى اقولها
ذاكرو بـ ذكاء وليس بجهد .. اعرف وين نقاط القوة عندك و نميها و نقاط الضعف و عالجها
< المفروض ادخل قسم علم نفس صراحه

[Rakan ko]

السلام عليكم انا طالب جديد في الكليه

فرع رئيسي
.
.
حاب اعرف احسن الدكاتره في مواد { برمجه . اساليب الكتابه العلميه . مقدمه حوسبه . نظرية الاحتمالات }

نقطه تانيه فين راح ندرس في اي مبنى لانو ما لاحظت احد كتب غير البنات بس

[ƨɱƨɱ]

رمضان مبارك ~
كل عام وأنتم الى الله أقرب ،،

[S.Bn]

و انتي بخير سمسم

[ATJ]

المشاركة الأصلية كتبت بواسطة Rakan ko السلام عليكم انا طالب جديد في الكليه فرع رئيسي . . حاب اعرف احسن الدكاتره في مواد { برمجه . اساليب الكتابه العلميه . مقدمه حوسبه . نظرية الاحتمالات } نقطه تانيه فين راح ندرس في اي مبنى لانو ما لاحظت احد كتب غير البنات بس

و عليكم السلام ورحمه الله وبركاته .. يا هلا فيك منور

بخصوص أفضل الدكاتره ما عندي علم لأني زيك مستجد .. لكن ان شاء الله الاعضاء بيفيدونك

و بخصوص النقطه الثانيه فـ بحثت عن النت وما لقيت الا هـ الرابط من موقع الكلية

http://computing.kau.edu.sa/Pages-map.aspx

لكن اعتقد أن موقعها خلف المطعم المركزي القديم .. مكان ما اختبرنا حاسب أول

و الله اعلم

و حياك مره ثانيه

[asma'a]

المشاركة الأصلية كتبت بواسطة لوتي الطويرقي اسومة شكرا لكِ حبيبتي من كل قلبي ع التعب اللي قاعدة تتعبيه وحبك للخير انتي وكل اللي هنا انا بستخير وان شاء الله مع بداية الدراسة والاكزامات حااعرف مسولي وبالنسبة لرد الاخ atj انا ماشفته

يسعدلي قلبك لوتي ..

لا تعب ولا شيء .. وماعملت شيء يستحق الشكر :$ ..

الله يفتحلك ويسخرلك كل خير ويكتبلك التخصص اللي فيه خير ليكي دنيا وآخرة

بالتوفيق

دمتـِ بخير

المشاركة الأصلية كتبت بواسطة ATJ احمد طارق ! ونا الي اقول انك قدوتنا و مدري ايش .. شكلي بأغير رايي و بخصوص ردك الثاني : اما اسوي قروب ><" انا ما اقدر اذاكر مع احد ابداً ><" عندي عقده نفسيه من الاصوات ونا اذاكر -_- ملاحظة لـ asma'a : ذحين بينك و بين شخص تحدي .. تتغلبين على نفسك ليش ><" .. اتغلبي على الشخص < من أهبل ما كتبت

لا تكفى لا تغير رااايك :'(

وع قروب المذاكرة عادي أنا زيك .. بس ماقصدي تذاكر معاهم في نفس المكان :P ..

يعني مثلن قروب تخططو ايش تذاكرو اليوم .. وتحمسوو بعض .. وبعد ماتخلصوو مذاكرة .. لو كل واحد عندو استفسار يسأل الثاني .. يعني قروب تحميس وتشجيع لا أكثر :P ..

ههههههههههههههه عشان لو ماتغلبت ع نفسي ونظمت وقتي وحطيت لنفسي هدف امشي عليه ماحنجح في حياتي .. ولو تغلبت ع نفسي ونجحت في وصولي للهدف .. بكذا راح اتغلب ع الشخص دا :P ..

وربي يبعد الهبل عنك ..

بالتوفيق أخوي ..

دمتـَ بخير ..

---------------------

ابن الحرمين ..

وعليكم السلام ورحمة الله وبركاته

بالنسبة للتحويل .. يُكون من الفرع الرئيسي .. أو فيه استمارة تحويل الكترونية ع ماأعتقد ..

عشان لازم يشوفو لو فيه اكتفاء في عدد الطلاب او لسى فيه أماكن فاضية وكذا ..

وربي يكتبلك اللي فيه خير لك دنيا وآخرة ^^..

بالتوفيق ..

دمتـَ بخير ..

--------------------------------

Rakan ko

وعليكم السلام ورحمة الله وبركاته ..

بالنسبة للمبنى أخوي عبدالعزيز ماقصر ..

وبخصوص الدكاترة ان شاء الله يجي أحد من الشباب ويفيدك :) ..

بالتوفيق ..

دُمت بخير ..

[Dosh]

مرحبا

والله كل بعد يومين ادخل واقرا الردود
احس حالي جالسه بتوهه اكتر واكتر

انا مره حابه قسم الحاسب ومتحمسه له مع اني ما كونت افكر غير بالهندسه

بس حاب احد يفيدني الان كل همي اول ترم كيف راح يكون ما همني التخصصات

ابغى احد يقول اول ترم
1- ايش راح ادرس ؟
2-كيف طبيعة المواد فهم ولا حفظ ؟ وكم ماده؟
3-كيف اضبط جدولي ؟؟
4-هل يوجد خطة دراسيه جاهزه من حيث الجدول ؟ ولا انا اعمل جدولي بكيفي؟
5-وين موقع المبنى الي بندرس فيه؟
في سوال بعيد عن المنهج

حاب اسال بنات السلمانيه بالنسبة للزي الجامعي ايش راح يكون ؟؟
وياليت احد يتكلملي عن طبيعة اول ترم او يتكلم تجربتها باول ترم كيف كانت

ياليت احد يجاوب على اسئلتي وربي يوفقهه

[S.Bn]

المشاركة الأصلية كتبت بواسطة dosh مرحبا والله كل بعد يومين ادخل واقرا الردود احس حالي جالسه بتوهه اكتر واكتر انا مره حابه قسم الحاسب ومتحمسه له مع اني ما كونت افكر غير بالهندسه بس حاب احد يفيدني الان كل همي اول ترم كيف راح يكون ما همني التخصصات ابغى احد يقول اول ترم 1- ايش راح ادرس ؟ 2-كيف طبيعة المواد فهم ولا حفظ ؟ وكم ماده؟ 3-كيف اضبط جدولي ؟؟ 4-هل يوجد خطة دراسيه جاهزه من حيث الجدول ؟ ولا انا اعمل جدولي بكيفي؟ 5-وين موقع المبنى الي بندرس فيه؟ في سوال بعيد عن المنهج حاب اسال بنات السلمانيه بالنسبة للزي الجامعي ايش راح يكون ؟؟ وياليت احد يتكلملي عن طبيعة اول ترم او يتكلم تجربتها باول ترم كيف كانت ياليت احد يجاوب على اسئلتي وربي يوفقهه

حبيبتي ترا البنوتات الامورات مساوين لنا مفاجئة اتوقع تلاقي جواب لسؤالك

و مفاجأتين مو وحدة

مرررة متحمسة لها

الله يقويهم

[Th4m3r]

لا تدعو الدراسة تلهيكم عن الوناسة
لآ أمزح و الله جد لا تخلو الدراسة تلهيكم عن الأنشطة
خصوصاً الأنشطة التقنية

[الحمد الله على كل حال]

^^^
+1
وكمان الاعمال التطوعيه