][ الإعتـراض على نظـآم مُحاضـرات السنتـرآ | لنجد الحل هُنـآ | ][

[ALOA]

يابنات حبة حبة الله يرضى عليكم شوفوا الان الاولويات زي محاضرات ال3 اسابيع هذي مصيبة وكارثة قدام الاشياء اللي بتتكلموا عليها صدقوني بدخلتكم هذي بكل المطالب ماراح يتسوالنا ولا شي خلونا حبة حبة نشوف موضوع السنتراء+موضوع الجاول والحذف والاضافة جاب نتيجة نعمل ببعدها تجمع تاني نطالب بباقي الاشياء بس الله يرضى عليكم لاتشتتونا تحمعنا الاثنين للمطالبة باعادة نظام السنتراء فقط ارجوكم لاتهاجموا هجمة عنيفة عشان لاتترد عليكم وتخسروا كل مطالبك اتمنى انكم تنتظروا بس نشوف حكاية السنتراء وردة فعلهم وبعدها نسوي تجمعات لباقي الطلبات

[دكتوره منال]

بنات انتو كاتبين 17 مطلب

الله يسعدهم زي ماقالو الي قبلي نقلل المطالب للاهم فالأهم

وراح ارجع لكم واكتب المطالب مرا ثانيه

[قيتارة ألم]

هجووووووووووووووووووووووووووووووم يوم الاثنين الساعه 9 عند البوابه الشماليه انا راح اكون اول الحاضرات
الجامعات الي عملت مظاهره مو احسن منا
الحرب ستبدا الاثنين اتمنى تفاعل منكم مو بس كلام بدون فعل

على فكره هم اجلو المحاضرات لانهم ما خلصو من جداول البنات موعشان سواد عيوننا اجلو المحاضرات ولا عشان بيلغو نظام خميس وجمعه لا هالنظام بيكون مثل ماهو حتى لمن اجلو المحاضرات لكن نبي مظاهره حتى نرجع النظام القديم

[AIDAH ABDULLAH]

يعني من بدايتها تراجعتو اذا بتسو تجمع ياتسو على شي يسو أو مالها داعي طلعتنا رايحن نفشل نفسنا من أولها رجعتو بكلامكم اذا انتو عندكم امكانية وحافز غيركم لا اذا تبغو سنترا غيركم بيحضر واذا ماتبغو انتظام غيركم يبغا كل واحد وطموحو مايصير تنفذو الاشياء الي بس تبغوها وعلى فكرة الجامعة عندها استعداد تسوي كل دي الطلبات وزمان كانت تصير واول مافتح الانتساب كانو البنات يحضرو لمدة شهر ليش تنقصو من نفسكم أنتو شايفن انو في طلب فيهم يقل أهمية عن الي قبلو أوك ايش هيا اذا بتنسحبو انسحبو بهدوء مالو داعي أنو تحبطو غيركم أنا من اول قاعدة اجمع طلبات الكل بعدين هذة الطلبات هي حقوق والي يقول غير كدة مع احترامي لة يكذب على نفسو ماينفع نطلب بالتقسيط بعدين احنا رايحين رايحن ايش حنخسر لو كتبنا كل طلباتنا ولا تقولو الجامعة ماتستوعب, لانو الحرم المكي وطبعا مع فارق التشبية يوسع ملاايين واحنا جامعتنا ايش كبرها ماتوسع الالاف اخر كلمة حقولها لو دحين اتنازلتي عن حق وحد بكرة حتتنازلي عن حقوقك الباقية خلاص بنات قوى قلبكم وتوكلو على الله , تفائلو بالخير تجدوة بالتوفيق لكم وأن شاء الله على موعدنا .

[قيتارة ألم]

بنات بليييييييييييييييييييييز لا احد يتراجع عن المظاهره يوم الاتنين التجمع الساعه 9 امام البوابه الشماليه 1 بليييز بنات

فكرو بالمحاضرات وبس الباقي كلو يهون متصورين انتو تدفعو 3000 ريال عشان مناقشه مع الاستاذه حرام المبلغ يروح لمناقشه

وغير كدا المحاضرات اللي مسجله بموقع العماده مو كامله لكل المواد فيه مواد مالها محاضره

والاخص من كذا غيرو كل الاستاذات اللي نعرفهم الاستاذات اللي كانو يقولو لنا ذاكرو الشرايح فقط وركزو عليها
الحين اساتذه جدد واقل شي بيقولوه الكتاب كله معاكم شوفو المفردات اللي مطلوبه وذاكروها وشوي شوي ويقولو الاسئله موحده وشوشي شوي يقولو في مقالي وانتو اسكتو إلا ما تضيعو ( والساكت عن الحق شيطان اخرس )

كفايه نوم وحلم ودعاوي ع الجامعه خلونا نفوق ونتجمع وننوقفهم عند حدهم خلو لكم كرامه هم شافونا ساكتين ومستسلمين قامو يعملو إلي يبونه خلونا نبدا بدايه خير يوم الاثنين حتى اخواتك جيبيهم يعملو مظاهره العدد كل ماكان كبير كل ما تسهلت مطالبنا


___________________________

اسألكم وشرايكم اذا شفنا عدد كبير من المظاهرين بالجامعه نكلم الصحفيين :) حتى تكمل الشهره بالجامعه

[Rare-Rose]

حبيباتي ليه الاحباط وبعدين اش فيها نطالب بمطالبنا ليش نشوف رضاهم اول
هاذي مصلحتنا وبعدين هذا حقنا ليه التنازل
كفاية تنازل اتنازلنا لين ماوقعت الفاس في الراس
حبيباتي دايم يقولون خلي امالك عالية عشان تسعى دايم لها
بلاش شغل الاحباط هاذي حقوقكم وانتوا احق بها المطالب مافيها شيء غريب او خيالي
بالعكس
وبعدين اذا تنازلنا عن طلب بيخلونا نتنازل عن البقية
ما ابغى احبطكم بس عشانا انتساب حتى ماستر مالنا
فلازم يلغوا هالكلمة من الشهادة عشان اللي يبغى يكمل يقدر يكمل
واللي يعافيكم حبيباتي لاتحبطون ولاتتراجعوا
واتذكروا ماضاع حق وراه مطالب
واحنا سكتنا عن حقوقنا وهاذي انيجة انهم ركبوا على روسنا
والله معنا لان الحق معنا

[fofty]

وانا كمان حكون موجوده معاكم باذن الله بس ان شاء الله التجمع يكون كبير ونكون ايد وحده

تحمسسسست والله

[دكتوره منال]

بنات هاذي 10 مطالب لنا اساسيه ومن حقنا ،’ انا اختصرتها لان والله افضل صدقوني
اما نجي ونكتب مطالب زيادة ونشتت انفسنا ونشتت حتى الي واقفين معنا من صحف واعلام
خلونا على هادي المطالب الـ 10 الله يخليكم ،’ ولو فيه شي نعدل عليه او نشيله بنفس المطالب
لكن مايزيد عن 10 ..


1- ارجاع برنامج السنترا وتكون المدة 3 أسابيع .
2- أصلاح الأعطال الموجودة في برنامج السنترا بأسرع وقت ممكن .
3 - أصلاح نظام السداد وأنزال الجداول للطالبات وفتح الحذف والأضافة لجميع الدكاترة .
4 - تعديل التقويم الجامعي بكتابة المواعيد كاملة من بداية السنة الدراسية .
5 - ارجاع نسبة التحويل من إنتساب الى انتظام كما هو مذكور في موقع الجامعة وهو 3.75 للسعوديات وغير السعوديات بدل ماكن التحويل الظالم من 4 للسعوديات و4:75 لغير السعوديات .
6 - التحويل للانتظام يكون متاح لكل من كلية الادارة والاقتصاد وكلية الاداب فرع الجامعة الرئيسي وبجميع تخصصاتة .
7 - تخفيض رسوم الانتساب من 6000 بالسنة الى 3000 بالسنة بمعدل 1500 للترم الواحد .
8 - الامانة والدقة في تصحيح ورقة الاختبار ومن حق الطالبة مراجعة ورقة الاختبار والمطالبة بأعادة التصحيح لجميع المواد .
9 - اهم طلب الغاء كلمة منتسب في شهادة التخرج ومساوتنا في الشهادة مع الانتظام .
10- نطالب بالترم الصيفي خصوصا لطالبات الانتساب وهذا ابسط حقوقنا كاطالبات


ابغى ازبط المطالب هادي بالورد ،’

وارسلها لكم ملف ايش رايكم ؟؟؟؟ وكل وحدة تصور مجموعه منها

[أجمل غرام]

الله يقووووويكم ويوفقكم ياااااااااااااااااااااااارب

بأذن الله يرجع النظام القديم ..

[دكتوره منال]

بنات هاذي 10 مطالب لنا اساسيه ومن حقنا ،’ انا اختصرتها لان والله افضل صدقوني
اما نجي ونكتب مطالب زيادة ونشتت انفسنا ونشتت حتى الي واقفين معنا من صحف واعلام
خلونا على هادي المطالب الـ 10 الله يخليكم ،’ ولو فيه شي نعدل عليه او نشيله بنفس المطالب
لكن مايزيد عن 10 ..


1- ارجاع برنامج السنترا وتكون المدة 3 أسابيع .
2- أصلاح الأعطال الموجودة في برنامج السنترا بأسرع وقت ممكن .
3 - أصلاح نظام السداد وأنزال الجداول للطالبات وفتح الحذف والأضافة لجميع الدكاترة .
4 - تعديل التقويم الجامعي بكتابة المواعيد كاملة من بداية السنة الدراسية .
5 - ارجاع نسبة التحويل من إنتساب الى انتظام كما هو مذكور في موقع الجامعة وهو 3.75 للسعوديات وغير السعوديات بدل ماكن التحويل الظالم من 4 للسعوديات و4:75 لغير السعوديات .
6 - التحويل للانتظام يكون متاح لكل من كلية الادارة والاقتصاد وكلية الاداب فرع الجامعة الرئيسي وبجميع تخصصاتة .
7 - تخفيض رسوم الانتساب من 6000 بالسنة الى 3000 بالسنة بمعدل 1500 للترم الواحد .
8 - الامانة والدقة في تصحيح ورقة الاختبار ومن حق الطالبة مراجعة ورقة الاختبار والمطالبة بأعادة التصحيح لجميع المواد .
9 - اهم طلب الغاء كلمة منتسب في شهادة التخرج ومساوتنا في الشهادة مع الانتظام .
10- نطالب بالترم الصيفي خصوصا لطالبات الانتساب وهذا ابسط حقوقنا كاطالبات


ابغى ازبط المطالب هادي بالورد ،’

وارسلها لكم ملف ايش رايكم ؟؟؟؟ وكل وحدة تصور مجموعه منها