السـفـرة الرمضـآآآنيه ｡◕‿◕｡

[Aishah AL-farhah]

هاقد عدت لكن عودة بالتقسيط مرة السينابون ومرة المكرونة < مررررة بدري
فيه شغلة مهمة كثير لازم أقولها ألا وهي :
إني ماني احترافية في الطبخ ولا ابتكارية لكن لي نفس حلو فيه مما تعلمته من أمي الله يحرّم يدينها عن النار
لذلك راح تلاحظون أن الطريقة والمقادير تقليدية جدا
وبصراحة ماعمري التزمت بالمقادير بسبب اختلاف عدد الأشخاص اللي أحسب حسابهم كل مرة
لكن المقادير اللي راح أحطها يعني تقريبا تكفي لستة أشخاص

أحلى شيء بالحياة إنك تدخلي المطبخ بوقت مافيه زحمة وربكة وقلق
ويكون برضه أخوانك نايمين عشان ماتكرري الجواب على سؤالهم مليون مرة
كلما دخلوا المطيخ وش بتسوين لنا وعشان ما يلهفوا نص المقادير

السينابون

مقادير العجينة
2 كوب طحين
نص كأس زيت
3 م ك حليب بودرة
2 م ك سكر < بالنسبة لي أحط خشن
نصف م ص بكنج باودر
م ك خميرة فورية
شوية ملح

مقادير الحشوة

ملعقتين صغار لكل من الكاكاو و القرفة مطحونة ومكن تزيدي حسب الرغبة
نصف أصبع زبدة ذائبة لدهن سطح العجينة ، نقصي أو زيدي براحتك

مقادير الصوص

أربع حبات جبن كيري
نص علبة حليب مركز محلى
شوكلاتة سائلة ( هيرشي )

ممكن تزيدي الحليب إذا كان الخليط كثيف أو تنقصي الجبن
لأني بصراحة ماني فاكرة كويس مقادير الصوص

الطريقة

- قبل ما تحطي مقادير العجينة حطي شوية موية وبعدين حطي فوقها مقادير العجينة وأعجني
لاحظت هالطريقة تسهل عملية العجن بعكس لما نحط المقادير بعدين نحط الموية
طبعا احرصي ان العجينة ماتكون رخوة مرة ولا تكون قاسية مرة خليها مثل عجينة الفطائر
^ على فكرة فيه أكثر من عجينة تلاقيها عند عمنا قوقل بس هذي تقريبا اللي رسيت عليها

- تتركي العجينة على جنب من نصف إلى ثلاثة أرباع ساعة وقت التخمير
بعدها تفرديها على طاولة أو سطح دولاب المطبخ بعدما تمسحيه طبعا وتنظفيه وترشيه بالدقيق < احلفي
حاولي يكون سمكها وسط مائل إلى رقيق بس مو مرة رقيقة عشان لما تلفيها ما تتقطع

- ممكن تقسمي العجينة قسمين وتفردي كل قسم على حدة أريح وأسهل لك

- امسحي كل السطح بالزبدة المذوبة ، بالفرشاة بيدك بأي شيء اللي يريحك
بالنسبة لي أمسحه بيدي لأني أحس الفرشاة قاسية على العجينة

- رشي كل السطح بالكاكاو والقرفة المطحونة

- لفي العجينة ابرميها برم ، وجيبي سكين وطلعي حرتك فيها قطعيها اربا اربا
لازم تفشي غلك فيها بعد الشغل وممكن تستخدمي خيط لتقطيعها بشكل أنيق
بس أنا ماعمري استخدمت خيط دائما سكين مو مهم يطلع الشكل دائرة مستديرة مستوية تماما

- شايفة كيف العجينة المسكينة راحت فيها
مثل هالصورة قطعيها وشرحي أمها تشريح



نقطة مهمة : حاولي يكون سُمك الحلزونات وانت تقطعي العجينة ثلاثة سم وأكثر شوية لأنها لو كانت رقيقة تصير قاسية لما تخبزيها كأنها شابورة

- جيبي صينية امسحيها بالزيت وحطي فيها رشة دقيق حاولي توزعيه بضرب جوانب الصينية
مع تمييلها إلى كل جانب عشان ما تبتلشي فيها لما تلصق في الصينية

- رصي حلزونات السينابون فيها ، لكن نصيحة مني حاولي تتركي مسافة كافية بين كل واحدة والثانية
عشان ما تلقص بببعض ويخرب شكلها وانت تطلعيها من الصينية ولو لزم الأمر استخدمي صينتين

- دخليها الفرن وراقبيها لما يحمّر شوي وجهها ويصير لونها ذهبي يفتح النفس طلعيها
وتراها ما تطول شوي بس انتبهي تحطينها وتروحين وتطولين بسرعة تنخبز تراها

- أثناء ما تبرد اخلطي الجبن الكيري مع الحليب

- لما تبرد شوي قدميها مع الصوص صبيه عليها بالقدر اللي يعجبك
مثل هالصورة < الصور قديمة ترا



وبألف هنا وعافية على قلوبكم حبايبي

[الوردة الموفية]

المشاركة الأصلية كتبت بواسطة brilliant shores rosery .. الوردة الموفيـــة ماشاالله لاقوة إلا بالله .. أطبـــآق مششهية يمممي سسفرة دايمة وعامرة يارب :) . . روزري .. ممكن الله يسسعدك طريقة الفوتشيني و لفائف الباذنجان ...؟!! الوردة الموفية .. ممكن الله يعافيكِ طريقة باشميل البطاطس ..؟!!

ابشري من عيوني ..

تاخذيلك كم بطاطسه و تقشريها و تقطعيها على شكل دوائر و بعدين تقلينها في الزيت

و ترصيها في صينيه بايكرس و تسوي باشاميل و تحطيها فوقه

و تحمينها في الفرن

.. شوفي قبل لا ترصي البطاطس في الصينيه

نصيحة حطي شويه باشاميل تحت عشان لا يلصق البطاطس في الصينيه

..


و معليش ع التأخير

[بيان محمد 11]

رح نشتاق لسسفرة رمضان ..
واوقات الصيام والسحور والتراويح والتهجد

[miss jodi]

جيب التاجـــر

عملتها قبل 3 أسابيع تقريبا

[Brilliant Shores]

المشاركة الأصلية كتبت بواسطة الوردة الموفية ابشري من عيوني .. تاخذيلك كم بطاطسه و تقشريها و تقطعيها على شكل دوائر و بعدين تقلينها في الزيت و ترصيها في صينيه بايكرس و تسوي باشاميل و تحطيها فوقه و تحمينها في الفرن .. شوفي قبل لا ترصي البطاطس في الصينيه نصيحة حطي شويه باشاميل تحت عشان لا يلصق البطاطس في الصينيه .. و معليش ع التأخير ~> عـــآتي ياقمر

ربي يعافيك و يسسسلم هالديــّات يااارب ...~

شششكراً جزيـــلاً لكِ ,,

................

عيـــــــــــــــــوووش



ششرحك للسينابون تووحفة بصراحة واضح و منتـــــآز

سسلمتي ياقميلة ..

وكل سسسنة وانتِ ومن يعز عليكِ بخير وصحة وسسلامة يارب


تششكرات كثيرآت ..~

[خلود 99]

miss jodi


تسلم الايادي