بنات الإنتسااااااب كلكم هنا تعالوا ( مهم).

[فوفتي غلاتي]

آفآآآآآ مانخيتكم تردوني كذا خاصة ياصمت الوقار
بكره عندي اجتماع فيها وانا طالبه انتساب
وما ني عارفه مكانها فين وعند ايت بوابه

[rn2]

السلام عليكم
انا برضو انتساب وتحضيري وقريب عرفت بموضوع الدورات حقت الحاسب لاكن مدري متى المواعيد الي اقدر اداوم فيها ؟؟ وهل هي اجباري وعليها درجات مثلا وكيف ؟؟


يعني لازم نروح ولا عادي نسحب عليها؟؟؟ بليز اذا تعرفون او في وحده راحت وتقدر تفيدني

[ميمو الغلا]

[quote=وهج الشموع;2971331]ميموالغلا أبغى اتواصل معاك بس كيف ماني عارفه[/quote
وانا بعد يالغلا اوكي ارسليلي ع الخاص واذا ما مشي الوضع
امممممم >>مدري

[صمت الوقار .]

المشاركة الأصلية كتبت بواسطة فوفتي غلاتي آفآآآآآ مانخيتكم تردوني كذا خاصة ياصمت الوقار بكره عندي اجتماع فيها وانا طالبه انتساب وما ني عارفه مكانها فين وعند ايت بوابه

طاب مساؤك أختي فوفتي غلاتي ...
عذرآ وربي ماقصدت أكنش سؤالك وربي إقتبست سؤالك وكل أسئلة البنات اللي مالحقت أرد عليها وفتحت نافذة رد جديد وربي يسألني عن كل كلمة قلتها .. وسبحان الله فجأة ونا بديت أرد فجأة تعبت حييييييييييييل والله والصفحة مفتوحة وأنا بابا أخذني ع المستفى جري وماخرجت من الستشفى إلا نص العصر ورغم دا كلو داومت إنتساب وتوي راده الآن 10 بالظبط لأن محاضراتي تنتهي 9:20 وأول مارجعت دحين فتحت مع إني مازلت مرهقة للغاااااااااية .. دا كلو بس عشان أرد عليكم وربي لكن لما شفت ردك اللطيف مررررررررة زعلت وتضايقت صراحة .. طيب عمومآ أنا كاتبة في كدا رد إنو اللي تبغا شيء مرررة مستعجل ترسل لي ع الخاص عمومآ حياك الله وياهلا بك إنتي وغيرك كلنا خوات .. بس كان لازم تعرفي إني مافتحت الموضوع إلا عشان أفيدكم وعشان لا تحوسوا بالجامعة أبد وإلا ماكان لي أدنى هدف دنيوي غيرأخدمكم وأريحكم وتاخدوا فكرة حلوة عن الجامعة وبناتها وبنفس الوقت ترتاحوا وتنبسطوا فترة عيشتكم عندنا بالجامعة . أكرر عذرآ وشكرآ ..
طيب نرجع حلوين ... بالنسبة لمركز الموهوبات هوا في مبنى الخنساء في الدور الثاني .. وللتوضيح أكثر مبنى الخنساء مقابل كفتيريا الملتقى اللي عند الإقتصاد المنزلي وأول ماتخشي من بوابة غربية 1 .. وإن شاء الله أكون بكدا أفدتك ..

[عالفطرة]

عزيزتي صمت الوقار
اولا.سلامتك وماتشوفين شر طهور ان شاء الله
ثانيا. انا سألتك كتبت قبل كذا استفسار عن التسجيل في النادي تبع الجامعه وكيف اوصل لك لو ترجعي شوي فالصفحات يمكن 17 او16 وكنت متأكده انو مايمديكي تردي من كثر الطلبات والاسئله يمكن هيه تعتبر مكرره بس عندي الارسال يوصل متآخر خخخخخخ
الله لا يحرمك الآجر
بس خلاص الله يسعدك مشكوره والف سلامه عليك

[::Harmony::]

سلاااااااااااااااااااااااااامتك الف سلاااااااامه ..الله يحفظك ويحميك يااارب

يااا صمت اسمعي الكلام واتحصننني ولا ترا بزعل عليك << << خاااشه عرض

[بقايا أنسان]

ألف سلامه عليك ياقلبي

وماتشوفى شر باذن الله

[صمت الوقار .]

المشاركة الأصلية كتبت بواسطة جنون الابداع جزاك الله خيرررررررررررررررر

وإيااااااااااك أختي جنون الإبداع ...بالتوفيق وتسلمي على مرورك ..

المشاركة الأصلية كتبت بواسطة اسيرة حلم بنات انا كلية الاداب والعلوم انسانيه التخصص تحضيري اداري يعني ايش احد يفهمني

ورحمة الله وبركاته كيفك ياحلوة ؟؟ الإداري الإنساني يعني أدبي .. يعني ياستي ماتقدري تتخصصي غير بكلية الإقتصاد وبكلية الآداب بس أما العلوم بأنواعها من أحياء كيميا فيزيا طب رياضيات ودي الأشياء يعني المهم للمسار العلمي ..وبس بالتوفيق .. إن شاء الله يكون وضح عندك المسمى ..

المشاركة الأصلية كتبت بواسطة بقايا أنسان اليوم رحت الجامعه وكان ودى احضر محاضرات بس مو عارفه المبانى ولاعارفه شىء بالجامعه ياليت وحده من البنات انتساب او انتظام خطه أ سنه تحضيريه تتواصل معى عشان اقدر اخذ منها المحاضرات او تساعدنى حتى نكون سوا نحضر اتمنى منكم يااخوات تردوا على

أهلين بقايا إنسان .. كأني والله أعلم أرسلت لك رقم أختي ع الخاص هي خطة أ .. فكريني بس .. زين ..؟؟ أراك على خير

المشاركة الأصلية كتبت بواسطة geemmeem جزااااااااااااااك الله الف خير ياريت تساعديني مررررررررررره حايسه انا عايشه بااستراليا وسجلت انتساب ومااجي الا وقت الأختبارات وعندي الكتب بس نظام السنترا مايشتغل ماادري ليش وماني عارفه كيف احصل المحاضرات وكيف اذاكر الحاسب عملي ولا وكيف ممكن احصل على ملخصات سوووووووووووووري مره طولت بس من جد محتاجه مساعده والله يوفق الجميع

أختي جيم ميم هلا بك والله يسهل لك وييسر لك أمورك ... بالنسبة للسنترا عندك إتفضلي بدا الموضوع ..
http://www.skaau.com/vb/showthread.php?t=267846
والملخات أول ماتفتحي ملتقى المنتسبين تحصلي لكل مادة ملخصات وأسسئلة وكل شيء مهم يخص موادك ...وحياك وهلا بك مرة أخرى ...

المشاركة الأصلية كتبت بواسطة طلبه علم مساء الخير للجميع وخاص لصمت الوقار ياصمت جيتي وجابك الله الله يجزاكي خير ابغى اعرف المحاضرات اللي نازله هنا حقت هدي السنه 1431 ولا العام الماضي لان الاستاذات اللي يشرحو المحاضرات كتبهم واسماء المؤلفين غير الكتب واسماء المؤلفين اللي عندي علما باني اشتريت الكتب من مكتبة الخوارزم ويقول حقت هذي السنه وياريت لو عندك صوره كتباي الانقلش ومهارت الاتصال وكتبا مهارات التفكير حقت هذي السنه ياريت تنزليها لي هنا ولا اروح الجامعه اسال افضل افيديني الله يخليك علما باني مسار خطه (ب)

حياك الله ياطالبة العلم ياحلوة .. أقول ترى أفضل تروحي عند أستاذاتك بنففففففففسهم مع إني متأكده إن الكتب والمواد ماتغيرت أبد ولا شيء تحرك من مكانه من العام للحين ...

المشاركة الأصلية كتبت بواسطة طلبه علم مساااااااااااااااااااء الانوار حابه اتواصل معاكي صمت حي وكيوت هيرت لاني مثلكم خطه (ب) ومنجد لوا حضر الجامعه عادي احضر المحاضرات واي مبني ياريت تنوريني الله ينور عليكيم ياعسلات متحمسه اروح الجامعه

طالبة علم حياك مرة تانية .. وأيش كنت بقووووول أيييش .. إيوا ترى تقدري تحضري مرة عاااادي وتسجلي في اللي تبيه وبالنسبشي قروب نفس الخطة تبعك إذا في في ملتقى المنتظمين وأسأليهم عن جدولهم يخبرونك وروحي ... يالله الله يسهل لك ويوفقك ... وخبريني وش صار معك ؟؟؟

المشاركة الأصلية كتبت بواسطة لماذا اسلم للبحر امري؟ خبر مهم بخصوص الي يبون يسجلون بالنادي العياده ماصارت تقبل فحص اللياقه يعني جيبوة من اي مستشفى براا ومايهم سواء حكومي او خاص وبالتوفيق

تسسسسسلمي ع المعلومة .. وجزاك الله خير

المشاركة الأصلية كتبت بواسطة بقايا أنسان ياقلبى عليك ياصمت تسلمين انتى واختك وربى ماراح انساه هالموقف الحلو منك الله يوفقك بحياتك ويحقق لك ماتتمنيه ع العموم ماوصلنى رقم اختك بانتظارك ترسليه لى والله يوفقك يارب

يااااارب وياك ... وتسلمين ياحلوة ..

المشاركة الأصلية كتبت بواسطة ميمو الغلا ياصبايااااا بليز ردو علي لاني الى الحين مدري وين ربي حاطني فيه محاضرات عن طريق النت لبنات الانتساب سنه تحضيري خطه أ والجدول وين احصله بلييييييييييييييز ردووو

ميمو غلاتي إنتم بعد الحج28/12 لاتستعجلي الله ييسر لك...

المشاركة الأصلية كتبت بواسطة Suzi بنآت في وحدة رآحت اليوم ومنعوها لان لما رحت دآك اليوم قالو ممنوع دفعة 10 يآربي ردوعلي

سووووزي أنا رحت وأختي كمان من دفعتكم ولا منعوها روحي عادي ...الله يحييك ..

المشاركة الأصلية كتبت بواسطة Suzi صموتة مارديتي علي دخلوك اليوم عآدي ولا لا بآ ىني لسة مو مسجلة في النآدي

عاااااااااااااااااااااااااادي ياخوافة ...هههههههههههه تعالي وبتدخلين عادي ...

المشاركة الأصلية كتبت بواسطة om yara السلام عليكم ورحم ة الله وبركاتة انا طالبة انتساب سنة تحضرية ودي اعرف وبن بالضبط اختبر فى الجامعة وابغى اعرف صيغ الاختبارت والف شكر

ياهلا بأم يارا ... شوفي ياستي لاتستعجلي على عمرك ... ومررررررة بدري ع الإختبارات ... بينزل لها جدول حلو وقتها ونخبرك بالأصح تحصلينه ع موقع العمادة وبث أما دحين دراسة باقي الإختبارات شهر 2 ....

المشاركة الأصلية كتبت بواسطة RoRa Badi صموتـآ تسلمسلي يآقلبي اسمعي عنوني يقولوا منعو حضور بنـآت الانتسـآب من الجـآمعه منجد والا كـلآم طمنيني تكفين وبالنسبه للدورآت حق الحـآسب نسجل عن طريق النت والا لآزم نروح الجـآمعه ..

ع النت عااااادي ومامنعوا إلا كم يوم وبطلوا .. حياك أختي

[فوفتي غلاتي]

مشكوووووووووووره ياصمت الوقار وجزاك الله الف خير
وكتبه الله لك في ميزان حسناتك
وسلامتك ماتشوفي شر
ولك تحياتي

[خلود 26]

السلام عليكم كيفك ياعسل بصراحة الموضوع مرة خطير الله يوفقك يارب
المهم ياعسل قريت كل الصفحات وعجبتني مرة حكاية النادي الرياضي >>>عندي كم كيلوو زيادة ممكن تنزل هههههههههههههه
قلتلي انو اخر يوم للتسجيل 26 طيب ينفع اطلع البطاقة واشترك فالنادي بعدين يعني بعد الدورةعلى نص محرم ان شاء الله لانو دحين شايفة انو مافي وقت وخصوصا انو قربت اجازة الحج
واخيراً واهم شي نفسي اشوفك واتعرف عليكي