قبول الطلاب والطالبات الغير سعوديين

[مكنونة]

امى نص ونص اصلا اخويا هناك يدرس ومتزوج فراح اجلس عنده
طيب اسمعى لو عدت القدرات وجبت نسبه ماراح انقبل السنة الجايه حقعد سنة كمان مو ؟؟
لكن فى طيبة ع طول السنة الجايه حدرس
الحين فرحت بشي اسمه قبول لكن لمن افكر اسيب جدة ؟؟ بس عشان الجامعه تهون

[مكنونة]

الحين صح عندى سنة افكر
وانا بستخير اكثر من مره
والي يكتبه ربي لى خير أكيد
ياااااااارب زي مافرحتنى بقبولى في طيبة عجل بفرحى بقبولى بعبد العزيز ياارب وعجل بقبول صحبتى حيااااة يارب وافتح لك كل ابواب الخير واجعل لها شأن عظيم فى المستقبل يارب دعوة من قلبى لك

[مكنونة]

الا صح ماقلتيلى انت ايش ميولك ايش نفسك تتخصصي

[مكنونة]

رحتى تنامى
نووم العوافى وتصبحى على خبر يثلج صدرك يارب

[L I G H T]

المشاركة الأصلية كتبت بواسطة مكنونة الا صح ماقلتيلى انت ايش ميولك ايش نفسك تتخصصي

أبا انبرش
ايش اسوي والله طفشانة

حياة نفسها تدخل كلية الحاسب - تخصص علوم حاسبات cs


وأنا مع حياة بكل اللي قالتو إنتِ تقدري تعيدي حتى لو حاسة انو المعلومات اتبخرت ودا الكلام
أنا اول ما بديت أتدرب ع القدرات كانت تخنقني العبرة وأحس إني محا أحل وإني محا أحقق اللي ف بالي ، بس الحمدلله بعد التدريب المستمر جبت درجة ممتازة ،،

ولو حتبقي ع طيبة الله يوفقك ويفتح لك أبواب الخير يارب

[مكنونة]

المشاركة الأصلية كتبت بواسطة l i g h t أبا انبرش ايش اسوي والله طفشانة حياة نفسها تدخل كلية الحاسب - تخصص علوم حاسبات cs وأنا مع حياة بكل اللي قالتو إنتِ تقدري تعيدي حتى لو حاسة انو المعلومات اتبخرت ودا الكلام أنا اول ما بديت أتدرب ع القدرات كانت تخنقني العبرة وأحس إني محا أحل وإني محا أحقق اللي ف بالي ، بس الحمدلله بعد التدريب المستمر جبت درجة ممتازة ،، ولو حتبقي ع طيبة الله يوفقك ويفتح لك أبواب الخير يارب

الله ييوفقها ويسهلها الى تبغاه يارب

ممم حكايه الاعاده والله الا الله ماقررت بس بستخير والله يختارلي الخير
والله يوفقك انت كمان ويسهل امورك

[حيــــــاة]

المشاركة الأصلية كتبت بواسطة مكنونة امى نص ونص اصلا اخويا هناك يدرس ومتزوج فراح اجلس عنده طيب اسمعى لو عدت القدرات وجبت نسبه ماراح انقبل السنة الجايه حقعد سنة كمان مو ؟؟ لكن فى طيبة ع طول السنة الجايه حدرس الحين فرحت بشي اسمه قبول لكن لمن افكر اسيب جدة ؟؟ بس عشان الجامعه تهون

طيب كويس ،، عندك دوافع تخليكي تروحي لطيبة وانتِ شبه مغمضة ،، عندك احد هناك وما بتكوني لحالك ،،
مو مشكلة عادي تسيبي جدة بعدين انتِ مابتروحين بلا رجعه ،، كلها خمس ساعات من جدة للمدينة ^ـ*
يعني بتشوفي اهلك كل فترة والثانية ،، وعاد اذا بجد تسهلت حكاية النقل بعد سنة ياسلااااااام ..

انا لأني وحدة خوافة وما اقدر استحمل فكرة الغربة اني اكون في مكان لحالي ماعندي احد فيه واكون في مكان غريب اسمه سكن جامعي ><
لو كان لي احد زي اخو في الدمام او الطايف او المدينة او الرياض او مكة ماكنت ترددت ،،
بس مسألة اني اكون لحالي هذه الي صعبة والي مصعبة الموضوع على اهلي ،،

بس انتِ دام عندك اخ وبتكونين عنده واهلك موافقين بشكل مبدئي ،، لاتضيعي الفرصة والله يسهلك ويكتب لك الخير وين ماكان

..

لو عدتي القدرات بتنتظرين ترم مو سنة ،، القبول بيجي الترم الثاني من السنة الجاية ،
يعني بيكون فارق ترم لو رحتي لطيبة او انتظرتي عبدالعزيز ،،

المشاركة الأصلية كتبت بواسطة مكنونة الحين صح عندى سنة افكر وانا بستخير اكثر من مره والي يكتبه ربي لى خير أكيد ياااااااارب زي مافرحتنى بقبولى في طيبة عجل بفرحى بقبولى بعبد العزيز ياارب وعجل بقبول صحبتى حيااااة يارب وافتح لك كل ابواب الخير واجعل لها شأن عظيم فى المستقبل يارب دعوة من قلبى لك

اااااامين يارب ،، الله يسعدك ويحقق لك ماتتمنيني

المشاركة الأصلية كتبت بواسطة مكنونة رحتى تنامى نووم العوافى وتصبحى على خبر يثلج صدرك يارب

ماعاد حسيت بنفسي ونمت والجهاز جنبي

تصبحي على خير <<هذه حق امس بس متأخرة

وصباحك سعادة <<هذه حق الحين

[حيــــــاة]

المشاركة الأصلية كتبت بواسطة l i g h t أبا انبرش ايش اسوي والله طفشانة حياة نفسها تدخل كلية الحاسب - تخصص علوم حاسبات cs وأنا مع حياة بكل اللي قالتو إنتِ تقدري تعيدي حتى لو حاسة انو المعلومات اتبخرت ودا الكلام أنا اول ما بديت أتدرب ع القدرات كانت تخنقني العبرة وأحس إني محا أحل وإني محا أحقق اللي ف بالي ، بس الحمدلله بعد التدريب المستمر جبت درجة ممتازة ،، ولو حتبقي ع طيبة الله يوفقك ويفتح لك أبواب الخير يارب

شكراً عالانابة بعد نومي

[حيــــــاة]

صباحكم سعادة ورضى من الرحمن وراحة بال شعبي الصامد
^ـ^

[heba.]

المشاركة الأصلية كتبت بواسطة مكنونة الحين صح عندى سنة افكر وانا بستخير اكثر من مره والي يكتبه ربي لى خير أكيد ياااااااارب زي مافرحتنى بقبولى في طيبة عجل بفرحى بقبولى بعبد العزيز ياارب وعجل بقبول صحبتى حيااااة يارب وافتح لك كل ابواب الخير واجعل لها شأن عظيم فى المستقبل يارب دعوة من قلبى لك

انا حابة اقولك الله يوفقك ويسهلك اللي تبغيه ..
بس سؤال في طيبة يقبلو تخصصات زي عزوز؟؟؟؟ .. لأنو عندي بنت خالي متخرجة منها وتقولي انهم مايقبلو المقيمين الا بالتخصصات حقت الادبي ...!! انتي اسئلي وشوفي,,!
لأنو عزوز اشوف انها افــضل من طيبة في التصنيف,, هي الثالثة على مستوى السعودية والعالم العربي
وكمان تقدري تدخلي اي تخصص تبغيه ما عادا التخصصات الصحية
فحراام تضيعي فرصة القبول انتظــــام بعزوز في مدينتك جدة "وانتي قـــــــــادرة بأذن الله انك تدخليها " بس عشان تــــرم واحد تقعديه بالبيت !! يعني قعدتي سنتــيـــــن .. جات على ترم واحد ؟؟
بعدين انا كان موزوني 89.1 ومتخرجة عام32 وما انقبلت ,,,ودي السنة التانية ليا بالبيييت يعني زيـــك بس الحمد لله املي بالله كبير و ما استسلمت لظروف وقلت خلااص مايمديني اكمل جامعة انتظام ..
قلت لا عندي فرصـــة اني اعيد قدرات
وكمان عندي صحبتين زيي متخرجين معايا من نفس السنة ووحدة منهم كانت تقول مستحيييل انها تختبر قدرات >< !!!
ماهي متخيلة نفسها انها على اخر عمرها تجلس تذاكر للقدرات <<على قولتها
بس اقنعتها انو عادي يمديكي تذاكري و كمان تجيبي فيه 90% مع شووووية جهد واجتهاد بما انك فاضية وعندك الوقت ,,,
و في كتير بنات اعرفهم جلسو سنة بـــس عشان يعيدوا قدرات"سعوديات وغير سعوديات" ,,لأنهم ماكان يمديهم يزاكرولو ايام ما كانو بالثنوية مع الاختبارات والبحووث والمشارييع ...الخ ما كان عندهم وقت ..
بس احنى الحمد لله عندنا وقققت و فراااااااااغ كبيير يعني بنات الثنوي اللي يبو يذاكرو قدرات دحين يحسدونا
انا تقريبا زي حيـــــاة انو اهلي وصحباتي يجلسو يقولولي لااا ايش تعيدي قدرات يوووووه من جدك انتي
ويجلسو يحطموني ويقولولي انتي نسيتي
الدرووس وعقلك خلااص مسكر
بعدين لمتى وانتي تجلسي تعـيـدي تعيدي
سجلي انتساب او بالجامعة السعودية الالكترونية ترى يمدحووهم احسن لك وريحي عمرك
بس زي ماقلت ما اثرو فيني ابداً ولا احد قدر عليَّ<< ويا جبـل متهزك ريح
وبقلهم راح اعيد مهما كان الثمن وما حستسلم وارضي بأقل من عزوز دام عندي فرصة
عالاقل انتي البيئة حقتك تساعدك واكيد حيشجعــوكي
انتي دحيين فكـــــــــــري وحاااااولي تستخيري من اليووم ترى ماباقي وقت
لنو حرام تضيعي فرصة اختبار القدرات ,,,هو لو كان بعد سنــــــة,,!! او 6 شهور !!!
اقولك يوووووه على داك الييوم تكوني اتوفيتـي
بس هو باقيلو شهر وعشر ايام بززززبط "40يووم فقط " مررة قرييييب
و اعتقد انك بدي الفترة قاعدة قاعدة بالبييت .. فما تضيعي دي الفرصة وخليها المرة الاخيـرة
جـــربــي ايش حتخسري
ماتدري وين الخير مكتوب لك وايش ممكن يصيرالسنة الجاية عشان ما تندمي على انك ما اختبرتي

وترى مرررة سهل الاختبار لو ذاكرتي
بنالسبة لتحصيلي راح اعيدو بس هو اخر السنة و يكفيه شهر مذاكرة

واي مساعدة عن الاختبار انا حاضرة..!