هنا تجّمع بنات المحاسبه (حست في القروبات الثانيه) :)

[my silent story]

السلااآم عليكم
بنااات الله يسعدكم اللي عندها خلفيه ترد علي انا خلصت 9ساعات إختياري واخذت ماده حره من كليتنا "نظام سياسي "لاني مالقيت مادة تناسب جدولي من الكليات الثانيه وخايفة إنهم مايحسبونها لي حره ؟؟!!


وبالنسبة للزكويه مع أ.صباح والله يابناات من السبت إلى الأربعاء وانا مداومه عشان يضيفوها لي حتى الأستاذات طفشو مني وطلبت د.سلوى توسعها واخيراا وافقت والدليل غيرت الغرفه صارت 214عشان تكفي 100طالبه ، بس للأسف اللي رفضت أ. صبااح قالت انا مأقدر ادرس هالعدد

وعسى ان تكرهوا شيئا وهو خيرا لكم

[BoBy]

المشاركة الأصلية كتبت بواسطة my silent story السلااآم عليكم بنااات الله يسعدكم اللي عندها خلفيه ترد علي انا خلصت 9ساعات إختياري واخذت ماده حره من كليتنا "نظام سياسي "لاني مالقيت مادة تناسب جدولي من الكليات الثانيه وخايفة إنهم مايحسبونها لي حره ؟؟!! وبالنسبة للزكويه مع أ.صباح والله يابناات من السبت إلى الأربعاء وانا مداومه عشان يضيفوها لي حتى الأستاذات طفشو مني وطلبت د.سلوى توسعها واخيراا وافقت والدليل غيرت الغرفه صارت 214عشان تكفي 100طالبه ، بس للأسف اللي رفضت أ. صبااح قالت انا مأقدر ادرس هالعدد وعسى ان تكرهوا شيئا وهو خيرا لكم

يا عسوله انتي بتتكلمي عن انو تبغي يضيفولك عند صباح لكن احنا ايش نقول
تخيلي اصلا جدولنا من الاساس عند صباح وقاموا عملوا فينا حركه امس
فتحنا لقينا نفسنا عند هيفاء
واحنا من أول كنا مرتبين على أساس وقت شعبة صباح زكويه
لو كان في نفس الوقت وبس التغيير على الاستاذة مايهم لكن انو نقعد لما الساعة 2 عشان حضرتهم فجأة لعبوا في جداولنا هذا شيء ما يرضي أحد

وبالنسبة لسؤالك ايوه اعتقد يحسبوها لك حره لانو أي ماده من نفس الكليه عادي يحسبوها حره بس انا مو متأكده عشان انتي حتى نظام سياسي من ضمن قائمة المواد الاختيارية
بس مدام انتي خلصتي اصلا الاختياري زي ما قولتلك أعتقد حيحسبوها حره

[الهوى والنور]

بنااااااااااااااااااات احنا بنحاول بشتى الطرق
على الاقل لو يقربون الوقت حق استاذه هيفاء الطيب
الساعه 8 نروح لدكتوره سلوى

[m-als]

طالبة جامعيه
البنك كيف قدمتي عليه ؟؟؟؟

[حأقعد عالكاشير]

انا حضرت يوم الربوع عند أستاذه انيسة مالية 1
بس أعطتنا نبذه مختصرة عن المنهج
وقالت المنهج ننزلوا من موقعها بالتمارين
أعطتنا مواعيد الاختبارات
وقالت الواجبات ماعليها درجات بس اللي تحل معاها طول السنة تحسن لها درجتها في الاخييييير
وأخذت أسماء اللي حضروا كنا 9 بس
وقالت احتماااااال كبير يتغير مكان الكلاس لمبنى 420 قالت راجعوا الأودس
وحتعلق هيا ورقة على مكتبها

وبس بالتوفيق

[نور جدة]

المشاركة الأصلية كتبت بواسطة حأقعد عالكاشير انا حضرت يوم الربوع عند أستاذه انيسة مالية 1 بس أعطتنا نبذه مختصرة عن المنهج وقالت المنهج ننزلوا من موقعها بالتمارين أعطتنا مواعيد الاختبارات وقالت الواجبات ماعليها درجات بس اللي تحل معاها طول السنة تحسن لها درجتها في الاخييييير وأخذت أسماء اللي حضروا كنا 9 بس وقالت احتماااااال كبير يتغير مكان الكلاس لمبنى 420 قالت راجعوا الأودس وحتعلق هيا ورقة على مكتبها وبس بالتوفيق

وحددت مواعيد الاختبارات 3 اختبارات كل واحد عليه 20درجة

[جلكسي]

مين حضر مراجعة 1 مع شريفة الاربعاء , والجوهرة ضريبة . ؟؟

[جلكسي]

وبلييييييز بنات مين عندها علم بالدكتورة في شعبة مالية متقدمة ea مين هي .
وكيف المادة ومين حضرتها الاربعاء .

[نوفا عسل]

بنـات كيف دكتوره اقبال خاطر ...

شعبة اداريه غيروا رغدا وحطو اقبال ..

عطوني فكره بليز

[عطرالورد]

المشاركة الأصلية كتبت بواسطة نوفا عسل بنـات كيف دكتوره اقبال خاطر ... شعبة اداريه غيروا رغدا وحطو اقبال .. عطوني فكره بليز

ياحلوة اصلا أ/رغداء الرملي حامل ووقت ولادتها قرب يعني اغلب موادها محتكملها عشان كذا ماعندها مواد كثيرة