هنا تجّمع بنات المحاسبه (حست في القروبات الثانيه) :)

[حروف البسمه]

بنات مين حضرت ماليه متقدمه 2 مع انيسه؟؟

وضريبيه مع رغدا؟؟

ادو محاضرات؟؟

[نور جدة]

المشاركة الأصلية كتبت بواسطة حأقعد عالكاشير انا حضرت يوم الربوع عند أستاذه انيسة مالية 1 بس أعطتنا نبذه مختصرة عن المنهج وقالت المنهج ننزلوا من موقعها بالتمارين أعطتنا مواعيد الاختبارات وقالت الواجبات ماعليها درجات بس اللي تحل معاها طول السنة تحسن لها درجتها في الاخييييير وأخذت أسماء اللي حضروا كنا 9 بس وقالت احتماااااال كبير يتغير مكان الكلاس لمبنى 420 قالت راجعوا الأودس وحتعلق هيا ورقة على مكتبها وبس بالتوفيق

وحددت مواعيد الاختبارات 3 اختبارات كل واحد عليه 20درجة

[حأقعد عالكاشير]

نوووفا
كيفك يابت لكي وحشة ترانا معاكي في ادارية ^^

والدكتورة إقبال صح إنها مزاجية بس اذا من البداية عرفت انك معاها تمااام وماتغيبي تحطك فوق راسها
وتساعدك في الدرجات وتراعي في التصحيح
واختباراتها حلوة زي اللي تشرحوا
ان شاء الله تنبسطين معاها واصلا المادة يقولوا مرررررررررره سهلة
فإن شاء الله مانتعب فيها


واللي تسأل عن شعبة مالية متقدمة 1 اللي من غير اسم
نازلة مع الدكتورة هيام عبد الفتاح سألت عنها الدكتورة حمدية قالت هذي مررررررره شاطرة
وتقول أنا درستها هذي طالبتي وجدييييييدة هذا اول ترم لها
بس شكلها كويسة وإن شاء الله تطلع تمام


بالتوفيق جميعا

[روزا]

متى مواعيد الاختبارات اللي حددتها ماليه متقدمه 1 ؟
مع أ/أنيسه

[BoBy]

المشاركة الأصلية كتبت بواسطة my silent story السلااآم عليكم بنااات الله يسعدكم اللي عندها خلفيه ترد علي انا خلصت 9ساعات إختياري واخذت ماده حره من كليتنا "نظام سياسي "لاني مالقيت مادة تناسب جدولي من الكليات الثانيه وخايفة إنهم مايحسبونها لي حره ؟؟!! وبالنسبة للزكويه مع أ.صباح والله يابناات من السبت إلى الأربعاء وانا مداومه عشان يضيفوها لي حتى الأستاذات طفشو مني وطلبت د.سلوى توسعها واخيراا وافقت والدليل غيرت الغرفه صارت 214عشان تكفي 100طالبه ، بس للأسف اللي رفضت أ. صبااح قالت انا مأقدر ادرس هالعدد وعسى ان تكرهوا شيئا وهو خيرا لكم

يا عسوله انتي بتتكلمي عن انو تبغي يضيفولك عند صباح لكن احنا ايش نقول
تخيلي اصلا جدولنا من الاساس عند صباح وقاموا عملوا فينا حركه امس
فتحنا لقينا نفسنا عند هيفاء
واحنا من أول كنا مرتبين على أساس وقت شعبة صباح زكويه
لو كان في نفس الوقت وبس التغيير على الاستاذة مايهم لكن انو نقعد لما الساعة 2 عشان حضرتهم فجأة لعبوا في جداولنا هذا شيء ما يرضي أحد

وبالنسبة لسؤالك ايوه اعتقد يحسبوها لك حره لانو أي ماده من نفس الكليه عادي يحسبوها حره بس انا مو متأكده عشان انتي حتى نظام سياسي من ضمن قائمة المواد الاختيارية
بس مدام انتي خلصتي اصلا الاختياري زي ما قولتلك أعتقد حيحسبوها حره

[روزا]

تواريخ هامة ( الاختبارات):
اختبار دوري أول / يوم السبت 22 / 11
اختبار دوري ثاني / يوم الأربعاء 2/ 1
اختبار دوري ثالث / يوم الاثنين 28 / 1



لقيتها في الموقع في الخطه

[نور جدة]

المشاركة الأصلية كتبت بواسطة روزا تواريخ هامة ( الاختبارات): اختبار دوري أول / يوم السبت 22 / 11 اختبار دوري ثاني / يوم الأربعاء 2/ 1 اختبار دوري ثالث / يوم الاثنين 28 / 1 11 لقيتها في الموقع في الخطه

غيرت الدوري الاول صار الاثنين 24/11


بالتوفيق ان شاء الله

[doojy]

بنات في احد عندو التقويم الورقه الي تحي مكتوب الايام بالتواريخ وكدا عشان نسجل الاختبارات والمواد
الي عندها ياريت تنزلها مره محتاجتها ادورها مالقيتها

[mano8ool]

طالبة جامعية الله يعينك ويسهل لك من جد قهر
وانا كمان رحت لبنك الراجحي وقبلوني فية بس ان شاء الله السبت اروح لاستاذتي واقولها عليه

[BoBy]

يا بنااااااااات اللي عندها فقه معاملات
انا نزلت المادة لما ما رضيو يضيفولي ضريبيه فخلاص قولت انزل فقه مدام حمديه تدي
بس لاحظت شيء غريب
دحين في الخطه الماده ساعتين ويومين في الاسبوع
بس الغريب منزلين موعد المحاضرة من 10 الى 11.50كيف كدا !!!
يعني ما تجي المحاضرة مدتها ساعتين !
كيف هو في غلط عندهم والا هو كدا مو فاهمه