اخواتي الطالبات :هنا توضع استفساراتكم ---طالبات فقط

[jean chan]

المشاركة الأصلية كتبت بواسطة nour al3mr ~.. وعليكم الســـلام ورحمـة الله و بركـــــــاته ..~ حيــاك الله ياقمــــــــر.. المواد الحرة .. بمعنى تقدري تنزلي أي مواد من أي قسم آخر غير اللغات .. وتدرسيها وتضمني فيها الدرجه الكامله إن شاء الله .. المـواد العــامة .. عندك العربي 1 و 2.. وكمان الثقافة الاسلاميــــة بجميع اجزاءها .. والادارة العــامة .. هذي مواد عـــامة.. وبـإذن لله اذا اتخصصتي ,, راح تكملي تدرسي باقي مواد الخطــــــة.. يعني لو غلقتي ريدنق و رايتنق 1 .. راح تدرسي بعد كذه الجزء الثاني من المواد ريدنق و رايتنج 2 وتنزل لك باقي مواد الخطه من استماع وتحدث و فرنسي .. نزلـــي ثقافه ونزلي ماده حرة سهله جنب مادتين الانقلش .. وبإذن لله تتوفقي بأعلى الدرجــــــــات.. وأي استفسار تحت أمـــرك ..^^

يعطيكــي العآفيه ربي =) .. ربي يحيكي ..

تسلميلي و الله ربي يوفقك انتي كمآن .. آمين وكل البنات ان شا الله ..

سآعدتيني و الله بس عندي سؤال كمآآن ..

آنآ آختبرت آلآختبآر قبل لا اتخصص حتى .. ودخلت دخول مشروط والين دحين بدون تخصص

اتخصص ولا لا .. ؟ و ازا اخترت التخصص ايش اسوي في المواد حقت القسم نفسها ؟

يعني مثلا لو اتخصصت دراسات اسلاميه .. ماراح ينزلولي مواد ؟

ايش اسوي فيها انا ابغى انزل بس مادتين جنب الريدينق والرايتيق ..

ياريت تردولي ع دا الاستفسار = = ؟؟؟

[CUTE SHOSHO]

يا بنات انا ان شاء الله بروح بكره انزل جدولي
ما تعرفو وين اروح بالضبط علشان ما ابغى الفلف عالفاضي
وجزاكم الله خير

[ام حمدان]

المشاركة الأصلية كتبت بواسطة cute shosho يا بنات انا ان شاء الله بروح بكره انزل جدولي ما تعرفو وين اروح بالضبط علشان ما ابغى الفلف عالفاضي وجزاكم الله خير

تروحي مبنى كلية الاداب
ادخلي من الباب الرئيسي
القسم في اخر الممر الي على يدك اليسار بالضبط
تروحيليهم وهم يقولولك تروحي لفين يمكن لغرفه 119 الي فنفس المبنى او من عندهم مباشرة

بالتوفيق

[Black Rose 2009]

السلام عليكم ورحمة الله وبركاته..
كيفكـم بنات .. سوري بس عندي سؤال ضروري وأبغى مساعدتكم :(
كتاب الانجلش interaction 1 listening & speaking له CD يجي مع الكتاب ..؟
اذا لا .. من وين أقدر أجيب الـ audio عشان الاستماع ؟؟ @@" ؟

[CUTE SHOSHO]

المشاركة الأصلية كتبت بواسطة Black Rose 2009 السلام عليكم ورحمة الله وبركاته.. كيفكـ بنات .. سوري بس عندي سؤال ضروري وأبغى مساعدتكم :( كتاب الانجلش interaction 1 listening & speaking له CD يجي مع الكتاب ..؟ اذا لا .. من وين أقدر أجيب الـ audio عشان الاستماع ؟؟ @@" ؟

ايوه يا قلبي في سيدي مع الكتاب
وفي احد الاخوان جزاه الله خير نزله على ده الرابط
http://www.skaau.com/vb/showthread.php?t=267128

[CUTE SHOSHO]

يا بنات أبغا أعرف مكان مكتبة الهدى اللي في الجامعه
ياريت اللي تعرف تقولي

[شخصية مستهدفة]

بنات أنا أول مرة يصير لي كذا

سددت من يوم السبت والين الحين ما نزلي الجدول ولا الحذف و الاضافه !!!

[~~||* ملكة الأحاسيس *||~~]

المشاركة الأصلية كتبت بواسطة cute shosho يا بنات أبغا أعرف مكان مكتبة الهدى اللي في الجامعه ياريت اللي تعرف تقولي

ياقلبي أنا ما أعرف فين مكانهم بالضبط لكن شوفي هذا رقمهم وإن شاء الله هم يدلونك عن مكان مكتبتهم .
هذا الرقم تفضلي : 026023544

المشاركة الأصلية كتبت بواسطة شخصية مستهدفة بنات أنا أول مرة يصير لي كذا سددت من يوم السبت والين الحين ما نزلي الجدول ولا الحذف و الاضافه !!!

طيب ياقلبي في وحدة تقربلي دفعت الرسوم من الأربعاء الماضي ولم يظهر لها الجدول إلى الآن ولكن نزلت لها أيقونة الحذف والإضافة .
أرجو من الله أن يسهل أمورها وأمورك أن شاء الله .

~ ملكة الاحاسيس ~

[تسالي]

بنات حاولت اضيف مواد حره في جدولي بس الجدول اساسا فاضي شلون احط فيه مواد مع العلم اني ماتخصصت لانه يقولوا مولازم اتخصص ممكن ادرس مواد حره والترم الثاني اتخصص بليز ردوا علي

[سهر]

المشاركة الأصلية كتبت بواسطة تسالي بنات حاولت اضيف مواد حره في جدولي بس الجدول اساسا فاضي شلون احط فيه مواد مع العلم اني ماتخصصت لانه يقولوا مولازم اتخصص ممكن ادرس مواد حره والترم الثاني اتخصص بليز ردوا علي

حبيبتي طيب خانة الحذف والاظافه موجوده عندك؟؟