جميع آلإستفسآرآت هنآ..~

[3ahdoos]

صباح الخير /مساء الخير
مابي اطول اسالئة بس انا انتساب وابي احول انتظام ان شاءالله معدلي 3.38 تقريبا وابي تصميم داخلي ان شاءالله ..
*يقبلوني فالقسم ذا ؟؟
*واش طبيعة الاختبار وكيف يكون تقريبا وهوا لازم للكل ؟؟
* متي يكون الاختبار ؟؟

^احس كنت بسال كثير بس طارت عالعموم لوتذكرت مالي غير الله ثم انتو


شكراا \كوماوواا \اريقاتوو \شيشي \مغسي
بكل الغات شكرا

[الله يفكنا منكم]

هذه الخطة الدراسية لتخصص التصميم الداخلي ؟

http://housing-edug.kau.edu.sa/Pages...ة-الداخلي.aspx

انا السنه التحضيريه درست مهارات التفكير والتعلم
و مكتوب في الخطة الدراسية لتصميم الداخلي مهارات التفكير والبحث

ثاني حاجه مكتوب مادتين لغه انجليزيه 3 و 4
و انا بالسنه التحضيريه درست بس 1 ، 2

يعني اكيد هذه الخطة الدراسيه لتخصص التصميم الداخلي لهذه السنه ؟

و لا الخطه الدراسيه ذي قديمه /:

لاني حابه دحين اخذ المواد العامه لتخصصي في علم الاجتماع و كمان اذا يحتاج انجليزي يصير اضيفهم ؟ رغم علم الاجتماع مافي مواد انجليزي

حتى اقدر ارفع معدلي و احول انتظام و ادخل في اختبار قبول التخصص ان شاء الله

[الله يفكنا منكم]

^
عفوا -ـ-" طلع نظام قديم

+
حابه اسال ماده علوم طبيعيه موجوده في تخصص التصميم الداخلي ؟

و كمان علم نفس عام 121 ؟

و بالنسبه لسؤالك 3ahdoos *ـ*
ايوا ايوا معدلك حلووو ما شاء الله و بتنقبلي يااارب

*واش طبيعة الاختبار وكيف يكون تقريبا وهوا لازم للكل ؟؟

الاختبار يجيبو لك طاوله او كرسي و بيقولولكي ارسميها
و كمان بتكون في اسئله بسيطه و تنعد عدد اصابيعك
و كثير بنات ماعرفو يجاوبو بس كانو في الرسم اوككي *،* و انقبلوو
لا تشيلي هم ،خليكي بس مو متوتره عشان تقدري تعدي الاختبار و انتي مبسوطه يارب

* متي يكون الاختبار ؟؟

الاختبار يكون في بدايه السنه اما شهر 2 او في بدايه السنه الاسبوع الثاني
و مرات يعملو تاجيل للاختبار كل شيء بيكون واضح في الموقع
ادخلي على كليه التصاميم و الفنون و بعدين روحي لقسم التصميم الداخلي بعدين روحي لاخر اخبار الكلية
و شوفي ارشيف الاخبار بيكتوبو في بدايه السنه عن موعد الاختبار و اذا حصل تاجيل كمان بيكتوبو انه تم تاجيل الاختبار لموعد كذا كذا

ان شاء الله قدرت افيدك *ـ* و الله يوفقنا يااارب

[Reina Nina]

بنات كيف اعرف المواد النظرية والعملية في الرسم والفنون
في الموقع مو كاتبين!

حابة أسألكم فن إسلامي نظري ولا عملي؟
وايش المواد النظرية اللي اقدر آخدها الترم الجاي

استنى ردكم
ثـآآنكس

[إبتسآمه أمل]

صباح الليل ع الجميع

أول شي إجازة سعيدة لِ الجميع أتمناها يارب <<بدري I know

وثانياً الخطة الدراسية نفسها نازلة عندي بِ الأودس والفرق بس مهارات التفكير والبحث

المفروض تكون مهارات تفكير وتعلم COMM 102 والإنجليزي إيوا كل الأربع ليفلات موجوده وطبعاً ع حسب ما اتحدد لك من أي مستوى بديتِ فيه بِ التحضيري

يعني فيه بنات ما شاء الله دخلوا ع ليفل 4 من البداية وفي بنات من ليفل 1 بدؤوا وكذا *الزبدة أن الإنجليزي زي ما هوا بِ الخطة*

وعلى فكرة الخطة الدراسية بِ الموقع منظمة كمان أكثر من الأودس لأن الأودس مو كاتب متى ناخذ المواد الحرة والإختيارية تارك لنا الحرية فيها :)

وبِ النسبة لك أختي 3ahdoos :)

يختلف القبول بِ التصميم الداخلي من سنة لِ سنة بِ النسبة لِ المعدل

يعني الدفعة إللي قبلنا قبلوا منهم طالبات أعتقد معدلاتهم 2,5 بس احنا بدؤوا من 3 وفوق عموماً أغلبه بِ يعتمد ع الإختبار بِ إذن الله

ومثل ما قالت لك أختي *الله يفكنا منكم* عن موعد الإختبار وما قصرت بِ التوضيح الله يسعدها وهوا طبعاً لِ الكل

وعندك هذي الموضوعين مفصلة فيها الإختبارين

عـ 2011 ـام

http://www.skaau.com/vb/showthread.php?t=448473

أو هذا عـ 2012 ـام

http://www.skaau.com/vb/showthread.php?t=610321

وإذا عندك استفسارات ثانية استفسري وإن شاء الله كلنا ما بِ نقصر معاكِ بِ شي

بِ التوفيق ,,

[إبتسآمه أمل]

الله يفكنا منكم

مادة علوم طبيعية ما حصلتها عندي بِ الخطة لا بِ المواد الأساسية ولا بِ الإختيارية

وبرضو علم نفس عام نفس الشيء يَ قلبي ,,

بِ التوفيق ,,

[إبتسآمه أمل]

Reina Nina

أنا مو رسم وفنون بس هذي الخطة إللي بِ الموقع

http://art-education.kau.edu.sa/Pages-StudyPlanArt.aspx

واضح عندك المواد إذا كانت عملية *تطبيقية* أو نظرية

وكمان أتوقع الخطة جديدة لأن آخر تحديث لها كان بِ تاريخ 19/2/2013

والفن الإسلامي واضح أنه عملي ونظري

أعطيتك الخطة وشوفي المواد النظرية لك ع حسب مستواك

بِ التوفيق لك ,,

[fatema ayman]

سؤال ، دحين التسجيل في اختبار التصميم الداخلي يكون من الموقع
ولا لازم نروح الجامعة ونسجل من هناك ؟

[Reina Nina]

المشاركة الأصلية كتبت بواسطة إبتسآمه أمل reina nina أنا مو رسم وفنون بس هذي الخطة إللي بِ الموقع http://art-education.kau.edu.sa/pages-studyplanart.aspx واضح عندك المواد إذا كانت عملية *تطبيقية* أو نظرية وكمان أتوقع الخطة جديدة لأن آخر تحديث لها كان بِ تاريخ 19/2/2013 والفن الإسلامي واضح أنه عملي ونظري أعطيتك الخطة وشوفي المواد النظرية لك ع حسب مستواك بِ التوفيق لك ,,

مرررررهـ شكراً يا قلبي وجزاكِ الله خير
قد ما ادخل الموقع ما جات عيني عليها
الله يوفقك دنيا وآخرهـ

[إبتسآمه أمل]

يَ بعدي إنتِ العفو رغم أني ما سويت شي

وما عليك كلنا تصير معانا أحياناً من التوتر والعجلة ،، ولكِ بِ المثل يارب

Fatema Ayman

يَ قلبي أول ما تبدأ الدراسة بِ تروحين لِ كلية التصاميم والفنون

بِ يعطونك ورقة ترتبين فيها رغباتك بِ الأقسام *تصميم داخلي - تصميم أزياء - رسم وفنون*

وتكتبين معدلك ونسبتك كمان <<هذا إللي أفتكره

وإذا كان معدلك هو المعدل المطلوب لِ قسم التصميم الداخلي وكانت أول رغباتك هي التصميم الداخلي بِ يسجلون اسمك

وبِ يوم الإختبار راح ينادون الأسامي وبِ تختبرين وإن شاء الله خير

بِ التوفيق لِ الجميع ,,