هنا نقهر الستيب معـا - (متجدد)

[ولهانة]

بنات اله يسعدكم قولولي كيف اختبار الكفايات سهل اوصعب لاني متحطمة مرة من كثر ما اختبر ببديل التوفل وما انجح مستواي يعني مو مرة ريحوني الله يريحكم والسماعي كيف لاني خايفة منه ما افهمه وشلون اقوي نفسي تعبت

[بنت جدة المنكوبة]

هلا لينا
أبغى شرح للجمل الظرفية
زي whenمتى أستخدمها whereverمتى أستخدمها ماأبغى زي المواقع كاتبين جميع هادي الظروف إنو أستخدمها للزمان
أبغى كل كل أداة في ظرف الزمان متى أستخدها

مثلا في الجمل الظرفية لقيت شرح مرا حلو
عن متى أستخدمspite of ,despite
ومتى أستخدم though,although
بليز الله يسعدك الدرس دا لي يومين قاعدة عليه ومرا تعبني
أبغى شرح أنواع الجمل الظرفية

[R_Meral_M]

أنا سجلت في اختبار ستيب واخترت علمي مو عام ايش اسوي هل هو نفسه؟

[leenah2010]

ولهانة، هلا بك يا عمري.. مقدرة حالك بس ما ينفع تدخلي الاختبار وانتي متحطمة..
مستوى الاختبار يختلف حسب أراء الناس ومستوياتهم، فالأهم تستعدي زين ويكون عندك
يقين بالنجاح بإذن الله، يعني تتحدي نفسك وتستعيني بربك وتكثفي المذاكرة الفترة ذي،
أما إذا حاسة إنه يبغى لك تقوية فما عندك إلا تؤجلي ترم، وتدخلي معهد، وبعدها تختبري
وانتي بخير.. موفقة إن شاء الله..

R_Meral_M، سوي تعديل وغيري من علمي لعام، عندك موعد متاح يوم 1-8،
سجلي فيه بسرعة، ولو تبغي أقول لك كيف بالتفصيل ما عندي مانع..
بنت جدة، بحاول أساعدك قد ما أقدر بإذن الله إن حصلت وقت لأني مشغولة اليومين هذي..

[العلم حياتي]

ربنا يوفق الجميع

[leenah2010]

سلام كيفكم؟ من زمان عنكم! <<لا يا شيخة

المهم يا شبان ويا شابات، جايتكم طيراااااان ومعي مفاجأة المفاجآت <<لا يروح خيالكم بعيد مرة

هذا يا طويلين العمر كتاب عربي يشرح القرامر <<يمكن هو اللي عندك يا بنت جدة

شكل الكتاب من جوا وألوانه وطريقة الشرح يوحون بالسعادة والراحة النفسية البالغة
وهذا أهم شيء لطلاب الدراسات العليا في أوقاتهم العصيبة

اسم الكتاب:
Express English
الانجليزية السريعة



يشرح قواعد اللغة الانجليزية باللغة العربية..
تأليف: عمر الحوراني
الإصدار: 3.8
السنة: 2009
عدد الصفحات: 264 صفحة

ما يميز هذه النسخة عن النسخة الأصلية هو أنها تحتوي على
فهرس لفصول الكتاب مما يجعل تصفح الكتاب أكثر سهولة..

* ضــــــــــــــروري ولاااااااااازم تحملـــــــــــــــوه *

رابط التحميل:
حتلاقوا تحت أرقام، دخلوها في المربع واضغطوا submit
وفي الصفحة اللي بعدها تحت الصور مباشرة تشوفوا عد تنازلي بالأحمر، انتظروه بعدين اضغطوا تحميل
http://www.abowaleed.org/download.php?id=B7E3B1DB1

وكمان جبت لكم كتاب عربي ثاني اسمه تبسيط اللغة الانجليزية، صحيح التصوير مغبش،
لكنه كتاب ممتاز، تفضلوا الرابط:
اختاروا free user وانتظروا العد
http://rapidshare.com/files/17348263...ed_English.pdf

وهنا سلسلة من الشروحات العربية للعضوة فتاة الورود -الله يعطيها العافية- في المنتدى العربي الموحد:
http://www.4uarab.com/vb/showthread.php?t=41725

وهذا موقع انجليزي قوي لشرح القواعد:
http://www.englishpage.com/verbpage/verbtenseintro.html

ووبس، أتمنى لكم جميعا الفائدة، وطبعا أي أسئلة أنا حاضرة..

العلم حياتي، آمين يا رب.. نورتينا بطلتك الغالية..

[بنت جدة المنكوبة]

لا مو هو
وحدة نصحتني بكتاب تقول را حلو
إسمو اللغة الإنجليزية لجميع المستويات
لمحمد الصغير يباع في جرير بكرة حأشتريه
لأن هي زاكرت منو تقول مرا مفهوم

[R_Meral_M]

لما جيت اغير لعام طلعلي انه انت مسجل بنفس المركز سابقا
يعني العلمي هو نفس العام؟
ضروري تردو علي

[leenah2010]

والله أنا شيكت عليه دوبي ولقيت إنه العلمي والعام لهم نفس رمز الموعد،
مع إنه العلمي خاص بالثنوي، لكن احتمال يكونوا نفس الاختبار..
دقي على الرقم الموحد للمركز أفضل..

[عنفوان الصبا]

جــــــــــــــــــــــــــــــزاك الله خيـــــــر لينا

الله يسعدك ويوفقك