{..تنظيـم الجدآول و اختيـآر المـوآد للفصل الدرآسي الجديد..طـآلبـآت الإنتساب..}

[غاوية نجاح]

مو معقوله بعد ما أضفت مناهج البحث حذفولي ياها .. مع اني اخذت ادب الترم الي فات ... والحين الشعبه فل .. قسم شي يقهر يعني نستر ع الاودس عشان نضيف المواد وبالاخير ارجع الاقيها محذوفه !!!!!!!!!!!!!
لو رحت عند جميله بكره تضفلي ياها ؟؟

[ام حمدان]

المشاركة الأصلية كتبت بواسطة ركن المشاعر احد يساعدني انا جدولي كالتالي مناهج بحث ريدنق تو مقدمة في الترجمه علم نفس شخصية كمادة حرة وابغا احط الصوتيات مو راضية تدخل معي ومو عارفة اذا بيفتحو شعب او لا ومناهج البحث يقولو ما اقدر ادرسها واني لازم احذفها طيب المشكله اني مو متاكده من الصوتيات انها تنفتح الشعب ويحذفولي مناهج البحث يعني راح يكون جدولي مقدمة في الترجمه علم نفس شخصة ريدنق تو طبعا قليل وانا ابغا خمس مواد على الاقل علما باني خلصت مواد الثقافة كلها وخلصت مبادئ ادارة عامة وش الحل بارائكم؟ اخذ مادة حرة ثانيه عادي بجانب علم نفس شخصة؟ حتكون اربع مواد طيب الخامسة كيف؟

ياقلبي جدولك كله غلط ماينفع تآخذي هالمواد لها متطلبات وانتي ماخلصتيها
يعني مناهج بحث لازم تكوني درستي رايتنق2 وكمان خلصتي الادب وبعدها تقدري تدرسيه
والادب ماتقدري تاخذيه الا لو خلصتي ريدنق2 واني تقولين لسى ماخلصتيه
والصوتيات واي ماده من مواد اللغويات ماتقدري تاخذيها الا لمن تخلصي مقدمة في اللغويات

وعلم نفس الشخصيه الغوها وماصارت حره المواد الحره المتاحه موجوده رموزها عندك في قائمة المواد في الحذف والاضافه

تقدري تىخذي بدالها علم نفس النمو بس اسئلي بنات علم النفس من افضل وحده تعطيه من الموجودين في قائمة الشعب رمزهاpsy241
وممكن كما تاخذي السيره النبويه والخلفاء الراشداين يقولوا دسمه شويه بس سهله ومعلومتها كانها مراجعه لك وافضل وحده تديها عايشه قيسي وكمان يقولوا ناديه قربان كويسه
رمزهاhist221
الماد الي تقدري تاخذيها
ترجمه --اذا كنتي خلصتي رايتنق2 تقدري تاخذيها
ريدنق2--لانك ماخلصتيه
مقدمة في اللغويات --اذا كنتي خلصتي ليسننق2 تقدري تاخذيه
ومادتين حره

موفقه ياعسل

المشاركة الأصلية كتبت بواسطة ebtesam ثانكس ام حمدان ايش رايكم يابنات هذا جدولي مناهج بحث صوتيات دراما لغويات تطبيقيه لغويات اجتماعيه تدريب عملي في الترجمه كنت باخذ فكشن بدل لغويات تطبيقيه بس لما عرفت انه مع شادن غيرت رايي والى ماخذه تدريب تقولي كيف طريقته لووووو سمحتو

موادك احسها دسمه بس مااقدر افيدك مااخذتهم لسى إن شاء الله يفيدونك الي درسوا المواد ذي
موفقه قلبو

المشاركة الأصلية كتبت بواسطة ركن المشاعر مو لها متطلبات يا المواد الثانيه؟ ولازم اكمل هالمواد اللي عندي؟ بعدين ما اقدر اخذ ادب لان الادب متطلبها الريدنج تو وانا ما خلصته يعني ما ينفع اخذه صح؟

ايوه ماينفع تاخذيه

المشاركة الأصلية كتبت بواسطة mycat بنات في وحدة جابت كتاب المورفولوجي ?لاني رحت مكتبة الامين وقلي هم كتابين عاوزة انهي واحد فيهم .وطبعا جوابي كان ....مادري قام قلي اسالي صحباتك وتعالي خدي الي انت عاوزاه .فسؤالي ايش هو الي مطلوب .>>>>>>>>>صار فيلم هدا مو سؤال هههههه

ايوه اشتريتها اظن اخوي جابها لي من خوارزم
هي على غلافها مكتوب

lane 333
morphology
الصرف
طلاب
((انتظام -انتساب))
2010

والصفحه الثانيه مكتوب عليها اسم الكتاب والمؤلف
word structure

Richard Coates

هذي هي الملزمه المطلوبه مننا

المشاركة الأصلية كتبت بواسطة غاوية نجاح مو معقوله بعد ما أضفت مناهج البحث حذفولي ياها .. مع اني اخذت ادب الترم الي فات ... والحين الشعبه فل .. قسم شي يقهر يعني نستر ع الاودس عشان نضيف المواد وبالاخير ارجع الاقيها محذوفه !!!!!!!!!!!!! لو رحت عند جميله بكره تضفلي ياها ؟؟

وانا كمان حذفوها مع اني خلصت الادب
انا خلاص واصل ضغطي مليون من تصرفاتهم الي مرره مو وقتها والمشكله مااقدر اروح لهم وماعندي شي بديل للبحث وماابغى افوته مع مس نجوى مايتعوض الكورس ابداً
اذا تقدري تروحي وتسئلي مس جميله عن سبب حذفها يكون افضل بس لاتروحي بكرى روحي الثلاثاء لانها ماتتواجد الا احد وثلاثاء
الله يعين

[ركن المشاعر]

ام حمدان يسلمو على الرد
بالنسبه للجدول خلاص سويته
مقدمة في الترجمه
ريدنج تو
وعلم نفس النمو وعلم نفس الشخصية لقيتها عندي واخذتها وهي مازالت مادة حرة مين قال انها مو حرة واللحين هي بجدولي
بس ناقصني اللغويات للحين الشعب مليانه

[ركن المشاعر]

انا غلط انا اقصد اللغويات وقلت الصوتيات سوووري
بس متى بيفتحوها شعب اللغويات لازم اخذها هالترم واخلصها
ومتى بتبدأ دورتنا في بنات يقولو انها بتبدا يوم 12/4

[ام حمدان]

المشاركة الأصلية كتبت بواسطة ركن المشاعر ام حمدان يسلمو على الرد بالنسبه للجدول خلاص سويته مقدمة في الترجمه ريدنج تو وعلم نفس النمو وعلم نفس الشخصية لقيتها عندي واخذتها وهي مازالت مادة حرة مين قال انها مو حرة واللحين هي بجدولي بس ناقصني اللغويات للحين الشعب مليانه

انا رحت الاثنين الي فات اسئل عن القائمة الجديده واخذتها منهم
وهي نفس الي نازله الان في ايقونه الحذف والاضافه
وشيكي عليها راح تلقي انه رمز علم نفس الشخصيه وعلم نفس اجتماعي اختفوا الي هم psy345-psy351
لانه انا كنت بضيف علم نفس شخصيه وفجاه لقيته اختفى وكنت من قبل يختفي الرمز اضفت علم نفس اجتماعي يعني موجوده في جدولي من قبل تتغير القائمه وبما ان القائمه تغيرت عارفه بيطفشوني وماراح يخلوني ادرسها فحذفتها

وللغويات عادة يكون 3 شعب فممكن يفتح شعبه وممكن لا الله اعلم
بس معقوله الشعبتين الاثنين يتعارضوا معك ؟
ولا انتي تبغي شعبه مس منى البلوي وهي للان فل ؟--اذا كذا عادي سنتري لغايه ماتتوسع وتقدري تضيفيها لاتشيلي هم عاجل ولا اجل بتضيفها

المشاركة الأصلية كتبت بواسطة ركن المشاعر انا غلط انا اقصد اللغويات وقلت الصوتيات سوووري بس متى بيفتحوها شعب اللغويات لازم اخذها هالترم واخلصها ومتى بتبدأ دورتنا في بنات يقولو انها بتبدا يوم 12/4

ابغى اعرف من فين الكلام ذا
لاتسمعي لاحد دورتنا بتبدا زي ماهو مكتوب في التقويم 19/5 غير هالكلام لاتصدقي
وعن اللغويات قلتلك لاتشيلي هم خلال الفتره ذي اكيييييد بتتوسع شعبه مس منى البلوي وبتقدري تضيفيها لانه شكلك تبغي الشعبه ذي بس عشانها فللا مو قادره تضيفي الماده
اصبري وسنتري على الاودس وربي يسهلك اضافتها

بالتوفيق

[SσσσMαα]

ايش الكلام ذاااااا بالله على كيفهم يحذفون المواد من الجدول ترا الجداول لها حرمتها عييييييييييييييييييييييييييييييييييييييييب لازم الواحد بعد ما يضيف المواد يطبع الجدول عشان اي حذف او خطا مو من الطالبه هم يتحملون مسؤليته بصراحه شي عجيب ان الجدول يسبب لنا ازمه مو كفايه الدوره متاخره ومو عارفين راسنا من رجولنا

[ѕυрзя пıdσ]

انا عندي المواد زي ماهيا ماحذفو حاجة

وام حمدان بما انك رحتي وسألتي عن المواد الحرة يعني علوم القران خلاص ماحتكون موجودة ابداً ؟؟

اخاف يسوو زي الترم الي فات وفي نص الدورة نزلو مواد حرة جديدة بعد مابدت المحاضرات

يعني خلاص هيا هادي نعتمد عليها ؟؟؟

[mycat]

بنوتات مين منزلة علم نفس النمو انا منزلته ورحت اجيب الكتاب من مكتبة خوارزم الي جوة الجامعة بعدين الاخت الي بتبيع الكتب قالت لي هم كتابين انت تبي اي كتاب فمين نزلت المادة وجابت الكتاب ؟؟؟؟؟؟؟؟؟؟؟؟؟؟

[ام حمدان]

المشاركة الأصلية كتبت بواسطة ѕυрзя пıdσ انا عندي المواد زي ماهيا ماحذفو حاجة وام حمدان بما انك رحتي وسألتي عن المواد الحرة يعني علوم القران خلاص ماحتكون موجودة ابداً ؟؟ اخاف يسوو زي الترم الي فات وفي نص الدورة نزلو مواد حرة جديدة بعد مابدت المحاضرات يعني خلاص هيا هادي نعتمد عليها ؟؟؟

من جد يعني ماحذفولك البحث ؟؟
طيب ليه حذفوه لنا مع اننا مخلصين الادب ؟
شي ينرفز
اما عن المواد الحره
حبيبتي انا رحت لادارة الانتساب يوم الاثنين وقلت لهم ابغى لسته المواد الجديده لهذا الترم
وقالتلي وحده من الموظفات اسحبي لك ورقه من الي موجوده على الطاوله هي هذي اللتسه الجديده واخذت ورقه وقريت الي فيها كلها نفس الي موجوده في الاودس الان يعني علوم قران وعلم نفس شخصيه وعلم نفس اجتماعي انلغوا ماعادوا مواد حره
حتى سئلتها عن علم نفس اجتماعي لانه كان في جدولي قلتلها طيب انا عندي ماده من اللسته الي قبل ومازالت في جدولي هل اخليها ولا بتنحذف قالت ماادري اسئلي مرشدتك لو قالتلك عادي خليها ولو قالت لا احذفيه
وانا اذكر مس جميله الترم الي فات ماخلتنا نضيف المواد الي مو موجوده في اللسته فعشان اتجنب المشاكل حذفت الماده وحطيت بدالها علم نفس نمو مع اني م مقتنعه فيها ولسى بسئل عنها والمشكل محاضراتها بدات لانها سنترا وانا مااعرف اتعامل معاه والنت عندي هالايام مو تمام
عموما لو تحبي تتأكدي اكثر بإمكانك تروحي للجامعه وتاخذي نسخه من اللسته الجديده +تسئلي مس جميله
لانه لمن رحت ماكانت موجوده هي تتواجد احد وثلاثاء وانا رحت الاثنين

المشاركة الأصلية كتبت بواسطة mycat بنوتات مين منزلة علم نفس النمو انا منزلته ورحت اجيب الكتاب من مكتبة خوارزم الي جوة الجامعة بعدين الاخت الي بتبيع الكتب قالت لي هم كتابين انت تبي اي كتاب فمين نزلت المادة وجابت الكتاب ؟؟؟؟؟؟؟؟؟؟؟؟؟؟

انا منزلتها من امس وماادري عنها شي يبغالك تسئلي بنات الشعبه الي انتي فيها عن كتابهم الي طلبته الاستاذه اسئلي في قسم علم النفس افضل

[ѕυрзя пıdσ]

الله يعطيكي العافية يآآرب كفيتي و وفيتي مافي داعي اروح الجامعة

وخلاص اخترت الدولة العثمانية من قسم التاريخ يعني كلو حفظ في حفظ ودوامها مع بقية المواد

وعلم النفس على قولك سنترا ومن هنا لوقت الدورة الله يسهل لنا أمورنا وكل شي يتسير بإذن الله