تجمع الطلاب المستجدين في كلية العلوم الطبية التطبيقية

[JoudY]

المشاركة الأصلية كتبت بواسطة اميره بضحكتي والله انا مررررا محتاره بين تغذيه+ مختبرات + تقنيه طبيه ( هدا التخصص ما سمعت احد يتكلم عنو)^^" انا رغبتي اشعه بس اهلي رافضين يقولوا انها خطيره ><

شوفي يا سيتي ناس كتير عندهم مخاوف من الاشعه وخصوصا البنات
انا تخصصي مووش أشعه بس عرفت انو اللي يشتغلو في مجال الاشعه عندهم جهاز صغير كدا يعلقووه يقيس الاشعه اللي تتعرضلها جسمك وفي مقدار معين المفرووض ما تتجاوزيه في مدة معينه
لو تجاوزتيه يبعدوكي عن الاشعه شويا ... ما راح افتي اكتر من كدا لانو دا اللي اعرفو
ولو في كلامي حاجة غلط ياريت احد من حقون الاشعه يصحح كلامي ويفيدوكي

وتخصصاتنا اللي في الكليه تغذيه ومختبرات وأشعه وعلاج طبيعي
اما تقنية طبية مافي حاجة زي كدا .. بس في ناس كتير يسمو كليتنا تقنية طبية

[اميره بضحكتي]

المشاركة الأصلية كتبت بواسطة joudy شوفي يا سيتي ناس كتير عندهم مخاوف من الاشعه وخصوصا البنات انا تخصصي مووش أشعه بس عرفت انو اللي يشتغلو في مجال الاشعه عندهم جهاز صغير كدا يعلقووه يقيس الاشعه اللي تتعرضلها جسمك وفي مقدار معين المفرووض ما تتجاوزيه في مدة معينه لو تجاوزتيه يبعدوكي عن الاشعه شويا ... ما راح افتي اكتر من كدا لانو دا اللي اعرفو ولو في كلامي حاجة غلط ياريت احد من حقون الاشعه يصحح كلامي ويفيدوكي وتخصصاتنا اللي في الكليه تغذيه ومختبرات وأشعه وعلاج طبيعي اما تقنية طبية مافي حاجة زي كدا .. بس في ناس كتير يسمو كليتنا تقنية طبية

يب يب انا عارفه هدا الكلام انو في جهاز صغير ^^


بس اهلي مو راضين لا بجهاز ولا بغيروا وانا هدا التخصص داخل دماخي


شكلي راح اعاند وادخلوا



اما بالنسبه لتخصص التقنيه الطبيه انا كونت احسبوا موجود في الجامعه عندنا لكن مع الاسف طلع مو موجود عندنا


التخصص دا يدرسوا فيه الاجهزه الطبيه


ويسلمو ع الرد ^^

[Eclairé~]

صباح الخير ،
مجرد تسجيل حضور في التجمع
واحلا تقييم للموضوع

[سكر الحياة]

المشاركة الأصلية كتبت بواسطة اميره بضحكتي اما بالنسبه لتخصص التقنيه الطبيه انا كونت احسبوا موجود في الجامعه عندنا لكن مع الاسف طلع مو موجود عندنا التخصص دا يدرسوا فيه الاجهزه الطبيه ويسلمو ع الرد ^^

التخصص هذا موجود في كلية الهندسة (هندسة طبية ) و يندرج من تخصص الهندسة الكهربائية لكن هذا التخصص متاح بس للطلاب

[PinKyah]

المشاركة الأصلية كتبت بواسطة اميره بضحكتي يب يب انا عارفه هدا الكلام انو في جهاز صغير ^^ بس اهلي مو راضين لا بجهاز ولا بغيروا وانا هدا التخصص داخل دماخي شكلي راح اعاند وادخلوا اما بالنسبه لتخصص التقنيه الطبيه انا كونت احسبوا موجود في الجامعه عندنا لكن مع الاسف طلع مو موجود عندنا التخصص دا يدرسوا فيه الاجهزه الطبيه ويسلمو ع الرد ^^

التخصص اسمه هندسة طبية حيوية الحين فتحوهـ في جآمعة الدمآم لاول دفعه

للاسف في جآمعتنآ مافي تخصصآت جديدهـ ونادرهـ

[Jo0o0oly]

سسلآمو للجميع ..

مبرروك لكل اللي انقبلو ^^

انا ذحين اتخصصت تمريض .. بسس أبي احول علآج طبيعي ممكن ولآ لآ ؟

وإذآ اقدر ممكن احد يقولي كيف ؟ وبسسس

[memo_o]

وي وي والله دوبي اكتشف شي

شي غريييييب

غريب مرررره

لدرجة اني ماصدقتو اول ماكتشفتو

واستغربت

استغرااااب استنكاااااري

انصدددددددددددددددمت






































لا والله استهبل << ابا اتبكس

بس ياجماعه الحين اللي اتخصصو من التحضيري على دي الكليه على طول انقسمو قسمين تمريض ومختبرات

لكن انا الله يسلمكم اتسكنت اول شي في الاثتصاد المنزلي
وبعدها حولت على كلية العلوم التطبيقه

ولمن دخلت عالاودوس مكتوب عندي بس كلية العلوم التطبيقيه
يعني مو مكتوب لا تمريض ولا تقنية مختبرات

شـ السالفه حادرس الاثنين ولا كيف ؟؟؟

[H-92]

لو سمحتوا بس ابغى اعرف لو الإدارة في الكليات الصحية

تكون موجودة في رمضان اولا ؟

و لو موجودين متى يداوموا ؟

أتمنى تفيديوني والله مافيا اضرب مشوار للجامعة على الفاضي

وجزاكم الله خير

[MiZ RoRy]

أنا طالبة طب سنة تانية

ابا احول لكلية العلوم التطبيقية .. انا شايفة انو كل الطلاب حقون التحضيري اتسكنو خلاص

انا من زماااااااااااااااان حطيت اني ابا احول

متى راح يحولوني للكلية ؟؟ مع حقون الصيفي ؟؟

وهل حيبقالي مكاني في الكلية ؟؟

ولا راح اتهجول بداية السمستر .. وعبال ما احول قيد كل الطلاب اختاروا تخصصاتهم ؟؟

وكمان .. انا اخدت بيوكيم واناتومي سنة تانية طب

وحسب ما سمعت مررررررررررررا يختلفو عن الاناتومي حق الطب عن اناتومي التخصصات التانية ..

عشاننا اخدنا وقتها حوالي 4 مدري 5 كتب ... ومرررا نزّل معدلي

هل اقدر اخد الاناتموي تاني .. ولا راح تتعادل ؟؟

عشاني ناسية كل اللي فيه حقيقة ..

[weddah]

المشاركة الأصلية كتبت بواسطة memo_o بس ياجماعه الحين اللي اتخصصو من التحضيري على دي الكليه على طول انقسمو قسمين تمريض ومختبرات لكن انا الله يسلمكم اتسكنت اول شي في الاثتصاد المنزلي وبعدها حولت على كلية العلوم التطبيقه ولمن دخلت عالاودوس مكتوب عندي بس كلية العلوم التطبيقيه يعني مو مكتوب لا تمريض ولا تقنية مختبرات شـ السالفه حادرس الاثنين ولا كيف ؟؟؟

انتي لمن طلبتي التحويل ما حددتي تقنية أو تمريض؟
أنصحك تكلمي الشؤون عشان تعرفي موقعك
ولو طلعتي تقنية يصير تختاري بين الاقسام الاربعة

ولو احد عنده خلفية يساعدوك ان شاء الله
موفقة يارب