3 تجمع المرشحين والمرشحات برابغ 3

[fresh water]

جزاكم الله خير

هل من جديد ؟؟؟؟؟؟؟؟؟؟؟؟؟

[Key]

بالنسبة لي حتى الناس الي أعرفهم بالجامعة لمن صرت اسألهم عن هذا الموضوع يقولوا لي بكرة نرد لك خبر و يختفوا. ما ادري بصراحه اييييييش السالفة

[fresh water]

طفشو مننا :(

[حافظة الود]

بالنسبة لي اتصلت اليوم وكلمت حسن حريري وكلامه كان انه مافي شي الى الان قلتله طيب فيه محاضرة تاريخ تعيينها قبلي بيوم وطلعلها رقم واحنا لا هل معقول انه عشان الفرق يوم ننتظر هذا كله؟ وهل الانتظار هوة الحل ولا فيه شي المفروض يصير من جهتكم يعني تطلبوا توفير أرقام لنا من الجهات المعنية. والله يا بنات كأني اكلم نفسي وكانه هوة يردد شريط واحد يقول لي لمن تجي رح نتصل بكم . قلتله متى طيب ممكن نقعد سنة قال الله اعلم لمن تجي رح نقول لكم. والله كبدي انفقعت منه.
المهم انا والله لو كنت واحد من الشباب لا ادخل عالدكتور عبدالرحمن اليوبي وكيل الجامعة وأقول له عن مشكلتي. لانه مو صح اللي صاير لنا.ولا نظام توظيف في اي جهة حكومية فيه انتظار لهذي المدة كلها. والله لية زميلات محاضرات ومعيدات انتظروا اكثر شي 3 اشهر وطلعت ارقامهم. اختي معلمة ثانوي في شهر طلع رقمها الوظيفي وباشرت
لا تقولوا محاضرين تتأخر ارقامكم طيب ليش يعني المحاضرين من القوم المغضوب عليهم ولا المستبعدين في الارض!!!!
والله هذا شي غير مقبول إطلاقا. اتمنى من اخواننا الشباب النظر في الموضوع. مع الدكتور اليوبي. لاني سمعت انه رجل عدل ولا يرضى بالفوضى والتسيب.

[Manalsb]

في وحده معنا كان اسمها كريستال الحربي و قعدت سنه حتي جاها الرقم الوظيفي
الغريب يابنات انه فرع رابغ في احتياج كبير فالمفروض رئيسة القسم هناك هي الي تتكلم فليش ما نتواصل معاها !! و هي الي تخاطبهم.

[Fareed97]

السلام عليكم
من فترة و انا اتابع الموضوع و مثلكم اتصل و اراجع و يقولو من اسبوع الى اسبوعين بس اليوم اتصلت على وكيلة كلية الحاسبات الدكتورة وديعة وقالت لي ان كل المعيدين باشرو باقي بس المحاضرين وهي في احتياج قمت قلت لها ان كلنا ننتظر الارقام و كل ما نتصل ونسال يقولو اسبوع لاسبوعين و ردت علي رد غريب يابنات قالت انهم مايستحدثو ارقام وظيفية بس ينتظرو وظيفة محاضر تفضى وويوظفو عليها شخص ثاني يعني ينتظرو محاضرين يترقو للدكتوراه و احنا ناخذ ارقامهم مو مثل المعيدين يعني الشغلة تطول
فما اقول الا لو اننا توظفنا على معيدين افضل من المرمطه هذي
الله يصبرنا ندرس و نتعب واخرتها ذي
بالتوفيق للجميع

[Fareed97]

المشاركة الأصلية كتبت بواسطة manalsb في وحده معنا كان اسمها كريستال الحربي و قعدت سنه حتي جاها الرقم الوظيفي الغريب يابنات انه فرع رابغ في احتياج كبير فالمفروض رئيسة القسم هناك هي الي تتكلم فليش ما نتواصل معاها !! و هي الي تخاطبهم.

الوكيلة فعلا في احتياج بس شكله مافي يدها شي للاسف

[Key]

المشاركة الأصلية كتبت بواسطة fareed97 السلام عليكم من فترة و انا اتابع الموضوع و مثلكم اتصل و اراجع و يقولو من اسبوع الى اسبوعين بس اليوم اتصلت على وكيلة كلية الحاسبات الدكتورة وديعة وقالت لي ان كل المعيدين باشرو باقي بس المحاضرين وهي في احتياج قمت قلت لها ان كلنا ننتظر الارقام و كل ما نتصل ونسال يقولو اسبوع لاسبوعين و ردت علي رد غريب يابنات قالت انهم مايستحدثو ارقام وظيفية بس ينتظرو وظيفة محاضر تفضى وويوظفو عليها شخص ثاني يعني ينتظرو محاضرين يترقو للدكتوراه و احنا ناخذ ارقامهم مو مثل المعيدين يعني الشغلة تطول فما اقول الا لو اننا توظفنا على معيدين افضل من المرمطه هذي الله يصبرنا ندرس و نتعب واخرتها ذي بالتوفيق للجميع

ما اعتقد أبدا ان الموضوع متوقف علي ترقية معيدات لان المعيدات يتم ابتعاثهم للماجستير و الدكتوراه و لا يعودون الا بالدكتوراه و تتم ترقيتهم من معيد لأستاذ مساعد بعد 6 سنوات.
معنى كلامها ان راح ننتظر لسنوات !!!!!
حتي المحاضرة يتم ابتعاثها للدكتوراه لمدة 4 سنوات و ترجع للترقية

لو حناخذ علي كلامها بانه فعلا هو دا الي بيحصل ، راح ننتظر ما لا يقل عن 4-5 سنوات
حتي نتوظف. لا لا لا أبدا مؤ داخله راسي
عموما قدرة الله و قدرة فوق كل شئ. و متى ما كتب الله لي الرزق راح أخذه.

[Fareed97]

المشاركة الأصلية كتبت بواسطة key ما اعتقد أبدا ان الموضوع متوقف علي ترقية معيدات لان المعيدات يتم ابتعاثهم للماجستير و الدكتوراه و لا يعودون الا بالدكتوراه و تتم ترقيتهم من معيد لأستاذ مساعد بعد 6 سنوات. معنى كلامها ان راح ننتظر لسنوات !!!!! حتي المحاضرة يتم ابتعاثها للدكتوراه لمدة 4 سنوات و ترجع للترقية لو حناخذ علي كلامها بانه فعلا هو دا الي بيحصل ، راح ننتظر ما لا يقل عن 4-5 سنوات حتي نتوظف. لا لا لا أبدا مؤ داخله راسي عموما قدرة الله و قدرة فوق كل شئ. و متى ما كتب الله لي الرزق راح أخذه.

هو الموضوع مو متوقف على ترقي المعيدات بل ترقي المحاضرات انا اللي فهمته انه مثل نظام المرتبات في الخدمة المدنيه ما تترقي الا اذا فيه مرتبة فاضية ارجو اني وصلت الفكرة

[عبدالله3]

أنا طفشت ما عاد باتصل عليهم
أمر عليهم كل أسبوع مرة أفضل
الله يوفقنا