براكتكم 2 الترم الثاني ....

[Ro0oda]

المشاركة الأصلية كتبت بواسطة nadoy لييييييييييييييييييييييييييش لاتقولي انك بتحولي

لا لقيتهم غيرولي ياها

[مييمو]

المشاركة الأصلية كتبت بواسطة سماء جده ميمو لو سمحتي طيب ممكن تديني عالخاص رقم اتصل عليهم منو اعرف حيقبلوني ولا لا مس الاء قالتلي روحي جربي كلميهم لكني مني عارفه كيف اوصلهم لاني ماقدر اروحلهم بنفسي فاابغى اتاكد ازا اكتفو ولا لا

حياتي انا ماعندي الرقم بس بحاول اجيبه لك وارسل لك هو عالخاص بكرا

بالنسبة لمكانهم هم قريبين من الجامعة مدري اذا تعرفي مدارس دار الفكر اللي قبال الجامعة ..هم جنبهم>>> فاشلة في الوصف

المهم انا والله مااعرف اش الأقسام الثانية بالضبط بس انا في قسم التعليم المستمر


واذا في اي سؤال انا جاهزة وبالتوفيق ان شاء الله

[داانه]

ميمو الله يسعدك ممكن تديني الرقم تبع دار الحكمه

لانو عندي رقم ومابيردو علي


انا سمعت انو ما بيقبلو اي احد للتدريب

انتي عملولك اختبار قبل لا تتدربي ووالا ع طول قبلوكي؟


اتمنى تفيديني

[toootah]

بنات تعرفو احد تدرب في الغرفة التجارية انا ابي اتدرب هناك بس مماعرف كيف الشغل وهل هم متعاونين او لا
الصراحة انا لمن رحت لهم مرة ماحبيت المكان لانو اغلبهم رجال والمدخل واحد للنساء والرجال بس النساء لهم غرفة مقفلة بس منظر الرجال يخوف وكمان خايفه من الترجمة تكون صعبه علي تعرفون مو ترجمة تخصصنا حايسة
وش تنصحون فيه

[الإمبراطورة]

^^
وحدة من البنآت عم بتؤووول
يترجموآ موآقع..

بس مآ فهمت كيف..

[motr]

ولآ زآل البحث مُستمر

[/motr]

بنآت مآ تحسو انو مآلنآ مجآل عمل وغير مرغوووب فينآ...

صح يآ طآلبآت الانجلش؟؟؟

بالتوفيق.. :)

[التفاحه المجتهده]

المشاركة الأصلية كتبت بواسطة الإمبراطورة off أيش صآر معآكِ..؟ كلمتيهم.. والله للأسف زميلآتي الترم اللي رآح مآ يمدحوووش المُستشفى [motr] هآآ بنوتآت أيش قررتوآ فينْ حـ تتدربونْ..؟؟ [/motr] بالتوفيق.. :)

الامبراطووره ايش صآر معآهم ليش مايمدحوهاااش وايش نوع التدريب الي عملوه ؟؟
انتظررررررررركـ

[الإمبراطورة]

^^
انتي سجلتي هنآك؟؟؟

::

والله زميلتي تقوووول مُعآملتهم سيئة
ومآ في شُغل أصلآ. بس قآعدين يتفرجو
وأعطتهآ المسؤووولة درجة مش ولآ بد

مُوفقينْ.. :)

[التفاحه المجتهده]

بكرا برووح اشوف واقرر

لانو مس نسرين قالت ماعندها مانع نتدرب بالمستشفى
و الساعه 9 ونص راح تدينا الخطابات
وبطلع على طول ع المستشفى

[مييمو]

المشاركة الأصلية كتبت بواسطة داانه ميمو الله يسعدك ممكن تديني الرقم تبع دار الحكمه لانو عندي رقم ومابيردو علي انا سمعت انو ما بيقبلو اي احد للتدريب انتي عملولك اختبار قبل لا تتدربي ووالا ع طول قبلوكي؟ اتمنى تفيديني

اول مارحت عملولي انترفيو بسيط
سألتني who are you?
وقلت لها اني طالبة في جامعة الملك عبدالعزيز وحابة اتدرب عندكم عشان امارس لغتي واستفيد من التدريب في حياتي العملية
سألتني اذا عندي خبرة في الكمبيوتر قلت لها ايوا وبعدها على طول قالت لي تقدري تبدأي من اليوم كمدخلة بيانات وعشانك قسم اللغة الانجليزية راح نتعامل معاكي كله بالإنجليش

وطلبت مني اكتب لها مواعيدي اللي بأجي فيها للكلية بشرط انها تكون ثابته يعني مو كل يوم اغير الموعد بكيفي واذا بأكون مشغولة في يوم معين في الجامعة بسبب اختبار او شي طاريء لازم اعطيهم خبر قبلها بيوم

اتمنى اكون افدتك >> دحين بأرسل لك الرقم وبالتوفيق للجميع

[no0ny]

ميمو لو سمحت ارسلي لي الرقم انا كمان علا الخاص لأنه انا كمان ابغى اتدرب في عفت أو دار الحكمة..