أربع مراحل للحصول على مقاعد دراسية بجامعة الملك عبدالعزيز

[رقة الورد]

المشاركة الأصلية كتبت بواسطة optimist اختي متخرجه علمي بمعدل موزون 75٪ وطلع بعد تاكيد الطلب وفقاا للمعاير الاكاديميه للمفاضله التي اعتمدتها مجلس الجامعه فانه يمكنك اعاده الترشيح في احد البرامج التاليه في حاله وجود اماكن شاغره..... الانتساب والتعليم عن بعد وبعض البرامج بس مافي السنه التحضيريه الانتقالي والتاهيلي ايش قصدهم بده الكلام وليه ماحطولنا من ضمن الاختيارات الانتقالي والتاهيلي ؟؟؟ دوخت وانا ادور بموقع الجامعه عن طريق التسجيل يعطوني نفس الرابط الي مسجلين فيه

الناس الي قبلوهم من ضمنهم الإنتقالي والتأهيلي

[بحر الحرية]

المشاركة الأصلية كتبت بواسطة رقة الورد أبغى أسأل لو سجلت أختي انتساب الآن ونسبتها الموزونة 75.54 وطلع فية فرز ثاني يروح عليها الإنتظام؟؟؟ وكم رسوم التأهيلي؟

أهلين أختي..
قبل ما تغيري الرغبة حاولي تتأكدي إنوو مالها قبول ف الانتظام بشكل عام..

تاني شي التأهيلي بدون رسوم لكن الفرق بس ف السنة التحضيرية، وبعدها اللي تحقق نسبة من التأهيلي أو الانتقالي يحولوها انتظام، واللي ما تحقق نسبة يحولوها انتساب أو كلية المجتمع الله أعلم، ومني متأكد من داا الكلام كتير في التحويل وطريقته لكن الفرق بينها داا وف السنة التحضيرية بس، لأنوو مافي بعد التحضيري شي اسموو تأهيلي أو انتقالي:

الانتظام: دوام صباحي بمكافأة.
الانتقالي: دوام صباحي بدون مكافأة
التأهيلي: دوام مسائي بدون مكافأة.

بالتوفيق لكم ياارب، والله يحقق لكم اللي تبغوه؛؛

[funny*girl]

ليييش كدا؟

القدرات والتحصيلي مرررررا ظاالم

نسبتي في الثانوي 88.55
والدرجه الموزونه 79.45

والله حرااااام وقهر

وللاسف الجامعه ماقبلتني وكاتبين وفقا للمعايير......................

اش معنى دي السنه وقفوا على 80 وبس؟
السنه اللي فاتت يقولوا انهم وقفوا على 76


ع العموم ربي يوفقنا يارب وانا قدمت انتساب وان شالله كمان يقبلوني

[بحر الحرية]

المشاركة الأصلية كتبت بواسطة funny*girl ليييش كدا؟ القدرات والتحصيلي مرررررا ظاالم نسبتي في الثانوي 88.55 والدرجه الموزونه 79.45 والله حرااااام وقهر وللاسف الجامعه ماقبلتني وكاتبين وفقا للمعايير...................... اش معنى دي السنه وقفوا على 80 وبس؟ السنه اللي فاتت يقولوا انهم وقفوا على 76 ع العموم ربي يوفقنا يارب وانا قدمت انتساب وان شالله كمان يقبلوني

أهلا أختي..

بالعكس جامعة الملك عبد العزيز وغيرها من الجامعات من أفضل من رأيت في تقدير نسبة الثانوية العامة وهي 50%، والنسبة اللي يوقفوا عندها تختلف من سنة لسنة، يعني ممكن السنة الجاية يوقفوا عند 86% وممكن عند 70%، وهيااا تختلف بحسب نسبة الطالبات اللي تقدموا وعددهم.

ع العموم، ترى النسبة ممكن تتغير خلال اليومين دي، يعني ممكن ينزلوا شوية عن آخر نسبة وقفوا عندها، المهم انتي تابعيهم، ولو لا قدر الله ما كان لكي نصيب انك تكوني من طالبات الانتظام السنة دي، وكنتي داخلة انتساب، فشدي حييييييييييييييييييلك ع الاخيييير، وانشاا الله لو جبتي معدل عالي، راح يحولوكي انتظام وتكوني معاناا بإذن الله..

الله يوفقك ياارب ويسهل عليكي ويكتبلك اللي فيه الخير؛؛

[توتي بدر]

السلام عليكم
انا ما قبلوني بالجامعه وكتبو لي اعاده ترشيح...
ونزلو لي اربع رغبات..كيف الفرز؟

بليز ابي رد

[بحر الحرية]

المشاركة الأصلية كتبت بواسطة توتي بدر السلام عليكم انا ما قبلوني بالجامعه وكتبو لي اعاده ترشيح... ونزلو لي اربع رغبات..كيف الفرز؟ بليز ابي رد

أهلين أختي..
الفرز بيكون بحسب النسبة الموزونة، وهما وقفوا عند نسبة موزونة معينة، وانتي ما حققتيها..

بس عندك فرصة تانية إنك تختاري واحد من الاختيارات اللي أعطوكي هياا، ولو تبغي تعرفي عنهاا أكتر، افتحي موقع عمادة القبول والتسجيل، وتصفحي كتيب دليل القبول.

بالتوفيق ياارب؛؛

[توتي بدر]

المشاركة الأصلية كتبت بواسطة بحر الحرية أهلين أختي.. الفرز بيكون بحسب النسبة الموزونة، وهما وقفوا عند نسبة موزونة معينة، وانتي ما حققتيها.. بس عندك فرصة تانية إنك تختاري واحد من الاختيارات اللي أعطوكي هياا، ولو تبغي تعرفي عنهاا أكتر، افتحي موقع عمادة القبول والتسجيل، وتصفحي كتيب دليل القبول. بالتوفيق ياارب؛؛

مشكووور الله يعطيك العافيه..
تيب ماتعرف متى الفرز؟
تيب بسال عن كليه رابغ التقديم من فين؟

وشكرا ..

[سارة المتعذبة]

دحين انا مني عارفة الكشف الطبي مطلوب ولا لأ ؟؟؟

هما في الطلبات مو كاتبينو
بس صاحباتي كلهم عملو ؟؟؟؟

يعني اعملو ولا لأ؟؟؟

[بحر الحرية]

المشاركة الأصلية كتبت بواسطة سارة المتعذبة دحين انا مني عارفة الكشف الطبي مطلوب ولا لأ ؟؟؟ هما في الطلبات مو كاتبينو بس صاحباتي كلهم عملو ؟؟؟؟ يعني اعملو ولا لأ؟؟؟

أهلين اختي ساارة..

شي ما طلبوه منك ليش تعمليه

بعدين لو يبغوه كان كتبوه، ولو افترضنا انهم بعدين يبغوه مررره سهل وبنفس الجامعة تعمليه، ف مكان اسمه: الادارة الطبية، وما ياخد 5 دقايق..

موفقة ياارب، والف مبروووووك انهم قبلوكي؛؛

[W2A]

ثانكيوووووووو