{B!ochemistry }==> تجمَـع ..

[Nada90]

مع انهم بيقولوا ان هذه الدكتورة من احسن دكاترة الكيمياء الحيوي ..

[اريج العمر]

لا انا ماقلت انها مو كويسه قلت انو الشعبه مررره مذدحمه .. لدرجة انو في بنات يجيبو كراسي من بره وانا بما انو عندي محاضره قبلها في مبنى 420 ارجع وكيد القاعه مليااانه .. حوسه يعني
ادخل ومو سامعه شي ولا فاهمه ايش بتقول

[امــــــــيــرة]

هااااااااااي صبايا اخباركمـ

اول شي بقولكمـ عن الكتب للي مو عارفين

1_ كتاب الثقافة اسمه الثقافة الاسلامية المستوى الاول لعلي عمر بادحدح الطبعة الجديدة طبعا الاستاذة قالت الطبعة الجديدة يعني من 1427 فما فوووووق
2_كتاب العربي اسمه المهارات اللغوية المستوى الاول لسالم سليمان الطبعة الجديدة
3_ كتاب الكيميا حيوي biochemistry لـ camball قالت حناخذ منه شابتر واحد بس والباقي من كتاب ثاني لسه ما عطتنا اسمه وقالت اذا مو حابين تشتروا الكتاب حتصور لنا الشابتر اللي معنا وتخلينا نصوره بس الافضل نشتري الكتاب لانو ملون وحلو والتصوير ممكن ما توضح فيه الرسمات ولاننا بنات تخصص وحلو كثير يكون عندنا اكثر من كتاب << حافظة كلامها صم << شعبة sc
4_ كتاب الكيميا202 كلكم عارفين انه نفس كتاب العام
5_ معمل كيميا حيوي مثل ماقالت رهومة خذو الملزمة من الرابط
6_ اخذنا اليوم معمل كيميا حيوي شعبة sc وطلبت منا طلبات نجيبها معنا مثل 10 انابيب وجونتي وكمامات وحاجة اسمها pipette filler وقالت كل هالادوات تلاقوها ف شارع باخشب اللي قريب من الجامعة محلات ادوات طبية << ما اعرف فين بصراحة
واعطتنا درس عن الاشياء اللي بنستخدمها ف المعمل ؛ درس بسيط ما تخافو
7_ اخذنا عربي شعبة b2 وما اعطتنا شي جديد عادت اول محاضرة عن اهمية اللغة العربية لانو نص الوقت راح ف الحضور والغياب
8_ بقول لنسوومة انو سالت بخوارزم عن الكتاب وقالو لا ما توفر
وبث هذا اللي يحضرني للحين واذا فيه شي كمان حرجع واقوله

بالتوفييييييييييييق للجميييييييع ؛؛؛

كل الوود ..}ْ

[امــــــــيــرة]

ايوة تذكرت شي بقولكم على مواعيد الامتحانات
1_ كيميا202 شعبة sb الدوري الاول 9/11/1430 والدوري التاني 27/12/1430
2_امن وسلامة شعبة sc الدوري الاول اخر يوم بشوال يعني 29 او 30 على حسب ^_^ والدوري الثاني 27/ 12/1430 قهر مع الكيميا
3_ معمل كيميا حيوي الدوري الاول 9/11/2009 والثاني 14/12/2009 والثالث 28/12/2009
وعلى فكرة اختبارات معمل الكيميا حيوي توزيع درجاتها كالتالي طبعا المادة كلها 25 درجة
الاول 3درجات
الثاني 3درجات
الثالث 3درجات
وكلها sheet
الفاينل 6درجات حيكون عملي وممكن يدخل فيه sheet بسيط
باقي 10 درجات هادي موزعة في اعمال السنة من حضور وغياب والشغل ف المعمل والتقرير اللي بنكتبه بعد كل تجربة ونظافة المعمل والسلوك والالتزام بالامن والسلامة داخل المعمل
وبسسسسسسسسسسسسسس

بالتوفييييييييييق للجميع ؛؛؛

[جناان]

ياحلوين اللي شعبة sa بيوك201

بسال عن السليبس في احد اشتراه لاني لما اشتريتو مكتوب علية هرمون وشكلو ماده تانيه

[الفنانة]

الله يسعدك يا أميرة .. تقرير مفصل ماشاء الله ^^ خخخخ

بس صراحة استفدت ..:)

[R-Kh]

المشاركة الأصلية كتبت بواسطة اريج العمر بنات اللي عندهم خبره انا نازله عند استاذه سوسن عمر خوجه احس انو الماده مرره دسمه وانا متأزمه الشعبه مرررره مليانه .. وصوتها واطي ومايمديني اجلس غير ورى واحس اني مافهم منها شي انصحوني ويش العمل انا لسه في اولها .. الماده عندي كل سبت واثنين واربعاء ممكن اني اغير شعبه اخليها مثلا ساعه ونصف كل احد وثلاثاء .. ولا ويش الحل ردوو علي بالله .. لاني حاااايسه

هوا صوتها مرررررة واطي
بس حاولي تجلسي قدام
ولو وصلتي متأخر برضو قوليلها ابغا قدام
...
المنهج دسم مع كل الدكتورات
لانه يعتبر الاساس لكل المواد الجيه
...
شوفي شعب د.سوسن التانية
وعادي لو حضرتي لاي شعبة تانية لها
محا تقول شي
..
:)

[loves.me.not]

لوسمحتو في احد معايا كيمياء حيوي شعبة sd

وايش اسم الاستاذة لأنو شعبتي اتغيرت؟

وايش الكتاب الي طلبتو الدكتورة ؟

[calbooza]

جنان أخذتي السيلبلس غلط هذي ماده هرمون تعطيها د.سوسن..

[شقاوهـ حلا]

يسعد مساكم جميعـــــــــــــا
تصدقوا اول مرة اعرف ان في تجمع لبنات قسمنا
شي حلو والله والاحلى اني ماعرفت الي لما وصلت ترم التخرج خخخخخخ
عموما بنات انا ان شاءالله تخرج هالترم ادعوي لي بليزز
اي وحده تحتاج شي تحتاج سؤال استفسار
لايردها الى كيبوردها وانا بالخدمه دااااااااااااااااااااائما