نقل اخبار الدورة التاهيليه للمستويات 6-7-8 للفصل الاول لعام 1433هـ (طالبــــــــات)

[الأمواج]

النقد بإذن الله أنزل بعد كم يوم بس أتفرغ حالياً جداً مشغولة..أنزل التخطيط وأنزل طريقة الإمتحان بإذن المولى..

---

السيمنار مع أستاذة [خولة]...
كل الكتاب معانا بس فيه أشياء جداً قليلة اللي طنشتها لإن حستنا متنحيين فيها ...
راح أحاول أنزلها لكم كمان..
طريقتها في الأسئله جداً واضحة..ومتنوعة وتحتوي على كل شيء ممكن تتخيليه تبغى إجابات بفهم حيكون إختيارات_تعاريف_مصطلحات - الرسم الشجري وحتكون الدرجات متنوعة..

---

الأبلايد مع أستاذة [إبتسام باجري]...
البنات يقولوا شابتر 1-2-4-5 بس المخطط...
وأسئلتها راح تكون متنوعة وتبغى إجابات السينتاكس حقها صح لإنها راح تحاسب..
هذا اللي وصلني من البنات وأتنمى اللي عنده معلومة زيادة أو طريقة الأسئله بطريقة معينة أو الأشياء اللي ركزت عليها يعلمنا فيها لإنها عندي شعبة وهمية وماقدرت أحضرها...

---

شكسبير..مع أستاذة [إيمان تونسي]..
الأٍسئله راح تكون 5-6 أسئله كلها إيسي بحدود صفحة واحدة كاملة ماتبغى زياده تبغى المهم وبس وكلما كثرتي في الكلام كل مانقصتي عليك درجات..
تبغاكي تركزي في السؤال وتشوفي الـــKey words اللي في كل سؤال وبناء عليه تجاوبي..
طريقة الإمتحان..
البودي الأول introduction..
راح تتكلمي فيه عن بداية القصة أو الشيء المطلوب مثلاً طلبت منك تتكلمي عن مراحل ترويض كاثرين في مسرحية The taming of sherow
في البداية تتكلمي عن البدايات وكيف كان تعامل زوجها معاها..
البودي الثاني ...المرحلة الثانية أثناء الرحلة..
البودي الثالث..المرحلة الثالثة وهي داخل البيت..
المختصر/ كل بودي ماارح تتكلمي عن المقدمة والخاتمة اللي متعوديين عليها لا.. تتكلمي كأنك تتكلمي المقدمة/الوسط أو مرحلة القمة /مرحلة النهاية..
ماتبغى العصور التاريخية ولا شيء عن شكسبير كمؤلف..بس عن القصة كل كلامك راح يكون عنها مارح تجيب إقتباسات...
مسوية لنا زي الاوت لاين لكل رواية وحابه وحدة من البنات أو نسوي قروب ونتساعد في وضع الحروف على الكلمات وكل الأشياء اللي ركزت عليها....


وبالتوفيق إن شاء الله للجميع..

[سلاف]

يسعد مساكم

بالاضافه اللي قالت الامواج في الابلايد

التورايخ مو مطالبين فيها
والنظريات ضروري نعرف مسمياتها وح تركز فقط ع النظريات الاساسيه والتطبيقه لا
الاختيار ح تجيب 20 فقره صح وخطا
وتقريبا 5 اسئله عددي او اذكري النظريه الفلانيه ومقارنه وتعريفات

[قصة حب]

صبايايعطيكم العافيه ع جهوودكم ربي يوفقكم
بليييز المورفولوجي محد جاب سيرته ايش المهم فيه?
وبالنسبه للدراما الثلاث مسرحيات معانا وايش الثانيه الي شرحتها?

[ام حمدان]

المشاركة الأصلية كتبت بواسطة laura h up up up

لورا الملف يتحمل معي بدون مشاكل
فماعندي فكره ليه يطلع لك كذا جربي تدخلي في وقت ثاني يمكن يتحمل معك

المشاركة الأصلية كتبت بواسطة قصة حب صبايايعطيكم العافيه ع جهوودكم ربي يوفقكم بليييز المورفولوجي محد جاب سيرته ايش المهم فيه? وبالنسبه للدراما الثلاث مسرحيات معانا وايش الثانيه الي شرحتها?

نعم كل المسرحيات الثلاث معنا مافي شي محذوف


موفقين

[شودي]

أخباااااركم جميعا
الله يسهل علينا ويوفقنا يارب

حابه استفسر عن شغله
الحين الكتاب الي اضافته الزياده مس شادن الي هو عن تطور الفكشن سالتها عنه يوم الاحد الي هي اخر محاضره وقالت لي انها حتنزله يوم الاثنين في خوارزم الي جوا الجامعه خلف مبنى 12
رحت الاثنين وجلست ساعه واقفه اسأل عن الكتاب قالوا لي مهو موجود ولانزلت شي
وهي من بداية الدوره تقول بتنزله ولانزلته
يعني مثلا لاسمح الله ماتبغا نذاكره
او يمكن ماتبغى تجيب منه سؤال بس مستحيه ولا وش وضعها
انا شايفه الكتاب انتوا منزلينه هنا الله يعطيكم العافيه
بس ما ادري الصراحه كيف
ياليت احد يفيدنا


^
^
^

ام حمدان شخبارك عرفتيني ^_^
سلاف مشكوره ياقلبي على التنبيه

[عذبه الروح]

Sociolinguistics
وصلنا معاكم في التأشير الين شابتر 5
يالييت يابنات تكملو الباقي 6-7
8-9
او الى تقدرو عليه لان بجد محتاجييين مثل هالتعاون منكم وخصوصأ للي خارج جده زي حالاتي
ربي يوفقكم ويسعدكم دنيا واخره

[احلى الأماني]

بنات انا ضااااااااااااايعه ورايحة بستين داهية
ولا اي مكان رحت له قبل اتدرب عندهم
ايش قله الحياء ذي كل مكان اروح له يقول ماندرب !!!!!!!!!
ايش اسوي
رحت لمستشفى .. بخش / جدة الوطني / المغربي
رحت لفندق هوليدي ان
رحت للبنك الاسلامي والعربي
طيب والحل ؟؟؟؟؟؟؟؟؟؟؟؟؟؟؟؟؟؟؟؟؟
بليز اللي تعرف مكان تدلني غير التدريس

[white rose]

المشاركة الأصلية كتبت بواسطة احلى الأماني بنات انا ضااااااااااااايعه ورايحة بستين داهية ولا اي مكان رحت له قبل اتدرب عندهم ايش قله الحياء ذي كل مكان اروح له يقول ماندرب !!!!!!!!! ايش اسوي رحت لمستشفى .. بخش / جدة الوطني / المغربي رحت لفندق هوليدي ان رحت للبنك الاسلامي والعربي طيب والحل ؟؟؟؟؟؟؟؟؟؟؟؟؟؟؟؟؟؟؟؟؟ بليز اللي تعرف مكان تدلني غير التدريس

يا حياتي وربي خفت مرة من هالمادة الله يستر وقتها
افتكر لمن كنت في كلاس الفونولوجي كان فيه بنت عندها تدريب وكانت تقول لقيت مدرسة عالمية تتدرب فيها ورضوا لها بعد ما داخت وهيا تدور ولمن قلت لها ليش مارحتي اي مكان ثاني غير التدريس قالت ما يوافقون انو نتدرب عندهم وانها حاولت كثير في اكثر من مكان وما رضيوا لها تتدرب عندهم فاضطرت تروح لمدرسة عشان ما فيه وقت ويادوب تلحق تتدرب وبالعافية كمان وافقوا لها حقون المدرسة انو تتدرب عندهم
لكن خليك متفائلة وبإذن الرحمن احد يجي ويبشرك ويطمن قلبك وربنا يفرج همك يا قلبي

[external]

بنات السيمينار كتاب السينتاكس اشتريته مكتوب عليه الطبعة الثالثة 2011 صح؟ ولا مو هو ؟ الله يخليكم ردوا عليه
ومعقووووووووول مافي احد معاه مورفولوجي؟؟؟؟؟؟؟؟

[i still feel ya]

^^
حتى انا نفس الشي...قلت لبابا جبلي اخر طبعا..اتوقع هيا دي..