||تجمـع الطـلآب و الطـآلبـآت المـستجدين في كلية الاقتصاد و الإدارة~

[الهيملي]

المشاركة الأصلية كتبت بواسطة girl.k.s.a وعليكم السلام ورحمة الله وبركاته ايوا صحيح , هما يفتحوه مبدئياً بس التخصص الأساسي بعد سنة ونص بعد ما تدرسوا المواد المشتركة كلها واحياناً ينزلوا التخصصات ويشيلوها وصار معايا قبل كدا .. والموضوع طبيعي :)) مافهمت عليك ؟؟ كيف ماطلع معاك احصاء اعمال ؟ احصاء اعمال مادة لازم الكل ياخدها في المسار العلمي وخطة النظم موجودة في موقع الجامعة ,, كلية الادارة والاقتصاد ,, الاقسام العلمية ,, نظم المعلومات الادارية وبعدها تشوفي الخطة :))

أحتمال تكون في فرع ثاني والتخصيص عدهم مباشر .

[لودي الصبحي]

أناا بفرع خليص

[Miss.Asmari]

المشاركة الأصلية كتبت بواسطة girl.k.s.a صحيح حتى البنات لازم يعبوا بيانات ويختاروا 3 تخصصات حسب الاولوية ويعطوها للشؤون التعليمية لكن متى هالكلام يصير ؟؟ دحين والا لما تبدأ الدوامات ؟؟ الله اعلم :))

وي من جد لازم نعبي بيانات ورقيا ما يكفي في الأودس ؟! O_o لأنه إذا كذا يصير أروح الجامعة يوم الأحد ذا !!!

[offii]

سلام عليكم
انا امس رحت للجامعة ورحت للشوون وكانت مقفله وكاتبين ورقه على باب انو روحوا لمكتب استاذة عبير الفضل ورحت وسالتها عندي مشكلة في اضافه بعض مواد اللحين موظفات الشوؤن عندهم اجازة تعالي في تاريخ 18 يوم الاحد او اسبوع الاول وبس

[girl.k.s.a]

المشاركة الأصلية كتبت بواسطة miss.asmari وي من جد لازم نعبي بيانات ورقيا ما يكفي في الأودس ؟! O_o لأنه إذا كذا يصير أروح الجامعة يوم الأحد ذا !!!

نحنا على وقتنا كان ورقي ما اعرف ادا دحين يكتفو بالالكتروني والا لازم ورقي كمان !!
الله اعلم

[Miss.Asmari]

المشاركة الأصلية كتبت بواسطة girl.k.s.a نحنا على وقتنا كان ورقي ما اعرف ادا دحين يكتفو بالالكتروني والا لازم ورقي كمان !! الله اعلم

آها أحسب خوفتوني لأنه لا يقولوا الورقي بس للي ماعنده نت أو للي ما يزبط معاه دحين
أنا كمان عشاني رحت الأسبوع إللي راح وقالولي تعالي الأحد الجاي إللي هو بكرة بس لما قلت لهم خلاص قدمت على الأودس قالوا آها يعني خلاص وما قالوا تعالي لازم أعبيء ورقي ولكن أنا سألتكم كمان بس عشان أتأكد لا يكون الأستاذة نسيت تقول لي
شكرا جزيلا لكم أفدتوني كثير صراحة جزاكم الله خير ^^ أنا أحيي الجامعة والمنتدى تحية حارة ^o^

[girl.k.s.a]

^
الله يسعدك يامزآ ويوفقك
عفواً :))

[Shining heart]

السلام عليكم ورحمة الله وبركاته


الطلاب المستجدين أول ترم بكلية الاقتصاد والادارة يلزم عليهم يضيفون المواد والشعب من الاودس!
والا الجداول راح تكون جاهزة مثل طريقتهم في السنة التحضيرية .

[باور هورس]

السنة التحضيرية الجدول ثابت
----

الآن الحذف والإضافة بنفسك

طبعا الشغله سهلة جداً


ادخلي على خطتك الدراسية
وتحصلي المواد بأرقامها ورموزها


وروحي ع الحذف والإضافة واضيفي واحذفي بكيفك


نصيحة لك تابعي مواعيد الحذف والإضافة ورتبي المواد اللي تبغيها قبل ما يفتح الحذف والإضافة
عشان تلحقي الشعب اللي تبغيها قبل ما تمتلئ


طبعا في السابق كان الحذف والإضافة موعده بداية الترم


الآن صار فيه تسجيل مبكر وفيه تسجيل بداية الترم


تابعي تقويم الجامعه في كل المواعيد

[Ayman Alhuzaifi]

لا ماراح ينزل جدول تلقائي
نزلي جدولك على حسب اختيارك،
وهذه خطة الثلاث الأترام الأولى من الكلية
http://www.skaau.com/vb/showthread.php?t=671563

بالتوفيق ،،