الاستفسار عن مسار الفسيولوجي او الاجنه بالنسبه لعل

[صاحبة الوفاء والاحساس]

المشاركة الأصلية كتبت بواسطة never hide و عليكم السلام يا قلبي لا شكر على واجب و مرحبا بيكي راح نتشرف و الله بمعرفتكم شوفي الموضوع الخاص بالتجمع بالنسبة لبطاقة الحذف والاضافة اللي تقولي عنها دورت عليها و مالقيتها فياريت تعطيني الرابط عشان اطبعها و اجيبها معايا لانو لو رحتي الجامعة و ناقصك ورقة فمشوارك راح يروح بلاش و على فكره احتياطا جيبو صورة من جداولكم لو فيها مواد مدري يمكن تحتاجوها ... ازا اتفعل الحذف والاضافة تقدري تضيفيها من الموقع( لكن على ما يبدو ان الاوديوس مو راضي يفتح فشكلو ضروري نروح السبت) انا اضفت المواد الترم اللي فات عند استازه خديجة بالعمش الدور التاني لكن انا افضل انك قبل تمري على المشرفة على الدراسات العليا الدكتوره هنادي .... لسه ما تشرفت بمعرفتها و هي راح ترشدك و توجهك بالمواد اللي تضيفيها لكن معروف اول ترم ما تضيفي غير احصاء حيوي و مواضيع خاصة في الاحياء فقط و هي نصيحة متدوالة بين كل البنات

ياعسل الورقة موجودة في موضوع الاخت شواطئ البحر وهو طريقة عمل الجدول +اختصارات رموز المواد ترى الموضوع مثبت بالصفحة الاولى والورقة بالمرفق

[never hide]

المشاركة الأصلية كتبت بواسطة أدعولي حلمي أكون معيد ه.. نداء لكل طالبه مستجده ب ماستر الاحياء مادة ندوة بحث 791 مادة الماده أختياريه تظيفيها بعد اختيار الدكتوره او الدكتور المشرف عليكي لان هم القادرون علي تحديد الماده الاختياريه المناسبه لتخصصك وكمان هما الى راح يدرسوك هذه المواد موفقين

صح كلامك

اعتقد كمان حتى مواضيع خاصة في الاحياء الدقيقة 1 و 2 مع المشرف تتاخد

معظم البنات ياخدو مادة المجهر كمادة اختيارية لانو يقول مافي غيرها ماده اختيارية صح الكلام دا ؟

افكر اخدها بس خايفة اني ما استفيد منها ( لو كانت نفس المجاهر اللي اخدناها في مادة مواضيع خاصة كلو كلام في كلام مافي شي عملي) عشان ه كدا متردده اضيفها و لا لأ بسأل البنات اللي اخدوها هل اشتغلو شي عملي و لا بس كلام نظري ؟؟؟

[never hide]

المشاركة الأصلية كتبت بواسطة صاحبة الوفاء والاحساس ياعسل الورقة موجودة في موضوع الاخت شواطئ البحر وهو طريقة عمل الجدول +اختصارات رموز المواد ترى الموضوع مثبت بالصفحة الاولى والورقة بالمرفق

ميرسي يا قمر الله يجزاكي بالخير

[أدعولي حلمي أكون معيد ه..]

توتة

مبروك القبول وموفقه يارب
never hide
مادة تقنيه البيولوجيه للمجهر الالكتروني درستها لانها ماده اساسيه في مسار الانسجه
وهي موشبكه لا تروحو لمبنى المجهر الالكترونى عندهم واليوم الى فيه طالبات ما يكون في المبنى طلاب ابدا
في شغل عملي بس بسيط
والحلو انك تشوفي الاجهزه والادوات و
د \محمود سالم ما يقصرما شاء الله تبارك الله شرحه علي الاجهزه ممتاز الله يوفقه هو ومرته لان حتى هيا دكتوره احياء
وعادى احنا درسناها واحنا لابسين عباياتنا وفوقها البالطو صراحه انا عن نفسي مالبست بالطو من مابدانا حتي خلصنا
بعدين هم اسلوبهم زي د\سمر رباح ماعندهم منهج واختبار لا لا الدرجات تحسب بالحضور والغياب و النشاط ابحاث بسيطه و عرض بور بوينت تعرضيه انت ومجموعه من زميلاتك عمل جماعي
صحيح كثير درسوها كماده اختياريه
صاحبة الوفاء والاحساس
البوستر
اقصد فيها مثل المطويات الى تتوزع في المحاضرات وعادي تقدري تنزليه برنامج من النت
الموفي ميكر
برضو برنامج تنزليه من النت احس يبغاله شرح وجها لوجه صعبه اشرحه كتابه

[امونه -(لولو سابقا)]

ايش الورقة دي ما فهمت والله يسعد الاخت الي كانت تعلمني على الجدول ومشكورة الي ترد عليه وللبقية الباقية جزاهم الله خيرا على القراءة .
سبحان الله وبحمده سبحان الله العظيم

[never hide]

جزاكي الله خيرا يا معيده المستقبل على المعلومات انا اتطمنت من اجابتك لكن برضو اتمنى بنت مايكرو ترد علي لانو احنا عيناتنا تختلف عن الانسجة فاتوقع الشغل يكون مختلف لكن برضو ابا اشوف بنات الميكرو كيف استفادو منها

حكاية الورقة يا امونة انو ورقة ح>ف و اضافة مواد راجعي موضوع عمل الجدول للاخت شواطيء و راح تتضح لك الصورة كما اتضحت لي

[امونه -(لولو سابقا)]

الله يسعدك يا اخت never hide جزاك الله كل خير .
راح تجي يوم السبت إن شاء الله ؟؟
سبحان الله وبحمده سبحان الله العظيم

[أدعولي حلمي أكون معيد ه..]

لا الشغل مررررررررررررررره بسيط الا اذا انتو ركزتو علي الموضوع فالدكتور ماراح يقصر معاكم

[ابتسامة دمعة]

السلام عليكم ورحمة الله ..
صباح مساااااااااااااااء الورد ..
كيفكم يابنات اخباركم كلكم .. إن شاء الله تكونوا مفرفشين وفرحانين ومستعدين نفسيا..
يابنات بالنسبة للمادة الاختيارية ان شاء الله نحاول بكرة نسال عنها ونشوف ....
وبالنسبة لورقة الحذف والاضافة فهي عنددي وبطبع منها كتير وبجيبها بكرة معي ..واللي تبيها احتياطا تنزلها من هنا
http://bajeelah.net/up//download.php...a45eff2e52.rar
....................................
موففقين كلكم ياحلوين

[ابتسامة دمعة]

توتية هلابك ياقلبي .. ان شاء الله نشوفك ونتعرف عليك وعلى البنات كلهم ..