طالبات بحث وتدريب خديجة ضباب

[شذو]

السلام عليكم
كيفكم مع البحوث ياحلوات؟
مافي احد مرتاح
بس حبيت اسالك لجزء مو فاهمته ابدا ابدا ابدا
وماني قادره اكمل التقرير بسببه
اللي هو التوصيات والحلول والبدائل
بلييييز يابنات اللي فاهمه جزئية الحلول والبدائل تشرح لي
انا موضوعي تقريبا مو مشكله هو نفسه الموضوع احسه حل
فكيف اطلع حلول
انا من طالبات استاذه امل تركستاني
بس مو لاقيه ولا بنت من شعبتي
بليز بنات ساعدوني

[موني ناس موني]

بنات كيفكم

انا مررره متازمه
مابدات بولا شي وخلصت تدريب
مو عارفه كيف ابدا
اخترت موضوع وتعبت فيه مو لاقيه معلومات كفايه

ابغى اطلع على تقرير سابق ابغى اعرف راسي من رجلي والترتيب الصح

شذو

اذا موضوعك مو مشكله فماراح تكتبي حلول
تكتبي اقتراحات يعني افكارك اش تقترحي عشان يتطور ويكون احسن
وتختاري افضل اقتراح والاسباب
يعني الافضل في التطبيق وايجابياته كثيررر
والتوصيه
انك تبغي مين يكمل بحثك وعن ايش يكتب
اش توصي اللي يبغى يكمل بحثك بعدك
اعتقد كذا

[miss memaa]

بنوتات الخاتمه وين بتحطوها
اللي اعرفو انها آخر التقرير بس شفت نماذج لـ تقارير سابقه حاطينها قبل التوصيات والمقترحات ليــش !

[ألف باء تاء]

من جد هالماده تخوف, الله يستر السمستر الجاي,

محتاره اي أستاذه أختار,

ما شفت ولا أستاذه يمدحوها,

أبغى وحده ما تعقدني,

ولا أبغى وحده تقول لي كل يوم تعالي

أنا من الشرقيه, وأبغى أحد أرسل له بالإيميل ويرد علي بالإيميل إيش أعدل في بحثي,

:(

جاني إكتئاب

[احساس مرهف1]

بنات انا من طالبات استاذة عواطف امين
هي صح مابترد على الايميلات تقول انها ماتشوف ايميلاتي
بس ترد على رسائل الجوال مباشرة وترد على مكالماتك
المهم انا بقت لي الجزئية الاخيرة لان احنا بحث
حبيت اساعدكم يابنات في منتدى اسمه منتدى المنشاوي
كتبي اسمه بقوقل وربي راح يفيدكم في بحوثكم وتقاريركم لانه خاص بالدراسات والبحوث العلمية من جد هذا المنتدى اكتشفته متأخر بس يالله باقي لنا كم يوم
الي عند استاذة عواطف ياليت تفيدني عن موعد المناقشة وهل المناقشة موحده لجميع طالباتها ام يختلف؟
والي عندها رقم السكرتارية ترسله لي عشان اعرف موعد المناقشة لاني من الشرقيه عشان ارتب اموري
وثاني شي حبيت انبه طالبات دكتورة عواطف انها طلبت عرض باوربوينت
موفقين

[الاحساس الوردي]

التقرير يتكون من:.
الفصل الاول
( المقدمة صفحة كاملة لوحدها- المشكلة على شكل سؤال- اهمية التقرير- اهداف التقرير نقاط- نبذة عن مكان التقرير)
الفصل الثاني
( جانب نظري يعني نظريات انواع .....)
الفصل الثالث
( البدائل " الحلول المقترحة وعيوب ومزايا كل بديل والبديل المناسب" - النتائج نقاط- التوصيات نقاط)
واخيرا قائمة المراجع

هاذا على حسب النموذج اللي عند الاستاذة
يمكن احد يستفيد منو
بالتوفيق للجميع

[الاحساس الوردي]

يانااااس وربي هاذي الاستاذة ترررفع الضغط
كتبت مسودة التقرير ورحتلها اليوم اوريها
طبعا مالقيتها في مكتبها دورت عليها في كل المبنى الين لقيتها
قابلتني كالعادة عالواقف وطلعتلي مية خطاء ف التقرير وماعجبها شي
يعني تعب اسبوعين راح في تهزيء عشرة دقايق
طبعا ماتدي الواحد فرصة يشرح او يتكلم
وكل ما اسألها تقولي انا خلاص وريتكم نموذج التقرير قلتلها طيب اقدر اطلع علية مرة ثانية مارضيت

مرررررة متأزمة من هاذي الانسانة مو عارفة اش الشي اللي تبغاه بالزبط

رائحة الصباح بليز احتاج اتواصل معاكي ممكن ترسليلي رقمك عالخاص
او اديكي ايميلي ؟؟؟؟؟؟

[miss memaa]

المشاركة الأصلية كتبت بواسطة الاحساس الوردي يانااااس وربي هاذي الاستاذة ترررفع الضغط كتبت مسودة التقرير ورحتلها اليوم اوريها طبعا مالقيتها في مكتبها دورت عليها في كل المبنى الين لقيتها قابلتني كالعادة عالواقف وطلعتلي مية خطاء ف التقرير وماعجبها شي يعني تعب اسبوعين راح في تهزيء عشرة دقايق طبعا ماتدي الواحد فرصة يشرح او يتكلم وكل ما اسألها تقولي انا خلاص وريتكم نموذج التقرير قلتلها طيب اقدر اطلع علية مرة ثانية مارضيت مرررررة متأزمة من هاذي الانسانة مو عارفة اش الشي اللي تبغاه بالزبط رائحة الصباح بليز احتاج اتواصل معاكي ممكن ترسليلي رقمك عالخاص او اديكي ايميلي ؟؟؟؟؟؟

ربي يسعدك حطي الملاحظات اللي قالتلك عليها علشان لو زيك بغيرها

[نووونه]

من جد محتاجين ملاحظاتك بليزززز

[الاحساس الوردي]

قالتلي ازود كلام المقدمة لازم صفحة كاملة لوحدها
مشكلة التقرير تكون عبارة عن اسئلة
اهداف التقرير تكون على شكل نقاط
وقالتلي اضيف فقرة نبذة عن مكان التقرير
ولازم في الهامش اسفل كل صفحة تكتبيلها اسم المرجع اللي اقتبستي منه الكلام
وتصوريلها صفحات المراجع
وبعد ماتكتبي البدائل تكتبيلها البديل المناسب
والنتائج والتوصيات كلها نقاط
(التوصيات هي النصائح اللي توصلنا للنتائج)

هاذا اللي نبهتني عليه ....