ضع إستفسارك عن كلية العلوم الطبية التطبيقية هنا وستجد الإجابه

[الفطين]

السلام عليكم ورحمة الله وبركاته
عن ايش يتكلم هذا التخصص ؟هل الدراسه صعبه ؟ كم سنة الدراسه في تقنية المختبرات؟هل يمكن التحويل الى التمريض ؟
وحدثوني اكثر عن هذا التخصص ولاتبخلوا علينا

[JoudY]

مدهـ الدراسة 3 سنين بعد السنة التحضيريه + سنه امتياز
وبالنسبة للتمريض ... مافيش تمريض للأولاد في جامعة الملك عبدالعزيز
التخصصات المتوفرة للأولاد ( علاج طبيعي - تقنية مختبرات - أشعه )... اول يوم راح يعطوكم ورقة ترتبوا فيها رغباتكم بين هادي التخصصات الـ 3


وبالنسبة لطبيعة الدراسه في تقنية المختبرات وعن ايش يتكلم ... طلاب وطالبات المختبرات يقدروا يفيدوك

[عـسـل]

لو سمحتو ايش هي الوظائف المتاحه لاإخصائية التغذيه

ولو توظفت في مستشفى ايش راح تكون طبيعة عملها ؟؟

وشكرآ

[GaMaR ~]

المشاركة الأصلية كتبت بواسطة gamar ~ عندي استفسار واتمنى احد يساعدني فيه أني طالع لي نتيجه التسكين اني تمريض واني نسبتي العامه 86.6 والخاصه 85.333 اللي اعرفه انو قسم العلوم الطبيه التطبيقيه لها اقسام كثير لكن اللي كان بالرغبات هو تمريض وتقنيه طبيه فسؤالي هل انا خلاص تمريض ولا كيف هل ممكن اغير قسمي حاليا لأنو سمعت انو نختار القسم بأول يوم يعني نفس الكليه الطبيه التطبيقيه بس انو قسم غير التمريض مثلا اشعه ولا مختبرات ؟ هل فيه امكانيه ؟ أحس حالي ضايعه فبليز احد يساعدني الله يجزاكم خير

بليز حدا يرد عليي

ابي افهم سالفه انو بدايه السرم باختار القسم

ايش يعني اقدر اغير التمريض ولا كيف؟

[є7ѕαѕ σηtћά]

^^^
ياقمر انتي خلاص الحين تمريض لانه في التسكين في قسمين علوم طبية -تمريض &علوم طبية -تقنية مختبرات اللي يندرج تحتها "مختبر، اشعه، علاج طبيعي، تغذيه اكلينيكيه" هنا تقدري تختاري اول يوم القسم
وبالنسبة انك تغيري اعتقد انه خلاص ماينفع بس اسألي وتأكدي
ان شاء الله اكون افدتك ^_^

[GaMaR ~]

اها يعني مافي امل >_<

طيب سؤال كيف احول ؟

وهل في امل ولا كيف

يعني ماادري احس الدنيا كلها ع الواسطات

يعني كم النسبه اللي طالبينها ؟

[є7ѕαѕ σηtћά]

^^^

والله ماأعرف بالنسبه للتحويل

لكن المعدل الخاص اللي قفلت عليه التقنيه 89

[rory55]

انا دحين دخلوني تمريض مع إني كنت ابغى طب..فأبغى اعرف ممكن احول طب لو كان معدلي 4.5ولا لأ.
وكمان ابغى اعرف ايش احسن مواد آخذها السمستر الجاي وكيف الاستاذات.

[● ά7Ļά şùģάя ●]

إللي بيسأل عن التحويل من التمريض للطب
لآزم تدرسي سنة كآملة
وتجيبي معدل 4.50 عشآن تحولي

[خليني معاك]

السلام عليكم ورحمة الله وبركاته

انا بس حبيت أشكركم
الله يسعدكم يارب ويوفق الجميع ان شاء الله