أربع مراحل للحصول على مقاعد دراسية بجامعة الملك عبدالعزيز

[بحر الحرية]

المشاركة الأصلية كتبت بواسطة funny*girl ليييش كدا؟ القدرات والتحصيلي مرررررا ظاالم نسبتي في الثانوي 88.55 والدرجه الموزونه 79.45 والله حرااااام وقهر وللاسف الجامعه ماقبلتني وكاتبين وفقا للمعايير...................... اش معنى دي السنه وقفوا على 80 وبس؟ السنه اللي فاتت يقولوا انهم وقفوا على 76 ع العموم ربي يوفقنا يارب وانا قدمت انتساب وان شالله كمان يقبلوني

أهلا أختي..

بالعكس جامعة الملك عبد العزيز وغيرها من الجامعات من أفضل من رأيت في تقدير نسبة الثانوية العامة وهي 50%، والنسبة اللي يوقفوا عندها تختلف من سنة لسنة، يعني ممكن السنة الجاية يوقفوا عند 86% وممكن عند 70%، وهيااا تختلف بحسب نسبة الطالبات اللي تقدموا وعددهم.

ع العموم، ترى النسبة ممكن تتغير خلال اليومين دي، يعني ممكن ينزلوا شوية عن آخر نسبة وقفوا عندها، المهم انتي تابعيهم، ولو لا قدر الله ما كان لكي نصيب انك تكوني من طالبات الانتظام السنة دي، وكنتي داخلة انتساب، فشدي حييييييييييييييييييلك ع الاخيييير، وانشاا الله لو جبتي معدل عالي، راح يحولوكي انتظام وتكوني معاناا بإذن الله..

الله يوفقك ياارب ويسهل عليكي ويكتبلك اللي فيه الخير؛؛

[سارة المتعذبة]

دحين انا مني عارفة الكشف الطبي مطلوب ولا لأ ؟؟؟

هما في الطلبات مو كاتبينو
بس صاحباتي كلهم عملو ؟؟؟؟

يعني اعملو ولا لأ؟؟؟

[بحر الحرية]

المشاركة الأصلية كتبت بواسطة سارة المتعذبة دحين انا مني عارفة الكشف الطبي مطلوب ولا لأ ؟؟؟ هما في الطلبات مو كاتبينو بس صاحباتي كلهم عملو ؟؟؟؟ يعني اعملو ولا لأ؟؟؟

أهلين اختي ساارة..

شي ما طلبوه منك ليش تعمليه

بعدين لو يبغوه كان كتبوه، ولو افترضنا انهم بعدين يبغوه مررره سهل وبنفس الجامعة تعمليه، ف مكان اسمه: الادارة الطبية، وما ياخد 5 دقايق..

موفقة ياارب، والف مبروووووك انهم قبلوكي؛؛

[W2A]

ثانكيوووووووو

[توتي بدر]

السلام عليكم
انا ما قبلوني بالجامعه وكتبو لي اعاده ترشيح...
ونزلو لي اربع رغبات..كيف الفرز؟

بليز ابي رد

[SoSoooo B]

ترى الكشف الطبي مهم جدا كيف تقولي مو مكتوب في المستندات ؟؟؟
انصحك انك تسووووووووويه ،،
وبالتوفيق للكل

[بحر الحرية]

المشاركة الأصلية كتبت بواسطة توتي بدر السلام عليكم انا ما قبلوني بالجامعه وكتبو لي اعاده ترشيح... ونزلو لي اربع رغبات..كيف الفرز؟ بليز ابي رد

أهلين أختي..
الفرز بيكون بحسب النسبة الموزونة، وهما وقفوا عند نسبة موزونة معينة، وانتي ما حققتيها..

بس عندك فرصة تانية إنك تختاري واحد من الاختيارات اللي أعطوكي هياا، ولو تبغي تعرفي عنهاا أكتر، افتحي موقع عمادة القبول والتسجيل، وتصفحي كتيب دليل القبول.

بالتوفيق ياارب؛؛

[بحر الحرية]

المشاركة الأصلية كتبت بواسطة sosoooo b ترى الكشف الطبي مهم جدا كيف تقولي مو مكتوب في المستندات ؟؟؟ انصحك انك تسووووووووويه ،، وبالتوفيق للكل

أهلين أختي..
إداا طلبوه وكان من بين الشروط ف لازم تعملوه، لأنوو على وقت قبولنا كان مطلوب، وأنا مستغرب إنهم مو كاتبينوو من بين الطلبات زي ما بتقول الأخت اللي فوق، بعدين ترى مرررره سهل وما يطول، وزي ما قلتلك: لو يبغوه حيطلبوه منكم وحيكتبوه لكم، فعشان كداا تأكدوو اداا كان مكتوب ولا لا..

بالتوفيق للجميع ياارب؛؛

[سنونه]

السلآم عليكم ورحمه الله وبركاته

انا عندي دليل القبول لهآذي السنه مكتووب فيه آلآورآق آلي لآزم آخذهآ للجآمعه

منهآ


نموذج جامعه بلا تدخين

نموذج تعهد السنه التحضيريه

نموذج تعهد الالتحاق بالجامعه

وآنآ لمآ جيت آشوف موعد القبول مآكان عندي طآبعه فمآ طبعتهآ ومشيت من عندهآ

آيش آسوووي ؟؟

بليز ردوآ علي بسرعه لآنو موعدي آلآثنين

[queen my life]

السلام عليكم ورحمة الله وبركاته
اختي نسبتها 79.29
طلع لها
وفقاً للمعايير الاكاديمية للمفاضلة التى اعتمدها مجلس الجامعة فإنه يمكنك إعادة الترشيح أحد البرامج التالية في حالة وجود أماكن شاغرة
الي فهمته انها لم يتم قبولها انتظام(الجامعه - الكليه) ولا في الانتقالي ولا التأهيلي << صح ولا غلطانه
طيب اذا سجلتها انتساب يروح عليها الانتظام اذا كان في اماكن شاغره ؟؟؟
ومالمقصود بدبلومات خدمة المجتمع من حيث( يوجد رسوم - يوجد مكأفأه - التخصصات المتاحه للبنات طبعا)
ارجو الرد
ولكم جزيل الشكر والعرفان