تجمع بنات تصميم داخلي ..( متجدد ) ..

[memo_o]

بس 30 بنت راح يقبلو

مو كانو قليل

كم المعدل المطلوب ؟؟

[ساكنه في بيتنا]

3,5 وفوق ..

[n3omh]

ياحلوات

انا تحضيري علمي وابغى ادخل تصميم داخلي هو حلو ولا لا؟

هو علمي وادبي؟

اش اتوظف بعدين؟




وسمعت انو في اختبار له

متى ؟ ووين؟

وانا مو شاطرة بالرسم>معلووومة=)

[لوج لوج]

سؤؤال !
ايش المواد الاختياريه حق تخصصكم وينفع أحد في قسم تاني غير تصميم داخلي بس في كلية اقتصاد منزلي يعني
ياخودها ولا ؟؟؟؟؟؟؟؟؟؟؟؟؟

[ضايعه في عزوز]

السلام عليكم
حبايبي حبيت اسئل عن القسم وكيف القبول فيه
لاني ضايعه كل بنت تقولي شي وابغا كلام موثوق لانوو مره نفسي ادخله بس البنات خوفوني
ابغاا كل المعلومات الي تساعدني عشان استوعب القسم يعني القبول والمعدل الي تدخلني له وربي مرره حايسه ياليت تجاوبون لي وانا احب ارسم بس موهبتي مو مره كويسه بس ابغاا اطورهاا وابغاا اعرف متى الاختبار الي يقولون عنه

[Morouj Q]

المشاركة الأصلية كتبت بواسطة n3omh ياحلوات انا تحضيري علمي وابغى ادخل تصميم داخلي هو حلو ولا لا؟ حلو لو اتحبي الهندسة لأنو اقرب للهندسة ويمكن بس أول استوديو يحتاج مهارة رسم وتظليل هو علمي وادبي؟ التخصص علمي فقط اش اتوظف بعدين؟ أول شي لازم تعرفي انتي حتتخرجي بأي مسمى حسب كلام مشرفة القسم قالتلنا هوا بنفسها حنتخرج بمسمى مهندسة داخلية بعدين تقدري تشتغلي في مكاتب هندسة وفي مكاتب غير مختلطة بس حتسألي عنها وقت التدريب الصيفي وممكن تشتغلي في مكاتب تصميم داخلي وفي كمان أماكن بس انا ما دورت كتير وسمعت انو في اختبار له متى ؟ ووين؟ الاختبار يتحدد بداية السنة لأنو القبول صار بالسنة وممكن تتابعي في قسم الكلية على موقع الجامعة وانا مو شاطرة بالرسم>معلووومة=) حاولي تاخدي دورات أكتر شي في التظليل والرسم لأنو المهارة حقت الرسم تحتاج دي المهارتين أكتر شي والرسم اليدوي محا تحتاجيه غير أول وتاني استوديو وبعدين حتستخدمي الكمبيوتر

إن شاء الله أكون أفدتك

[Morouj Q]

المشاركة الأصلية كتبت بواسطة ضايعه في عزوز السلام عليكم حبايبي حبيت اسئل عن القسم وكيف القبول فيه لاني ضايعه كل بنت تقولي شي وابغا كلام موثوق لانوو مره نفسي ادخله بس البنات خوفوني ابغاا كل المعلومات الي تساعدني عشان استوعب القسم يعني القبول والمعدل الي تدخلني له وربي مرره حايسه ياليت تجاوبون لي وانا احب ارسم بس موهبتي مو مره كويسه بس ابغاا اطورهاا وابغاا اعرف متى الاختبار الي يقولون عنه

اول نصيحة حاولي تجيبي معدل قد ما تقدري

التخصص علمي وليه اختبار مهارات أو اختبار قبول لو تبغي تعرفي متى وقتو تابعي قسم الكلية على موقع الجامعة

في اختبار القبول بيشوفو البنات اللي عندهم مهارة ويستبعدو اللي ما عندهم مهارة ودا لمصلحة البنت لأنو حتى لو هيا حابة القسم حتتعب فيه فهما من البداية يشوفو اللي ما عندها المهارة ما يقبلوها

بعدين ياخدو من كل اللي عندهم المهارة 30 بنت فقط لأنو دي سعة الكلية كل سنة وياخدوهم حسب المعدل
عشان كدا باقوللك حاولي تجيبي معدل قد ما تقدري لانو ممكن انتي ووحده تانية تكون عندكم المهارة وتكوني انتي أحسن منها بس هيا يكون معدلها أعلى فيقبلوها وما يقبلوكي

ولو تقدري تطوري مهارة الرسم يعني ممكن تاخدي دورات بس أهم مهارتين تحتاجيها هي التظليل ورسم الطبيعة الصامتة والحية يعني اللي هوا انك ترسمي الشي اللي قدامك

لو عندك استفسار لا تترددي وتسألي

[متفائله بقوه]

انا في بالي كذا تخصص ( ادارة اعمال برابغ.. انجليزي .. تصميم .. تغذيه ) بس عندي مشكله في التصميم

انا الترم الجاي راح اكون المستوى الثاني من السنه التحضيريه

وان شاء الله راح احاول اكون انتظام السنه الجايه

لكن حتى لو حولت انتظام ما راح ابدأ الا في الترم الثاني ( لان النتائج تظهر نهاية الترم الاول )

فمتى اختبر اختبار القبول؟؟

وصحيح انه للمسار العلمي لكن انا راح اجرب ...ما تدري يمكن تتغير القوانين

وكله بقدرة القادر

فايش تنصحويني وايش ادرس في المستوى الثالث بحيث يفيدني سواء انقبلت في التصميم او في تخصص اخر

حتى تظهر نتيجة (الانتظام )


بعيد عن الموضوع:

انا اشوف الاختبار فيه ظلم لانه انتوا تقولوا انه يعتمد على التظليل والرسم

طيب كيف الوحده تنمي هذه الموهبه ..المدارس ما تفيدك لانك من المتوسط حصص الرسم قليله وما تفيد مره

والثانوي اذا اخترت فنيه برضوا ما يفيدوك كثير لانه اكثره اشغال يدويه

فكيف يتوقعوا من وحده تعرف هالاشياء..

حتى في السنه التحضيريه ما في اي مادة تكون مبدئية تتكلم عن الرسم والتظليل

[al_embra6ura]

المشاركة الأصلية كتبت بواسطة متفائله بقوه انا في بالي كذا تخصص ( ادارة اعمال برابغ.. انجليزي .. تصميم .. تغذيه ) بس عندي مشكله في التصميم انا الترم الجاي راح اكون المستوى الثاني من السنه التحضيريه وان شاء الله راح احاول اكون انتظام السنه الجايه لكن حتى لو حولت انتظام ما راح ابدأ الا في الترم الثاني ( لان النتائج تظهر نهاية الترم الاول ) فمتى اختبر اختبار القبول؟؟ اختبار القبول يكون مع بداية السنة وصحيح انه للمسار العلمي لكن انا راح اجرب ...ما تدري يمكن تتغير القوانين وكله بقدرة القادر بس ترى امكن تتعبي لانه كله هندسة ^^ فايش تنصحويني وايش ادرس في المستوى الثالث بحيث يفيدني سواء انقبلت في التصميم او في تخصص اخر حتى تظهر نتيجة (الانتظام ) ادرسي المواد العامه لانه لو تخصصتي تصميم مره ح ترتاحي بعيد عن الموضوع: انا اشوف الاختبار فيه ظلم لانه انتوا تقولوا انه يعتمد على التظليل والرسم طيب كيف الوحده تنمي هذه الموهبه ..المدارس ما تفيدك لانك من المتوسط حصص الرسم قليله وما تفيد مره والثانوي اذا اخترت فنيه برضوا ما يفيدوك كثير لانه اكثره اشغال يدويه فكيف يتوقعوا من وحده تعرف هالاشياء.. حتى في السنه التحضيريه ما في اي مادة تكون مبدئية تتكلم عن الرسم والتظليل ايوا صح بس هما مايأخذو بالرسامه او لا .. هما ييشوفو مين عندها موهبه حتى لو كانت بسيطه وهما ينموها بعدين

اتمنى اكون افدتك ^^

[متفائله بقوه]

^^

بالنسبة انه كله هندسه مو مشكله لانه انا كنت علمي بالثانوي

واحب الاشياء اللي بالهندسه


مشكوووووووووره

جزاك الله الفردوس الاعلى