ماحصل في الدورة التأهيلية ( أ ) لـلـ ." طـــــــــلاب " .

[المسـتقبل]

متابعين لك اسأل الله أن يوفقك...

[رومنسي وافي]

انا الصراحة اشكر اخوي صالح بن علي وانا الي ماتوقعته وين باقي الاعضاء الي حضرو الدوره ولا افدونا باي شي

[فيصل آل الحارث]

المشاركة الأصلية كتبت بواسطة رومنسي وافي انا الصراحة اشكر اخوي صالح بن علي وانا الي ماتوقعته وين باقي الاعضاء الي حضرو الدوره ولا افدونا باي شي

أخونا صالح بن علي ماراح يقصر...
وباقي الأعضاء لو بدهم يفيدونا ماراح يقصرون...
بس مايصير تقول عنهم كذا ...
أكيد عندهم ضرووف ماتسمح لهم..
وشكراً...

[googleswy]

المشاركة الأصلية كتبت بواسطة صالح بن علي وأخيرا واحد من الشباب نزل السيدي حق الرياضيات الله يعطيه العافية ويوفقه http://file15.9q9q.net/download/2462...s-114.doc.html ادعوا له بالتوفيق

الله يبشرك بالجنه أنت وياه ومن كل من ساعد أخواننا في ها الدوره،،، جزيت كل خير،

[رومنسي وافي]

المشاركة الأصلية كتبت بواسطة فيصل يحيى آل الحارث أخونا صالح بن علي ماراح يقصر... وباقي الأعضاء لو بدهم يفيدونا ماراح يقصرون... بس مايصير تقول عنهم كذا ... أكيد عندهم ضرووف ماتسمح لهم.. وشكراً...

حبيبي انا ماتكلمة عنهم كلام غير لائق او من هذا القبيل انما اقصد من كلامي اين هم بين سطور هذا الموضوع المخصص لطلاب الدورة التأهيلية اود انك فهمتني بطريقة اصح اخي الكريم

[الرضيان]

أنا أسئلتي كثيره منها فيه شي مطلوب مني الحين و كيف أحصل على الملخصات و هل الكتب مطلوب اني اذاكرها وكيف أذاكر وبالنسبة الدروس إلي ما أفهمها لها حل راسي مقلوب فوق تحت أبي أحد يفهمني الوضع وأتمنى ألاقي أحد اكون معه على أتصال مباشر,
تحياتي ,
أخوكم / سليمان الرضيان

[برق الشماال]

المشاركة الأصلية كتبت بواسطة الرضيان أنا أسئلتي كثيره منها فيه شي مطلوب مني الحين و كيف أحصل على الملخصات و هل الكتب مطلوب اني اذاكرها وكيف أذاكر وبالنسبة الدروس إلي ما أفهمها لها حل راسي مقلوب فوق تحت أبي أحد يفهمني الوضع وأتمنى ألاقي أحد اكون معه على أتصال مباشر,

المشاركة الأصلية كتبت بواسطة الرضيان تحياتي , أخوكم / سليمان الرضيان

اخوي سليمان تابع معاي حبه حبه
اول شي ادخل على هذا الموقع
http://odus1.kau.edu.sa/app_v3/Entsab/LOGIN.ASP
بعد كذا حط رقم الطلب والرقم السري لاتحط رقم البطاقه واضغط دخول حلو
بعد ماتدخل تحصل الرقم الجامعي احفظ هالرقم وفيه تحته مباشره مكتوب الدخول للنظام الاكاديمي
او ادخل عليه من الرابط هذا
http://odus3.kau.edu.sa/students/

اختر نظام الخدمات الاكاديميه-طلاب على اليمين فيه رقم الطالب والرقم السري
رقم الطالب= الرقم لجامعي
الرقم السري= رقم بطاقة الاحوال محذوف منها اول رقم مثال 1024444444 يصير الرقم السري 024444444
اللحين انت دخلت نظام اودس الى الان تمام اول من يفتح معاك النظام بتلاقي قدامك مثل الجدول
فيه معلومات شخصيه ومعلومات اكاديميه اقرا المعلومات الاكاديميه فيه خانه من الخيارات الاكاديميه مكتوب التخصص عاد بتلاقي مكتوب سنه تحضيريه خطه <<<هنا راح تعرف اي خطه انت
(أ)او(ب)
انتهينا اللحين من معرفة الخطة اللي راح تدرسها جيد اللحين فيه خيارات يمين الصفحه ومن ضمن الخيارات هذي تقارير استعلامات فيها خياارات احد هذي الخيارات مكتوب لك الجدول الدراسي
اضغط عليه تحصل موادك اللي راح تختبرها اسماء المواد وعدد الساعات الفعليه كذا انتهينا من معرفة موادك<<<جيد تقول من وين اجيب الكتب اذا انت بالرياض فيه مكتبة اسمها المهندس عندها الكتب ورقم المكتبة وجميع معلوماتها تحصلها هنا بالمنتدى
واذا ماانت من سكان الرياض فيه مكتبة خوارزم بجده نفس الشي لها رقم ووسيلة اتصال تكلمهم وترسل لهم فلوس ويحولون لك الكتب او شف احد معارفك يمرهم ويشتريلك الكتب او رح خذ عمره وادع لي ومر جده واشتري لي ولك كتب<<<<
المهم ماعلينا كذا انتهينا من طريقة شلون تعرف المواد وشلون تجيبهن
تقول اللحين ابعرف الملخصات <<< اللحين انت بصفحة الشباب جالسين يذكرون لك وش قال مدرس الماده وش المحذوف ووش اللي معانا من خلال متابعتي ماشفت غير الرياضيات اللي له ملخص وباقي المواد كامله وبيني وبينك هن كلهن خمس مواد يعني يالله لك الحمد لكن اذا بتقول كل ماده كم كتاب العلم عند الله اتمنى احد يفيدني ويفيدك
وبكذا اكون شرحت لك من طق طق للسلام عليكم

ومااطلب الا دعوة بظهر الغيب

جاري التعديل<<<من ناحية وش مطلوب منك <<====<<<<اذا انت دافور اشتر الكتب وذاكر من اللحين اما اذا انت مثلي كسلان كبر وسادتك ونم الى ماتجي الاختبارات
اما سؤالك اللي تقول فيه الكتب مطلوبه اذاكرها او لا <<<حاس انك بترسب اكيد تذاكرها اجل بتاخذ كتاب المعاجم الطحوية وتذاكرها الكتب هي المقرره عليك الملخصات وسيلة مساعده فقط لاغير
اما من ناحية كيف تذاكر<<فيه محقان عند ابو عشره دخل المعلومات براسك هههههههههههههه
امزح يالغالي المهم كيف تذاكر شف لك اقرب مدرس يدرسك ويسهل عليك الماده وبتفهم بس

من شفتك كاتب اسئلتي كثير قلت بجاوبك على كل شي اعرفه

وشكرا

[النجم55]

الله يجزاكم خير على تعاونكم مع اخوانكم

[النجم55]

ننتظر المزيد من الشباب الصالح بأذن الله (صالح وفهد) والله يجعل افعالكم بالمنتدى في موازين اعمالكم

[abdullah albahli]

اخوي صالح بن علي
او اخوي فهد العنزن
من الي راح يحضر تجمع مدينة الرياض ؟؟؟؟!!!!


ثاني شي نبي منكم فضلا َ وتكرماً تنزلون الملخصات في موضوع مستقل في قسم الملخصات علشان نفهم علشان الموضوع هنا بدأ كبير والصفحات واجد ولا نقدر نفهم وش السالفه
وشكراً