استفسارات عامة خاصة بطالبات التعليم عن بعد ..

[M86]

ننتظر الرد على سوأل الخطط لانها فضحتنا فيه هههههههههههههههه ياقلبي عليها

يالله يا طلاب المستوى الثالث جاوبووووونا ؟؟؟

العلم نور والجهل ظلام انا عن نفسي مثلك انتظر الدراسه تبداء و نتعلم
بس ياليت يجاوبونا المستويات السابقه لنا

[Rawan.s]

ابشركم سددت خلاص
وعقبال البطاقة ^^

[حطام أنثى]

العلم نور ياأختي لاتشيلي هم كبير ... مع الدراسـه ولما تشوفوا الانظمـه حتحسوا كل شيء سهل جدا جدا ... انتوا روقوا واستمتعوا برمضان وادعوا ربكم يوفقكم ويالله جاي العيد فلوها ولما تجي الدراسه بتصدقوني ان الانظمه سهله مو صعبه زي مومفكرين حتى الدراسه مافيها صعوبه اول سنه كثير اهم شيء الاجتهاد وانتوا حتكونوا شطار :) ...

الخطط دا رابطها بس مو كامله اخر سنتين لان على حسب المسار تكمل الخطط ولسه ماحطوا مسارات يعني لسه فاضيـه بس السنتين الاولى موادها كامله
هذي خطه الاداب http://elearning.kau.edu.sa/content....www.kau.edu.sa

هذي خطه الادارهhttp://elearning.kau.edu.sa/content....www.kau.edu.sa
بالتوفيق لكم جميعا...

واي سؤال تبغوه اسألوا وان شاء الله اتواجد واجاوب عليكم كل مافضيت .. واللي عندها سؤال وماأنتبهت له تنبهني على الخاص ...

[غاوية دراسة]

يابنات يامستجدات اسمحولي
وأنا على فكرة مستجدة مثلكم
صراحة كل الاسئلة الي انسئلت اعرف اجوبتها من البحث في المنتدى
ومن موقع الجامعة نفسه
طيب ياعزيزاتي نحن بنكون طلبة جامعييين
اساس الدراسة الجامعية البحث عن المعلومة
لو نبغى كل شي على الجاهز ماينفع كذه
انسوا الثانوي وانسوا الكتب الجاهزة والمعلومات الي تجيكم على الجاهز وانسوا الحفظ الاصم
لازم نبحث ونتعب حتى نعرف المعلومة وندورلها من كذا مصدر قبل مانعجز
ونبدا نسأل الغير
الله يوفقنا يااخواتي جميعا لما يحب ويرضى ..

[غاوية دراسة]

وعلى اجوبة الاسئلة بأجاوب على فهمي المتواضع ولو أخطأت بشيء
عندي استاذتي الموقرة حطام انثى تصححي لي
أولا .. الجامعة غيرت مسمى سنة اولى الى السنة التحضيرية
زمان كانوا يسموها سنة اولى عام
وبالسنة الاولى( التحضيرية هذي) 11 مادة تنقسم على ترمين
المهم نحن كطلبة ينزلنا من الجامعة جدولين اما ب 5 مواد او 6 مواد يسموها جدول أ وجدول ب ..
وراح يوزعونا على الجدولين هذول فإما يطلع نصيبك مع جدول أ
أو مع جدول ب
وبالترم الثاني تدرسي طبعا المواد الي باقية عليكي حق سنة اولى تحضيري
واذا نجحنا ولله الحمد نختار وقتها مسار ادبي (يعني كلية الاداب )أو كلية ادارة واقتصاد (يعني قسم ادارة واقتصاد)
............
طيب متى تبدا الاختبارات؟
بتكون مثل مابحثت في جدول السنة الماضية
قبل اختبارات المدارس ب3 اسابيع تقريبا والتاريخ بينزلوه بموقع الجامعة قبل الاختبار بفترة معينة وينزلوا الجدول وقتها برضو
يعني بهذي مالنا غير الانتظار قرب الامتحانات لما ينزلوا تاريخ الاختبار والجدول ..
أما اشلون حل الواجبات والاختبارات من خلال برنامج ال Emes

تفتحيه عادي وتحطي رقمك الجامعي ورقمك السري وتدخلي تلاقي مكان لحل الواجبات ومحل للاختبارات وعادي
تحلي مثل ماكنتي تحلي ايام المدرسة حسب المنهج الي ماخذينه
طيب بتسأليني واش برنامج ال Emes
أقلك وقتها لازم تدخلي لموقع الجامعة عمادة التعليم عن بعد وتلاقي على اليمين انظمة التعليم عن بعد
ولازم ياعزيزتي تبدأي تفتحي وتقري وتعودي نفسك على الانظمة الالكترونية هذي
مابقي شي على الدراسة ولازم تكوني نوعا ما متعودة تفتحي العمادة وتعرفي من وين تدخلي ومن وين تطلعي
والله بعدين لاتنحاسي ايام الدراسة صدقيني
ابدأي اكتشفي العمادة وشوفي اش فيها حتى ماتنحاسين ايام المحاضرات الفعليه ..
يارب اكون افدتك بشي
ولأي وحدة سألت نفس اسألتك
موفقة عزيزتي ..

[الأمـاني]

ابشركم يابنات ارسلت اوراقي اليوم
متى تتوقعون يردون بالقبول؟؟
انا مشتاقة للدراسة بشكل مو طبيعي شكلي باخذ الاولى عليكم<<<<< بعيدة عن وجهك!

[حطام أنثى]

المشاركة الأصلية كتبت بواسطة غاوية دراسة وعلى اجوبة الاسئلة بأجاوب على فهمي المتواضع ولو أخطأت بشيء عندي استاذتي الموقرة حطام انثى تصححي لي أولا .. الجامعة غيرت مسمى سنة اولى الى السنة التحضيرية زمان كانوا يسموها سنة اولى عام وبالسنة الاولى( التحضيرية هذي) 11 مادة تنقسم على ترمين المهم نحن كطلبة ينزلنا من الجامعة جدولين اما ب 5 مواد او 6 مواد يسموها جدول أ وجدول ب .. وراح يوزعونا على الجدولين هذول فإما يطلع نصيبك مع جدول أ أو مع جدول ب وبالترم الثاني تدرسي طبعا المواد الي باقية عليكي حق سنة اولى تحضيري واذا نجحنا ولله الحمد نختار وقتها مسار ادبي (يعني كلية الاداب )أو كلية ادارة واقتصاد (يعني قسم ادارة واقتصاد) ............

ههههههههههههههههههه ماشاء الله عارفه كل شيء ... خلاص من اليوم ورايح انتي مساعدتي ..

بس عندي ملاحظـه على سيرة التخصص .. التخصص انتي تدخليه سواء حملتي ماده او 4 مايضر المهم تعدي عدد معين من الساعات وبعدها تقدري تتخصصي....

[سارة إبراهيم]

انا كمان طلبة في التعليم عن بعد

بس شايله هم شئ واحد زمااااااااااااااااااان مررررة على الدرااااسة الله يوفقني وان شاء الله نساااعد بعض.....

[غاوية دراسة]

سمعتوا يابنات خلاص انا مساعدة ابلتنا حطام انثى
خخخخخخخخخخخخخخخخخ
الله يسعدك ياشيخة
وعقبال مانباركلك التخرج وتباركيلنا التخرج كمان
يـــــــــــارب

سارة هلا بيكي اختي بالقروب
تراني زيك من زماااااان عن الدراسة تراني خريجة 1419-1420 يعني ثانويتي كملت 10 سنين
بس زي ماتقولي الشغلة زي ركوب الدراجة
مهما انقطعتي عن ركوبها بترجعي تركبيها مثل اول ان شاء الله

كل الحوسة باول اسبوع عبال مانستوعب المواد ونخش بالمعمعة
هههههههه
الله يوفقنا وييسر امورنا اميييييييييييييييييييين

[الممتحنة]

بنت انا احين متحمسه وايد للدراسه بس احاتي روحة جده في السنه الثانيه والثالثه ولرابعه صعبه شوي اروح انا من الشرقيه مافي حد يروح معاي حتى لو حصل اول مره ثاني ثالث مره مو عارفه هذا الي حيل احاتيه وغير ان بيكلفنا شوي الروحه سكن اكل مواصلات مو عارفه كيف يعني كنه كل فصل اسافر

شيروا علي يابنات