تجمع للمتقدمين والمتقدمات للدراسات العليا لعام 1432 - 1433 هـ

[حبي لذاتي قمة أولوياتي ~]

المشاركة الأصلية كتبت بواسطة جنون الطفولة أنا الاسبوع اللي راح بالتحديد يوم الاثنين ,. سجَّلت 10 الصباح وماجات 12 اخر الليل الا والقبول جاتني رسالته بالايميل قولي يارب وشدي حيلك ,. وارسلي التأكيد أنا كنت زيك مأخرتها اعدل ع السيرة + اتأكد من الرغبات وآخر شي اتوكلت على الله

مبروك ألف ألف مبروك

فرحت لك والله طيب فرحينا ياعسل

الله يتمم قبولك على خير تستاهلي الخير كله ~

[احساس ورده]

طبعا أنا أخركم..بس مستنية الكفايات ولما شفتهم أخروها قلت خلاص بأقدم مع أني ماأبغى لهم مدخل ويتلكلكولي على شيء..

المهم ياحلوين..هل كل ماأعبي بيانات أسوي حفظ ولا أنتقل للتالي على طول..خفت أعمل حفظ ويروح عليه..

وشي ثاني لما وصلت عند درجة الكفايات تطلعلي ويندو أنه لاتوجد لديك درجه..كيف أكمل باقي البيانات؟!!!

[فتاة العصر]

صباح معطر على احلى بنات

كيفك حبي لذاتي ؟؟؟



اختي احساس وردة
نصيحتي لكي انتظري نتيجة الكفايات هيا بتكون على الاسبوع الجاي باذن الله بالكتيييييير
وبعدين بعدكل خطوة سوي حفظ مافي اي مشكلة
اما لو كنتي مستعجلة اكتبي في خانة اللغة كلمة لايوجد وكملي عادي
اما لو ماتبغي يتلككوا لكي على شيء يصير انتظري نتيجة اللغة خصوصا لومقدمة على شيء يعتمد في ظهور الرغبات عليها ...

تحياتي

[بسمة الفجر 2004]

المشاركة الأصلية كتبت بواسطة فتاة العصر صباح الخير ،،، أسعد الله أوقاتكم أختي بسمة فجر 2004 اللي بجانبه نجمة حمراء معنى انه مهم وضروري وله الأولوية اما الباقي فلا يعني انه غير مهم ويعتبر أيضا الملف ناقص بدونهم ويضعف نسبة مفاضلتك الهوية الوطنية : يرفق فيها الإقامة فقط أما جوزا السفر فيرفق في خانات ( الأخرى ) ...وثيقة التخرج : مثل ماقولتي صحيحكشف الدرجات : ت تدمجيهم كلهم بملف واحد وكل ورقة في الكشف بصفحة لحالها لكن يكونوا بملف واحد متعدد الصفحات ...شهادة اختبار اللغة : لو اختبرتي كفايات يصير تنتظري النتيجة اللين تطلع وهيكون فيه وقت باذن الله لاتخافي وبعد ماتطلع النتيجة تطبيعها من موقع قياس وتحويلها زي باقي المرفقات وترفقيها ... التوصيات العلمية : مثل ماقولتي وهيا خاصة بتوصيات مرحلة البكالوريوسالسيرة الذاتية : الأفضل ارفاقها باللغة العربية إلا لو مقدمة على أقسام هتكون دراستها باللغة الإنجليزية يصير الأحسن الاتنين زي ماقولتي ،،، تكون بملف واحد متعدد الصفحات ... موافقة جهة العمل : هذه واضحة اذا كنتي موظفة هتجيبي الموافقة وترفقيها لكن لو كنتي مقدمة على برامج خاصة تصير الموافقة مالها داعي كتير ... شهادة الميلاد : ترفقيها لو كنتي غير سعودية ومامتك سعودية او لو كنتي غير سعودية ووالدتك غير سعودية في الحالتين هترفقيها ...شهادة الدبلوم التربوي : لو معاكي الدبلوم يصير ترفقي احسن يخلي نسبة مفاضلتك أعلى وأحسن ...أخرى 1 : هترفقي فيها جواز السفر ...أخرى 2 : كشف درجات الدبلوم وتوصياته ...اخرى 3 : شهادات الخبرة العملية ...أخرى 4 : شهادات الدورات بملف واحد متعدد الصفحات ... تحياتي

أسعد الله اوقاتك غاليتي فتاة العصر

عساكي بخير دوم يارب وربي يحفظك ويبارك فيكي وفي جهودك المثمرة القيمة وتعاونك المستمر مع الجميع

تسلمي عزيزتي على ردك الكريم وعلى توضيحك نقطة نقطة ربي يوفقك ويسعدك ويناولك اللي في بالك

ويارب تتيسر امرور التسجيل << نعود للسبات لحين خروج نتائج القدرات والكفايات

والله يعين يارب << تعبنا ويارب مايضيع تعبنا عالفاضي في القبول في الجامعة

[جنون الطفولة]

المشاركة الأصلية كتبت بواسطة حبي لذاتي قمة أولوياتي ~ مبروك ألف ألف مبروك فرحت لك والله طيب فرحينا ياعسل الله يتمم قبولك على خير تستاهلي الخير كله ~

آأمين يارب لي ولك ولبنـآأت أمة محمَّد أجمعين

[فتاة العصر]

صباح الخير جنون الطفولة ،،، حماتك تحبك الفطور والفول والطعمية جاهزين اتفضلي


اختي بسمة فجر
تسلمي يارب من كل شر ،، بس ترى ها لاتغيبي كتيييييير على طول طمنينا عليكي وايش سويتي لاتنسي رجاااااااااء ...


موفقين

[جنون الطفولة]

صبـآحكم جوريَّه ,. ورضاا من رب العالمين ..

صباح التفاؤل والأمل أنثر خلفك زهوراً واصبر قليلا ترى نوراً !!!

[جنون الطفولة]

المشاركة الأصلية كتبت بواسطة فتاة العصر صباح الخير جنون الطفولة ،،، حماتك تحبك الفطور والفول والطعمية جاهزين اتفضلي اختي بسمة فجر تسلمي يارب من كل شر ،، بس ترى ها لاتغيبي كتيييييير على طول طمنينا عليكي وايش سويتي لاتنسي رجاااااااااء ... موفقين

ههههههههههـ تؤبري قلبي ..

خليني اعرف وجهها اوَّل وبعدين أعرف اذا تحبني ولا ما تحبَّني ,.

بالعــآأفية على قلبك يَ ـا قمرهم

[فتاة العصر]

وعلى قلبك انتي كمان ياقمر ،،،
وبعدين ايش ده التشاؤم طالما انتي جنون الطفولة يصير هيا اللي مفروض تخاف مو انتي هههههههه

[احساس ورده]

المشاركة الأصلية كتبت بواسطة فتاة العصر صباح معطر على احلى بنات كيفك حبي لذاتي ؟؟؟ اختي احساس وردة نصيحتي لكي انتظري نتيجة الكفايات هيا بتكون على الاسبوع الجاي باذن الله بالكتيييييير وبعدين بعدكل خطوة سوي حفظ مافي اي مشكلة اما لو كنتي مستعجلة اكتبي في خانة اللغة كلمة لايوجد وكملي عادي اما لو ماتبغي يتلككوا لكي على شيء يصير انتظري نتيجة اللغة خصوصا لومقدمة على شيء يعتمد في ظهور الرغبات عليها ... تحياتي

يب والله خايفه من قرارات الجامعة يطلع في راسهم قرار ويتفذوه ع طول..

على رأئيك راح استنى لين تنزل الدرجه..

أنا خفت أعمل حفظ ويصير ماأعدل أو شي..بس طمنتيني ^_^

جزاك الله خير..ويعطيك العافية خيتو...

بالتــــوفيق للجميع..